سعودی شوریٰ کونسل کے وفد کا قومی اسمبلی میں پرتپاک استقبال
اشاعت کی تاریخ: 24th, June 2025 GMT
پاکستان سعودی پارلیمینٹری فرینڈشپ کمیٹی کے وفد نے منگل کو اسلام آباد میں قومی اسمبلی کا دورہ کیا، اجلاس کے دوران قومی اسمبلی کے سپیکر نے مہمانوں کی گیلری میں بیٹھے وفد کو خوش آمدید کہتے ہوئے ان کا تعارف کروایا۔
یہ بھی پڑھیں: وزیراعظم سے سعودی وفد کی ملاقات، معاشی تعلقات کو فروغ دینے کے لیے گرمجوشی کا اظہار
قومی اسمبلی کے اسپیکر سردار ایاز صادق کی دعوت پر پاکستان کا دورہ کرنے والے اس سعودی وفد کی قیادت سعودی شوریٰ کونسل کے ایک ممتاز رکن میجر جنرل (ر) ڈاکٹر عبدالرحمن بن سہیت العربی کر رہے ہیں۔
During the National Assembly Budget Session 2025, Leader of the opposition, Mr.
— National Assembly ???????? (@NAofPakistan) June 24, 2025
آج قومی اسمبلی پہچنے پر اسپیکر قومی اسمبلی ایاز صادق نے مہمان وفد کے اراکین کا فرداً فرداً تعارف کراتے ہوئے پرتپاک استقبال کیا، اس موقع پر اپوزیشن لیڈر عمر ایوب نے بھی مہمان وفد کا خیرمقدم کیا، سعودی شوریٰ کونسل کے اراکین ڈاکٹر ایمان بنت عبدالعزیز الجبرین اور انجینئر سالم بن علی الشہری بھی وفد میں شامل ہیں۔
سعودی پاکستان پارلیمینٹری فرینڈشپ کمیٹی کا 3 رکنی وفد دونوں ملکوں کے قانون ساز اداروں کے مابین تعلقات کو مضبوط بنانے کے ایک اہم قدم کے طور پر گزشتہ روز اسلام آباد پہنچا تھا، قومی اسمبلی میں پاکستان سعودی پارلیمانی فرینڈشپ گروپ نے طے شدہ ملاقاتیں بھی کیں۔
مزید پڑھیں:پاکستان سعودی عرب سرمایہ کاری کانفرنس، سعودی وفد کی توجہ کا مرکز کیا تھا؟
پاکستان سعودی پارلیمینٹری فرینڈشپ کمیٹی نے قومی اسمبلی کے بجٹ اجلاس میں شرکت کرکے پاکستان کے پارلیمانی طریقہ کار کے بارے میں معلومات حاصل کیں، مہمان وفد کے اراکین قومی اسمبلی کے اسپیکر سردار ایاز صادق اور سینیٹ کے چیئرمین سید یوسف رضا گیلانی سے بھی ملاقاتیں کریں گے۔
پاکستان سعودی پارلیمینٹری فرینڈشپ کمیٹی کے اس دورے کو دونوں ملکوں کی پارلیمنٹ کے درمیان تعاون بڑھانے کی جانب ایک اہم قدم کے طور پر دیکھا جا رہا ہے ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپیکر قومی اسمبلی ایاز صادق بجٹ اجلاس پارلیمانی طریقہ کار پاکستان سعودی پارلیمینٹری فرینڈشپ کمیٹی ڈاکٹر ایمان سعودی شوریٰ کونسل قومی اسمبلی میجر جنرل (ر) ڈاکٹر عبدالرحمنذریعہ: WE News
کلیدی لفظ: اسپیکر قومی اسمبلی ایاز صادق بجٹ اجلاس پارلیمانی طریقہ کار پاکستان سعودی پارلیمینٹری فرینڈشپ کمیٹی ڈاکٹر ایمان سعودی شوری کونسل قومی اسمبلی میجر جنرل ر ڈاکٹر عبدالرحمن پاکستان سعودی پارلیمینٹری فرینڈشپ کمیٹی قومی اسمبلی کے ایاز صادق
