خیبرپختونخوا: پولیس میں خدمات انجام دینے والے سراغ رساں کتوں کی ریٹائرمنٹ، اب وہ کیا کریں گے؟
اشاعت کی تاریخ: 26th, June 2025 GMT
خیبرپختونخوا پولیس کے ’کے نائن‘ یونٹ میں ایک ایسی ریٹائرمنٹ کی تقریب منعقد ہوئی جو معمول سے مختلف تھی۔ اس بار ریٹائر ہونے والے نہ کوئی پولیس آفیسر تھے، نہ اہلکار، بلکہ وہ سراغ رساں کتے تھے جنہوں نے برسوں تک پولیس کے ساتھ مل کر اپنی خدمات انجام دیں، اب وہ اپنی مدتِ ملازمت مکمل کرنے کے بعد ریٹائر ہورہے ہیں۔
تقریب کی صدارت ڈائریکٹر ’کے نائن یونٹ‘ خیبرپختونخوا عدیل ابدال نے کی، جنہوں نے ان ریٹائر ہونے والے وفادار اور بہادر کتوں کو اعزازات کے ساتھ رخصت کیا۔ ان کا کہنا تھا کہ کے نائن یونٹ کے دو نمایاں ممبران ’ڈیپ اور سونا‘ گزشتہ 10 سال سے خیبرپختونخوا پولیس کا حصہ تھے۔ ان دونوں نے دہشتگردی، بدامنی اور دیگر خطرناک حالات میں اپنی جان خطرے میں ڈال کر پولیس کے ساتھ بھرپور کردار ادا کیا۔
عدیل ابدال کے مطابق ’کے نائن‘ یونٹ 2009 میں قائم کیا گیا تھا، اور 2014 میں اسے ایک باقاعدہ علیحدہ یونٹ کا درجہ دیا گیا۔ یونٹ میں اس وقت 40 سراغ رساں کتے مختلف اضلاع میں خدمات انجام دے رہے ہیں۔
’ڈیپ اور سونا کو اعزازات سے نوازا گیا‘ڈیپ اور سونا کا یہ ڈیوٹی کا آخری دن تھا، اس دن ان دونوں کو کسی بھی کام پر نہیں بھیجا گیا، بلکہ ان کے اعزاز میں ایک خصوصی تقریب منعقد کی گئی۔ تقریب میں یونٹ کے تمام افسران اور اہلکار موجود تھے۔
ڈیپ یونٹ کا سب سے سینیئر اور تجربہ کار سراغ رساں کتا تھا، جسے بم ڈھونڈنے میں مہارت حاصل تھی۔ دوسری جانب سونا جو اب بینائی کی کمزوری کے باعث ریٹائر ہو رہا ہے، نے بھی اہم مشنز میں حصہ لیا۔ ان دونوں کو تقریب میں خصوصی میڈلز پہنائے گئے اور ان کی خدمات کو بھرپور خراجِ تحسین پیش کیا گیا۔
عدیل ابدال کا کہنا تھا کہ اس تقریب کا مقصد ان کتوں کی خدمات کو تسلیم کرنا اور یہ پیغام دینا تھا کہ یہ جانور صرف پولیس کے ملازم نہیں بلکہ فرنٹ لائن ہیروز ہیں، جنہوں نے اپنی جانوں کا خطرہ مول لے کر کئی جانیں بچائیں۔
’دہشتگردی کی کئی کوششیں ناکام بنائیں‘عدیل ابدال نے بتایا کہ ’کے نائن یونٹ‘ کا کردار نہایت اہم ہے، کسی بھی اہم تقریب یا مشکوک مقام پر سب سے پہلے اس یونٹ کے کتے تعینات کیے جاتے ہیں تاکہ وہ اپنی تیز سونگھنے کی صلاحیت سے کسی بھی خطرے کی نشان دہی کر سکیں۔
انہوں نے بتایا کہ پشاور کے نواحی علاقے میں ایک موبائل ٹاور پر نصب بم کو ڈیپ نے سونگھ کر بروقت خطرے کو ناکام بنایا۔ اسی طرح چارسدہ روڈ پر دھماکے کے بعد جب کلیئرنس ٹیم پہنچی، تو ڈیپ نے ایک اور چھپے ہوئے بم کا سراغ لگا کر بڑی تباہی سے بچا لیا۔
’یہی نہیں متعدد مواقع پر ’کے نائن یونٹ‘ نے بارودی مواد کی بروقت نشاندہی کرکے پولیس اور شہریوں کی جانیں بچائیں۔‘
عدیل ابدال نے کہاکہ ’یہ ہمارے وہ سپاہی ہیں جو ہر آپریشن میں سب سے آگے ہوتے ہیں، یہ خاموشی سے، بغیر کسی شکایت کے، خطرے میں گھس کر ہمیں محفوظ بناتے ہیں۔‘
ریٹائرمنٹ کے بعد کی زندگی کیسی ہوگی؟ریٹائرمنٹ کے بعد ان کتوں کی زندگی پر بات کرتے ہوئے عدیل ابدال نے بتایا کہ ریٹائرمنٹ کا مطلب یہ نہیں کہ ان کتوں کو یونٹ سے نکال دیا جائے گا یا نظر انداز کیا جائے گا، بلکہ اب یہ کتے ڈیوٹی نہیں کریں گے، لیکن یونٹ کے ساتھ ہی رہیں گے اور ان کی مکمل دیکھ بھال کی جائے گی۔
انہوں نے کہاکہ پشاور میں موجود یونٹ میں ان کتوں کے لیے بہترین انتظامات کیے گئے ہیں، ان کے لیے مخصوص ہینڈلرز، مناسب رہائش، گرمی سے بچاؤ کے لیے ایئر کنڈیشنڈ کمرے، باقاعدہ چیک اپ اور سالانہ ویکسینیشن کا بندوبست موجود ہے۔
ان کا کہنا تھا کہ جیسے جیسے ان کی عمر بڑھتی ہے، ان کی سونگھنے کی صلاحیت کمزور ہونے لگتی ہے، اور یہی وجہ ہے کہ وقت پر انہیں اعزاز کے ساتھ ریٹائر کیا جاتا ہے تاکہ وہ اپنی بقیہ زندگی آرام سے گزار سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews خیبرپختونخوا خیبرپختونخوا پولیس سراغ رساں کتے سراغ رساں کتے ریٹائر کے نائن یونٹ وی نیوز.
