ایران کی نگہبان شوریٰ نے عالمی جوہری توانائی ایجنسی سے تعاون معطل کرنے کی منظوری دے دی
اشاعت کی تاریخ: 26th, June 2025 GMT
تہران(اردوپوائنٹ اخبارتازہ ترین-انٹرنیشنل پریس ایجنسی۔26 جون ۔2025 )ایران کی نگہبان شوریٰ نے عالمی جوہری توانائی ایجنسی (آئی اے ای اے) سے تعاون معطل کرنے کی منظوری دے دی ہے برطانوی نشریاتی ادارے کے مطابق ایران کی شورائے نگہبان نے پارلیمنٹ کی جانب سے بین الاقوامی ایٹمی توانائی ایجنسی (آئی اے ای اے) کے ساتھ تعاون معطل کرنے کے لیے پیش کیے گئے بل کی منظوری دے دی ہے.
(جاری ہے)
شورائے نگہبان علما اور قانون دانوں پر مشتمل سپریم کونسل کی طرز کا ادارہ ہے جو ہر قانون سازی کا آئینی اور شرعی جائزہ لینے کے بعد راہنمائی فراہم کرتا ہے یاد رہے کہ ایرانی پارلیمنٹ نے گزشتہ روز جوہری تنصیبات کی سلامتی کی ضمانت ملنے تک اقوام متحدہ کے جوہری نگرانی کے ادارے کے ساتھ تعاون معطل کرنے کی قرارداد منظور کی تھی. ایرانی نشریاتی ادارے کا کہنا ہے کہ پارلیمنٹ کے 221 ارکان نے اس بل کے حق میں ووٹ دیا تھا ، بل کے خلاف کوئی ووٹ نہیں آیا جبکہ صرف ایک رکن نے رائے شماری میں حصہ نہیں لیا. بل کے تحت اس وقت تک آئی اے ای اے کے معائنہ کاروں کو جوہری تنصیبات میں داخلے کی اجازت نہیں ہوگی جب تک ان تنصیبات کی سیکیورٹی کی ضمانت فراہم نہ کی جائے پارلیمنٹ کے اسپیکر محمد باقر قالیباف نے سرکاری ٹیلی ویژن سے گفتگو میں کہا کہ ایران اپنے سویلین نیوکلیئر پروگرام میں تیزی لائے گا.
ذریعہ: UrduPoint
کلیدی لفظ: تلاش کیجئے تعاون معطل کرنے
پڑھیں:
وزن کم کرنے کے لیے نئی مؤثر گولی آگئی، ایف ڈی اے منظوری رواں سال متوقع
نیو یارک کی ایلی للی کمپنی کی تیار کردہ وزن کم کرنے کی نئی گولی ’اورفوگلیپرون‘ نے ابتدائی طبی آزمائش میں حوصلہ افزا نتائج دیے ہیں۔ 72 ہفتوں کے مطالعے میں زیادہ سے زیادہ خوراک لینے والے شرکا نے اوسطاً 27.3 پاؤنڈ یعنی 12.4 فیصد جسمانی وزن کم کیا۔
کمپنی کے مطابق رواں سال کے آخر تک امریکی فوڈ اینڈ ڈرگ ایڈمنسٹریشن (FDA) سے اس دوا کی منظوری کے لیے درخواست دی جائے گی۔ اگر منظوری مل گئی تو یہ گولی موٹاپے اور ٹائپ 2 ذیابیطس کے علاج میں استعمال ہونے والے انجیکشنز جیسے ویگووی، اوزیمپک، زیپ باؤنڈ اور مونجارو کا آسان متبادل ثابت ہوسکتی ہے۔
یہ بھی پڑھیں: درمیانی عمر میں وزن میں کمی انسانی زندگی میں برسوں کا اضافہ کرسکتی ہے، تحقیق
ایلی للی کے کارڈیو میٹابولک ہیلتھ کے صدر کینیٹھ کَسٹر نے کہا کہ گولیاں بنانا نسبتاً آسان ہے اور انہیں بڑے پیمانے پر تیار کیا جاسکتا ہے، خاص طور پر ان ممالک کے لیے جہاں دواؤں کے انجیکشن کے لیے درکار کولڈ اسٹوریج کی سہولت موجود نہیں۔
یہ دوا جی ایل پی-1 کلاس کی ادویات میں شامل ہے جو پیٹ بھرنے کا احساس بڑھا کر اور ہاضمہ سست کر کے وزن کم کرنے میں مدد دیتی ہیں۔ مطالعے میں 3 ہزار 127 بالغ افراد شامل تھے جنہیں مختلف خوراکوں میں اورفوگلیپرون یا پلیسبو دی گئی۔ وزن میں کمی کے ساتھ ساتھ مریضوں میں کولیسٹرول، ٹرائی گلیسرائیڈز اور بلڈ پریشر میں بھی بہتری دیکھی گئی۔
مضر اثرات انجیکشن والی دواؤں سے ملتے جلتے تھے جن میں قے، اسہال، قبض اور بدہضمی شامل ہیں، ایلی للی اس دوا کو ذیابیطس کے علاج کے لیے 2026 میں مارکیٹ کرنے کی بھی منصوبہ بندی کررہی ہے۔
یہ بھی پڑھیں: گرمی کو شکست دینے والا اور وزن میں کمی لانے والا گیم چینجر مشروب
ماہرین کے مطابق اگرچہ اس گولی کا اثر کچھ انجیکشنز جتنا طاقتور نہیں ہو سکتا، لیکن کم قیمت اور آسان دستیابی کی وجہ سے یہ دنیا بھر میں کروڑوں افراد کے لیے مؤثر حل بن سکتی ہے۔
ماہرین کا کہنا ہے کہ اس وقت تقریباً 80 لاکھ امریکی موٹاپے کی ادویات استعمال کر رہے ہیں، حالانکہ اندازاً 17 کروڑ افراد اس سے فائدہ اٹھا سکتے ہیں، لیکن مہنگے اور پیچیدہ انجیکشنز اس میں بڑی رکاوٹ ہیں۔ نئی گولی اس خلا کو پورا کرنے میں مدد دے سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسان اورفوگلیپرون ایلی للی کمپنی تحقیق ماہرین نیو یارک وزن
اسحاق ڈار کی سید عباس عراقچی سے ملاقات، تجارت و اقتصادی تعاون پر اتفاق