پشاور: خیبرپختونخوا حکومت کا یکم محرم الحرام کو عام تعطیل کا اعلان
اشاعت کی تاریخ: 25th, June 2025 GMT
data-id="863a0a8" data-element_type="widget" data-widget_type="theme-post-content.default">
پشاور: خیبرپختونخوا حکومت نے نئے اسلامی سال 1447 ہجری کے آغاز کے موقع پر یکم محرم الحرام کو صوبے بھر میں عام تعطیل کا اعلان کر دیا ہے۔
میڈیا رپورٹس کےمطابق صوبائی حکومت کی جانب سے جاری کردہ باضابطہ اعلامیے میں کہا گیا ہے کہ یکم محرم الحرام 1447 ہجری کو صوبے میں عام تعطیل ہوگی، یہ تعطیل مرکزی رویتِ ہلال کمیٹی کی طرف سے چاند نظر آنے کے سرکاری اعلان سے مشروط ہوگی۔
صوبائی حکومت نے عوام سے اپیل کی ہے کہ وہ محرم کے دوران مذہبی ہم آہنگی، صبر اور برداشت کا مظاہرہ کریں اور قانون نافذ کرنے والے اداروں کے ساتھ تعاون کو یقینی بنائیں۔
خیال رہے کہ یکم محرم الحرام اسلامی تقویم کا پہلا دن ہوتا ہے اور اس دن کو اسلامی سال کی ابتدا کے طور پر مذہبی عقیدت و احترام کے ساتھ منایا جاتا ہے، پاکستان میں مختلف مکاتب فکر کے افراد اس موقع پر عبادات، مجالس، اور دیگر مذہبی اجتماعات کا اہتمام کرتے ہیں۔
محکمہ داخلہ اور مذہبی امور کی جانب سے متعلقہ اداروں کو ہدایات جاری کر دی گئی ہیں کہ محرم الحرام کے دوران امن و امان قائم رکھنے کے لیے سیکیورٹی انتظامات کو یقینی بنایا جائے، اس کے علاوہ، ضلعی انتظامیہ کو بھی ہدایت کی گئی ہے کہ عزاداری اور مذہبی اجتماعات کے لیے سہولیات فراہم کی جائیں اور امن و بھائی چارے کی فضا قائم رکھی جائے۔
.ذریعہ: Jasarat News
کلیدی لفظ: یکم محرم الحرام
پڑھیں:
ملک میں لاقانونیت ، آزادی مشن سے پیچھے نہیں ہٹیں گے، وزیراعلیٰ خیبرپختونخوا
بھارت کے ساتھ میچ عام میچ نہیں ہوتا، ہمیں افسوس ہے کہ ہم بار بار کرکٹ میچ ہار رہے ہیں،گنڈاپور
جلسہ کریں گے اور ہم ثابت کرینگے کہ پوری قوم بانی پی ٹی آئی کے ساتھ کھڑی ہے،میڈیا سے گفتگو
وزیراعلیٰ خیبرپختونخوا علی امین گنڈاپور نے کہا ہے کہ بھارت کے ساتھ میچ عام میچ نہیں ہوتا، ہمیں افسوس ہے کہ ہم بار بار کرکٹ میچ ہار رہے ہیں۔ پشاور میں میڈیا سے گفتگو کرتے ہوئے انہوں نے کہا کہ ہمارے خلاف تمام کیسز بے بنیاد ہیں، ملک کے اندر لاقانونیت ہے، آزادی کے مشن سے پیچھے نہیں ہٹیں گے۔علی امین گنڈاپور نے کہا کہ جلسہ کریں گے اور ہم ثابت کریں گے کہ پوری قوم بانی پی ٹی آئی کے ساتھ کھڑی ہے، ادارے آئین کے مطابق کام کریں، عوام کی حقیقی جنگ لڑ رہے ہیں۔ انہوں نے کہا کہ افغانستان حکومت چاہتی ہے کہ یہ مسئلہ حل ہو، ان سے مثبت پیغام آیا ہے، افغانستان سے بات کرنے وفد جائے گا۔وزیراعلی خیبرپختونخوا نے کہا کہ افغانستان حکومت اور صوبائی حکومت مذاکرات کریں گی۔
سدرہ امین کا بڑا کارنامہ، نیا ریکارڈ قائم کردیا