ذریعہ
ذریعہ: WE News
کلیدی لفظ: خیبرپختونخوا خیبرپختونخوا پولیس سراغ رساں کتے سراغ رساں کتے ریٹائر کے نائن یونٹ وی نیوز سراغ رساں کتے عدیل ابدال نے کے نائن یونٹ پولیس کے کے ساتھ یونٹ کے ان کتوں کے لیے تھا کہ کے بعد
پڑھیں:
’میری قبر پہلے ہی تیار ہے‘، موت کی تیاریوں سے متعلق عطا اللہ خان عیسیٰ خیلوی کا حیران کن بیان
پاکستان کے لیجنڈری گلوکار عطا اللہ خان عیسیٰ خیلوی نے اپنی زندگی سے متعلق ایک ایسا انکشاف کیا ہے جس نے مداحوں کو حیران کر دیا۔ معروف گلوکار کا کہنا ہے کہ انہوں نے اپنے آبائی علاقے عیسیٰ خیل میں اپنی قبر پہلے ہی تیار کروا رکھی ہے اور وہ آخرت کی تیاری کو زندگی کا اہم ترین حصہ سمجھتے ہیں۔ ان کے اس بیان نے سوشل میڈیا پر نئی بحث چھیڑ دی ہے جہاں صارفین اس پر مختلف آراء کا اظہار کر رہے ہیں۔
عطا اللہ خان عیسیٰ خیلوی نے حال ہی میں صحافی ارشاد بھٹی کے پوڈکاسٹ میں شرکت کی، جہاں انہوں نے اپنی زندگی، موسیقی اور ذاتی خیالات پر کھل کر گفتگو کی۔ اس دوران انہوں نے بتایا کہ انہوں نے اپنی قبر پہلے ہی تیار کروا رکھی ہے۔
انہوں نے کہا کہ میں نے آخرت کی تیاری کر لی ہے۔ میری قبر عیسیٰ خیل میں تیار ہے، مکمل بن چکی ہے۔ اگر آپ میری زندگی میں آئیں گے تو میں آپ کو دکھا دوں گا ورنہ بعد میں خود ہی دیکھ لیں گے۔ ہمارا اپنا خاندانی قبرستان بھی ہے، جہاں میں نے اپنے لیے ایک قبر مخصوص کر رکھی ہے۔ اس کے ساتھ چند جگہیں اور بھی ہیں جن میں سے ایک کے بارے میں میں نے مذاق میں کہا تھا کہ وہ میری اہلیہ کے لیے ہے لیکن ساتھ ہی کہا کہ مذاق کر رہا ہوں حقیقت میں صرف اپنی قبر محفوظ کروائی ہے۔ اللہ ہم سب پر رحم فرمائے۔
گلوکار نے قبر کے بارے میں بتایا کہ یہ خیال اس وقت آیا جب میں نے ایک فارم ہاؤس اور مسجد تعمیر کروائی۔ پھر سوچا کہ میرے لیے بھی ایک جگہ ہونی چاہیے۔ میں اپنے کئی قریبی دوستوں، عزیزوں، خاندان کے افراد اور اپنی والدہ کو کھو چکا ہوں، اسی لیے موت کا خیال ہمیشہ ذہن میں رہتا ہے۔ میری صرف یہی دعا ہے کہ اللہ مجھے پُرسکون موت عطا فرمائے۔
یہ بھی پڑھیں: عطااللہ عیسیٰ خیلوی کس کے لکھے گانے گا کر مشہور ہوئے؟
عطا اللہ خان عیسیٰ خیلوی کے اس بیان کے بعد سوشل میڈیا پر مختلف آراء سامنے آنے لگیں۔ ایک صارف نے لکھا قبر پہلے سے بنوانا درست نہیں البتہ کفن کی تیاری کی جا سکتی ہے۔
ایک اور نے تبصرہ کیا صرف قبر تیار کر لینا کافی نہیں، اصل تیاری آخرت کی ہونی چاہیے۔ ایک صارف نے لکھا کہ ان کا ایمان مضبوط ہے، ہم تو قبر کا ذکر کرنے سے بھی گھبراتے ہیں جبکہ ایک اور صارف کا کہنا تھا قبر بنانے کے بجائے اگر اولڈ ایج ہوم بنا دیتے تو زیادہ بہتر ہوتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عطااللہ عیسیٰ خیلوی عیسیٰ خیلوی عیسیٰ خیلوی قبر قبر گلوکار ویڈیو وائرل
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی