کینیا میں خون خونریز مظاہروں کے دوران 16 افراد ہلاک
اشاعت کی تاریخ: 26th, June 2025 GMT
کینیا میں گزشتہ روز حکومت مخالف مظاہروں کے دوران کم از کم 16 افراد ہلاک ہو گئے۔ انسانی حقوق کی تنظیم ایمنسٹی انٹرنیشنل کے مطابق زیادہ تر اموات پولیس فائرنگ کا نتیجہ ہیں۔
یہ احتجاج ایک مقبول بلاگر کی پولیس کی حراست میں پراسرار موت کے بعد بھڑکا تھا، جبکہ یہ واقعہ 2024 کے ان خونریز مظاہروں کی برسی کے موقع پر پیش آیا جب ٹیکس بل کے خلاف احتجاج کرتے ہوئے 60 افراد مارے گئے تھے۔
نیروبی میں کشیدہ صورتحالدارالحکومت نیروبی کے مرکزی کاروباری علاقے میں ہزاروں نوجوانوں نے پولیس بربریت اور حکومتی نااہلی کے خلاف مظاہرہ کیا۔ پولیس اور مظاہرین کے درمیان جھڑپیں ہوئیں جس میں ربر بلیٹس اور لائیو فائرنگ کی اطلاعات ہیں۔
کینیاٹا نیشنل اسپتال کے ایک عہدیدار کے مطابق اسپتال میں 107 زخمیوں کو داخل کیا گیا جن میں سے زیادہ تر کو گولی لگی تھی۔
میڈیا پر پابندی اور حکومتی ردعملکمیونیکیشن اتھارٹی آف کینیا نے میڈیا کو احتجاج کی لائیو کوریج روکنے کا حکم دیا۔ صدر ولیم روتو نے تشدد کو روکنے کی دھمکی دی ہے۔ تاہم، انسانی حقوق کے کارکنان کا کہنا ہے کہ گزشتہ سال کے مظاہروں میں ملوث پولیس اہلکاروں کے خلاف کوئی کارروائی نہیں ہوئی۔
عوامی غم و غصہسوشل میڈیا پر نوجوانوں نے احتجاجی تحریک کو سپورٹ کیا اور حکومتی پالیسیوں کے خلاف میمز شیئر کیں۔
مظاہرے میں شامل ایک شخص سولینا موہاکی کا کہنا تھا کہ ’بس کافی ہو چکا، اب تبدیلی کا وقت آ گیا ہے۔ ہم نے جو خون بہایا ہے وہ کافی ہے‘۔
معاشی بحران اور سیاسی تنقیدماہرین کا کہنا ہے کہ بے روزگاری اور مہنگائی عوامی غصے کی بڑی وجوہات ہیں۔صدر روتو پر اسراف اور کرپشن کے الزامات لگائے گئے ہیں، جبکہ اپوزیشن کو بھی کمزور موقف کی وجہ سے تنقید کا نشانہ بنایا جا رہا ہے۔
صورتحال کے پیش نظر خدشات ہیں کہ اگر حکومت نوجوانوں کے مطالبات پر سنجیدگی سے توجہ نہیں دیتی تو حالات مزید خراب ہو سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: کے خلاف
پڑھیں:
روس اور یوکرین میں ڈرون حملے، چھ ہلاکتیں اور درجنوں زخمی
data-id="863a0a8" data-element_type="widget" data-widget_type="theme-post-content.default">
ماسکو/کیف: روس اور یوکرین کے درمیان جاری جنگ میں ڈرون حملوں کا سلسلہ پیر کو بھی شدت اختیار کر گیا، جس کے نتیجے میں کم از کم چھ افراد ہلاک اور متعدد زخمی ہو گئے۔ دونوں ممالک نے ایک دوسرے پر تازہ ترین حملوں کے الزامات عائد کیے ہیں۔
عالمی میڈیا رپورٹس کےمطابق روس کے زیر انتظام کریمیا کے سربراہ سرگئی اکسیونوف نے کہا کہ یوکرینی ڈرون حملے کے باعث بحیرہ اسود کے کنارے واقع سیاحتی مقام فوروس میں ایک سینیٹوریم اور اسکول کو نقصان پہنچا، جبکہ ملبہ گرنے سے آگ بھڑک اٹھی۔ ان کے مطابق اس حملے میں تین افراد ہلاک اور 16 زخمی ہوئے۔
روسی وزارت دفاع نے دعویٰ کیا کہ اس کی فضائی دفاعی نظام نے رات کے دوران 114 یوکرینی ڈرونز کو مار گرایا، جن میں سے 10 کو کریمیا کے اوپر تباہ کیا گیا۔ وزارت کے مطابق فوروس میں ہونے والا حملہ مقامی وقت کے مطابق شام 7 بج کر 30 منٹ پر ہوا اور وہاں کوئی فوجی تنصیب موجود نہیں تھی۔ اسے ماسکو نے “دہشت گردانہ کارروائی” قرار دیا۔
دوسری جانب یوکرین کے جنوب مشرقی علاقے زاپوریزژیا کے گورنر ایوان فیڈوروف نے بتایا کہ روسی بمباری میں تین افراد ہلاک اور دو زخمی ہوئے۔
فیڈوروف نے کہا کہ یہ حملہ مکمل طور پر شہریوں کو نشانہ بنانے کے لیے کیا گیا اور اس کا فوجی تنصیبات سے کوئی تعلق نہیں تھا۔
یوکرینی صدر ولادیمیر زیلنسکی نے سوشل میڈیا پلیٹ فارم ایکس پر کہا کہ زاپوریزژیا میں ریسکیو آپریشن جاری ہے اور متاثرہ خاندانوں سے تعزیت کی۔
یوکرینی فضائیہ نے دعویٰ کیا کہ اس نے رات کے دوران روس کے داغے گئے 141 ڈرونز میں سے 132 کو تباہ کیا۔ اس نے مزید کہا کہ زاپوریزژیا پر حملے کے دوران ماسکو کے زیر قبضہ شہر توکماک کے قریب فضائی بم گرانے کی بھی نشاندہی کی گئی۔
وہاج فاروقی
سعودی ولی عہد نے مودی کے جنم دن پر غیرمتوقع سرپرائز دیا اور پاکستان کے ساتھ معاہدہ کر لیا: بھارتی تجزیہ نگار