موساد کے سربراہ کا ایران کٰخلاف کارروائیاں جاری رکھنے کا اعلان
اشاعت کی تاریخ: 26th, June 2025 GMT
اسرائیل کے خفیہ ادارے موساد کے سربراہ ڈیوڈ برنیا نے کہا ہے کہ ان کا ادارہ ایران کے اندر اپنی سرگرمیاں جاری رکھے گا۔ یہ بات موساد کی جانب سے جاری کی گئی ایک ویڈیو میں کہی گئی۔
David Barnea, the Mossad chief, thanks agents, the IDF, and the CIA for the collaboration during the 12-day Operation Rising Lion, which achieved 'goals that initially seemed imaginary' against Iran pic.
— i24NEWS English (@i24NEWS_EN) June 25, 2025
شہنوانیوز کے مطابق ویڈیو میں دکھایا گیا ہے کہ برنیا موساد کے آپریشن ہیڈکوارٹر میں ایجنٹوں سے خطاب کر رہے ہیں، یہ وہ وقت تھا جب اسرائیل اور ایران کے درمیان جنگ بندی کا اعلان ہو چکا تھا۔
یہ بھی پڑھیں:ایران اسرائیل جنگ کا دوبارہ امکان نہیں، تہران سے اگلے ہفتے معاہدہ ہو سکتا ہے، ڈونلڈ ٹرمپ
موساد کے سربراہ ڈیوڈ برنیا نے کہا کہ ہم ایران کے ان تمام منصوبوں پر گہری نظر رکھیں گے جن کے بارے میں ہمیں پہلے سے مکمل معلومات ہیں۔ ہم وہاں موجود رہیں گے، جیسے اب تک رہے ہیں۔
برنیا نے کہا کہ درست معلومات، جدید ٹیکنالوجی اور غیر معمولی آپریشنل صلاحیتوں کے ذریعے ہم نے اسرائیلی فضائیہ کی مدد کی کہ وہ ایران کے جوہری پروگرام کو نقصان پہنچائے، ایرانی فضائی حدود پر کنٹرول حاصل کرے، اور میزائل حملوں کے خطرے کو کم کرے، تاکہ اسرائیلی شہریوں کی حفاظت یقینی بنائی جا سکے۔
ویڈیو میں انہوں نے امریکی خفیہ ادارے سی آئی اے کا بھی شکریہ ادا کیا اور کہا کہ یہ سب کچھ باہمی تعاون سے ممکن ہوا۔
واضح رہے کہ 13 جون کو اسرائیل نے ایران کے مختلف علاقوں میں بڑے فضائی حملے کیے تھے، جن میں جوہری اور فوجی مراکز کو نشانہ بنایا گیا۔
یہ بھی پڑھیں:موساد کے اڈے پر ایسا میزائل مارا جس کا سراغ لگانا ممکن نہیں، ایران
ان حملوں میں کئی اعلیٰ کمانڈر، سائنس دان اور عام شہری ہلاک ہوئے۔ اس کے جواب میں ایران نے اسرائیل پر کئی میزائل اور ڈرون حملے کیے، جن سے جانی نقصان اور بھاری تباہی ہوئی۔
اسرائیل اور ایران کے درمیان جنگ بندی کا اعلان 24 جون کو کیا گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل اسرائیلی خفیہ ایجنسی ایران ڈیوڈ برنیا موسادذریعہ: WE News
کلیدی لفظ: اسرائیل اسرائیلی خفیہ ایجنسی ایران ڈیوڈ برنیا موساد کے ایران کے
پڑھیں:
ترکیے نے غزہ میں نسل کشی پر نیتن یاہو سمیت اسرائیلی عہدیداروں کے وارنٹ گرفتاری جاری کردیے
ISTANBUL:ترکیے نے غزہ میں نسل کشی اور انسانیت کے خلاف جرائم کا ارتکاب پر ینجمن نیتن یاہو اور وزیردفاع سمیت اسرائیل کے 37 عہدیداروں کے خلاف وارنٹ گرفتاری کر کردیے۔
الجزیرہ کی رپورٹ کے مطابق استنبول کے چیف پروسیکیوٹر کے دفتر سے اسرائیل کے وزیراعظم بینجمن نیتن یاہو، وزیردفاع اسرائیل کاٹز اور نیشنل سیکیورٹی وزیر ایٹمر بین گوویر سمیت 37 عہدیداروں کے وارنٹ ضمانت جاری کردیے گئے ہیں۔
استنبول کے پروسیکیوٹر کے دفتر سے جاری بیان میں کہا گیا ہے کہ مذکورہ افراد نے انسانیت کے خلاف جرائم کیے ہیں اور غزہ میں نسل کشی کے مرتکب ہوئے ہیں۔
بیان میں کہا گیا ہے کہ اسرائیل کی فوج نے اکتوبر 2023 سے غزہ میں بے گناہ شہریوں اور انفرا اسٹرکچر پر منظم بم باری کی اور اس دوران 6 سالہ ہند رجب سمیت بچوں کو شہید کیا گیا اور طبی مراکز پر بھی بمباری کی۔
ترک پروسیکیوٹر نے حوالہ دیا ہے کہ اسرائیل نے گلوبل صمود فلوٹیلا میں جارحیت کی، جو غزہ کی پٹی تک امداد پہنچانے کا سب سے بڑا مشن تھا۔
غزہ پر اسرائیل کی وحشیانہ کارروائیوں کے خلاف آواز اٹھانے والے سرفہرست ممالک میں ترکیہ شامل ہے اور یہاں تک غزہ جنگ کی وجہ سے اسرائیل سے اپنے سفارتی تعلقات اور تجارت معطل کردیا ہے۔
استنبول کے پروسیکیوٹر کی جانب سے نیتن یاہو اور دیگر اسرائیلی عہدیداروں کے وارنٹ گرفتاری ایک ایسے وقت میں جاری کیے گئے جب عالمی عدالت کی جانب سے نیتن یاہو اور سابق اسرائیلی وزیر دفاع یوو گیلینٹ پر جنگی جرائم کی پاداش پر وارنٹ گرفتاری جاری کرنے کا ایک سال مکمل ہوگیا ہے۔
شاہ رخ خان نے اپنی 60 ویں سالگرہ پر مداحوں سے معافی کیوں مانگی؟