پڑھیں:
قومی اسمبلی ذیلی کمیٹی بین الصوبائی رابطہ کی پاکستان ہاکی فیڈریشن کو فوری انتخابات کرانے کی ہدایت
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔23 ستمبر ۔2025 )قومی اسمبلی کی ذیلی کمیٹی نے پاکستان ہاکی فیڈریشن کو فوری انتخابات کرانے کی ہدایت کردی جب کہ اجلاس میں پی ایچ افی کے صدر طارق بگٹی کی نامزدگی کو درست قرار دیا گیا قومی اسمبلی کی ذیلی کمیٹی برائے بین الصوبائی رابطہ کا اجلاس شیخ آفتاب کی کنوینر شپ میں منعقد ہوا جس میں وزارتِ قانون اور اٹارنی جنرل آفس کے نمائندوں نے شرکت کی.(جاری ہے)
اجلاس میں پاکستان ہاکی فیڈریشن کے صدر طارق بگٹی کی نامزدگی کا جائزہ لیا گیا جسے وزارت قانون اور اٹارنی جنرل آفس نے درست قرار دے دیا قائمہ کمیٹی نے پاکستان ہاکی فیڈریشن کو فوری الیکشن کرانے کی ہدایت دی جس پر طارق بگٹی نے 2 ماہ میں انتخابات کرانے کی یقین دہانی کرائی ایڈیشنل اٹارنی جنرل نے بتایا کہ پی ایچ ایف جنرل کونسل نے طارق بگٹی پر اعتماد ظاہر کیا ہے جب کہ ان کی بنیادی ذمہ داری الیکشن کرانا ہے ڈی جی پی ایس بی یاسر پیرزادہ نے کہا کہ نگران وزیراعظم نے طارق بگٹی کو فیڈریشن کے انتخابات اور آڈٹ کی ذمہ داری دی تھی، تاہم فیڈریشن نے کانگرس، ایسوسی ایشنز اور کلبوں کا مکمل ڈیٹا فراہم نہیں کیا، ایسی صورتحال میں دو ماہ میں انتخابات کرانا مشکل دکھائی دیتا ہے. کمیٹی نے طارق بگٹی کو ہاکی فیڈریشن کا تمام ریکارڈ فراہم کرنے کی ہدایت دی اس موقع پر صدر پی ایچ ایف طارق بگٹی نے کہا کہ فیڈریشن ایک خودمختار ادارہ ہے، انہیں کانگرس کا اعتماد حاصل ہے شہلا رضا نے الگ سے اعتماد کا ووٹ لینے کی کوشش کی تھی انہوں نے کہا کہ حیدر حسین نے ہاکی فیڈریشن کا ریکارڈ چوری کیا، کراچی ہاکی اسٹیڈیم پر قبضے کی کوشش کی اور اسی وجہ سے ان پر تاحیات پابندی عائد کی گئی ہے ہم نے حیدر حسین کیخلاف متعلقہ اداروں میں شکایت درج کروا کھی ہے. وفاقی سیکرٹری محی الدین وانی نے کہا کہ فیڈریشن جلد انتخابات کرا کے تنازع ختم کرے تاکہ معاملہ شفاف ہو سکے اجلاس میں ایف آئی اے کے حکام بھی پیش ہوئے اور بتایا کہ وہ ہاکی فیڈریشن کے آڈٹ اعتراضات اور بے ضابطگیوں کا جائزہ لے رہے ہیں، اس سلسلے میں فیڈریشن سے تمام ریکارڈ طلب کر لیا گیا ہے کمیٹی نے ہاکی فیڈریشن کو ایف آئی اے کو مکمل ریکارڈ فراہم کرنے کی ہدایت کر دی.
سعودی عرب میں پاکستانی وفد کا شاندار استقبال، دوطرفہ تعلقات میں نئی جہت قرار