صدر ٹرمپ کا اسرائیلی وزیرِ اعظم نیتن یاہو کیخلاف کرپشن مقدمہ ختم کرنے کا مطالبہ
اشاعت کی تاریخ: 26th, June 2025 GMT
امریکی صدر ڈونلڈ ٹرمپ نے اسرائیلی وزیرِ اعظم بنیامن نیتن یاہو کے خلاف جاری کرپشن مقدمے کو ختم کرنے کا مطالبہ کیا ہے، ان کا بیان اس وقت سامنے آیا ہے جب ایران اور اسرائیل کے درمیان حالیہ جنگ بندی عمل میں آچکی ہے۔
بدھ کی شام، سوشل میڈیا پلیٹ فارم ’ٹروتھ سوشل‘ پر جاری ایک پیغام میں صدر ٹرمپ نے مشرقِ وسطیٰ کے اپنے قریبی اتحادی نیتن یاہو کی بھرپور تعریف کرتے ہوئے لکھا کہ بی بی نیتن یاہو ایک جنگجو تھے، شاید اسرائیل کی تاریخ میں ان جیسا جنگجو کوئی نہ ہو۔
یہ بھی پڑھیں: ایران اسرائیل جنگ کا دوبارہ امکان نہیں، تہران سے اگلے ہفتے معاہدہ ہو سکتا ہے، ڈونلڈ ٹرمپ
ٹرمپ نے ایران کے ساتھ حالیہ تنازعے میں نیتن یاہو کی قیادت کو سراہتے ہوئے ان پر عائد الزامات کو ’سیاسی انتقام‘ قرار دیا۔
’ایسے شخص کے خلاف مقدمہ، جس نے اتنی بڑی خدمات انجام دی ہیں، میرے لیے ناقابلِ فہم ہے۔ بی بی نیتن یاہو کا مقدمہ فوراً ختم کر دینا چاہیے یا پھر انہیں معاف کر دینا چاہیے۔ وہ ایک عظیم ہیرو ہیں جنہوں نے ریاست کے لیے بہت کچھ کیا ہے۔‘
مزید پڑھیں:
نیتن یاہو پر 2020 سے 3 مختلف مقدمات میں کرپشن اور اثر و رسوخ کے ناجائز استعمال کے الزامات ہیں، جن کی وہ سختی سے تردید کرتے ہیں۔ وہ اسرائیل کے پہلے حاضر سروس وزیرِ اعظم ہیں، جو بطور ملزم عدالت میں پیش ہو رہے ہیں۔ اسرائیلی قانون کے تحت، جب تک سپریم کورٹ سزا نہ دے، وزیر اعظم کو عہدہ چھوڑنے کی ضرورت نہیں۔
وزیر اعظم نیتن یاہو نے اسرائیل کی حمایت پر صدر ڈونلڈ ٹرمپ کی تعریف کی ہے اور 22 جون کو ایران کی جوہری تنصیبات پر حملے کے ’تاریخی‘ فیصلے کو سراہا ہے، ایران اور اسرائیل کے درمیان 2 ہفتوں پر محیط جھڑپوں کے بعد منگل کو جنگ بندی کا آغاز ہوا، جو تاحال قائم ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیلی وزیر اعظم ایران جنگ بندی جوہری تنصیبات سپریم کورٹ صدر ٹرمپ قانون کرپشن نیتن یاہو.ذریعہ: WE News
کلیدی لفظ: اسرائیلی وزیر اعظم ایران جوہری تنصیبات سپریم کورٹ نیتن یاہو نیتن یاہو
پڑھیں:
جنگ بندی کی خلاف ورزی پر ٹرمپ نے غصے میں نیتن یاہو کو فون پر کیا کہا؟
امریکی صدر ڈونلڈ ٹرمپ نے ایران اور اسرائیل کے درمیان طے پانے والی جنگ بندی کو بچاتے ہوئے اسرائیل کے جنگی طیاروں کو ایران پر حملے سے روک دیا۔
صدر ٹرمپ نے اس مقصد کے لیے براہِ راست اسرائیلی وزیر اعظم بینجمن نیتن یاہو کو ٹیلیفون کر کے سخت انداز میں کہا کہ اسرائیلی جنگی طیارے فوری طور پر واپس بلا لیے جائیں۔
صدر ٹرمپ، جو نیٹو اجلاس میں شرکت کے لیے نیدرلینڈز روانہ ہو رہے تھے، نے روانگی سے قبل میڈیا سے گفتگو کرتے ہوئے کہا کہ وہ جنگ بندی کی خلاف ورزی پر ایران اور اسرائیل دونوں سے ناراض ہیں، مگر انہوں نے اعتراف کیا کہ وہ "خاص طور پر اسرائیل سے زیادہ ناراض" ہیں۔
ٹرمپ نے کہا: "ہم نے 12 گھنٹے کی مہلت دی تھی، لیکن اسرائیل نے صرف ایک گھنٹے میں اتنے بم گرادیے جتنے میں نے اپنی زندگی میں کبھی نہیں دیکھے۔"
انہوں نے انکشاف کیا کہ جنگ بندی کی خلاف ورزی کے بعد انہوں نے نیتن یاہو کو فون کر کے خبردار کیا، جس کے بعد ایران کے قریب پہنچنے والے اسرائیلی جنگی جہازوں کو واپس بلا لیا گیا۔
صدر ٹرمپ نے واضح کیا کہ امریکہ ایران میں حکومت کی تبدیلی کا خواہاں نہیں ہے، کیونکہ ایسی کسی مداخلت سے خطے میں مزید افراتفری پیدا ہوگی۔
انہوں نے کہا کہ: "ہم چاہتے ہیں دونوں اقوام کو محبت، امن اور خوشحالی حاصل ہو۔ لیکن اگر وہ درست راستے سے ہٹ گئیں تو بہت کچھ کھو بیٹھیں گی۔"
ادھر اطلاعات ہیں کہ صدر ٹرمپ کو ایران-اسرائیل جنگ روکنے میں کلیدی کردار ادا کرنے پر نوبیل امن انعام کے لیے باضابطہ طور پر نامزد کر دیا گیا ہے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی