چیئرمین گلبرگ ٹاؤن کا امام بارگاہوں کا دورہ‘ترقیاتی کاموں کا جائزہ
اشاعت کی تاریخ: 27th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹا ف رپورٹر)محرم الحرام کی آمد کے پیش نظر چیئرمین گلبرگ ٹاؤن نصرت اللہ نے وائس چیئرمین محمد الیاس، چیئرمین ورک کمیٹی مرزا آفاق بیگ اور X.E.N بی اینڈ آر کے ہمراہ مختلف امام بارگاہوں کا دورہ کیا۔ اس موقع پر امام بارگاہ خیر العمل (انچولی) اور امام بارگاہ آئی آر سی (عائشہ منزل) کے اطراف پیور بلاک سمیت دیگر ترقیاتی کاموں کا تفصیلی جائزہ لیا گیا-دورے کے دوران چیئرمین گلبرگ ٹاؤن نے امام بارگاہوں کے منتظمین سے ملاقات کی اور ان سے محرم الحرام کے سلسلے میں درکار سہولیات اور انتظامات پر تبادلہ خیال کیا۔ انہوں نے یقین دہانی کرائی کہ ہر سال کی طرح اس سال بھی محرم الحرام سے قبل تمام تر ضروری انتظامات مکمل کر لیے جائیں گے۔چیئرمین گلبرگ ٹاؤن نصرت اللہ نے کہا کہ روشنی، صفائی ستھرائی، نکاسی آب اور دیگر سہولیات کے حوالے سے ٹاؤن انتظامیہ پوری طرح متحرک ہے اور متعلقہ محکموں کو ہدایات جاری کر دی گئی ہیں تاکہ عزاداران کو کسی قسم کی تکلیف کا سامنا نہ ہو۔انہوں نے کہا کہ محرم الحرام کے دوران امن و امان اور بلاتعطل سہولیات کی فراہمی ہماری اولین ترجیح ہے، اور انشائاللہ گلبرگ ٹاؤن کی عوام کو بہتر اور صاف ستھرا ماحول فراہم کیا جائیگا اس موقع پر یو سی 1 کے چیئرمین عاصم مخدومی اور یو سی 8 کے وائس چیئرمین سلال قریشی بھی ان کے ہمراہ تھے۔
.
ذریعہ
ذریعہ: Jasarat News
کلیدی لفظ: چیئرمین گلبرگ ٹاو ن محرم الحرام
پڑھیں:
بجلی، گیس، پانی، پیٹرول سمیت ہر شعبے میں ٹیکس وصول کیے جا رہے ہیں، شاداب نقشبندی
سربراہ پاکستان سنی تحریک نے کہا کہ وقت کا تقاضا ہے کہ عوام کو مہنگائی، بے روزگاری اور بنیادی سہولیات کے بحران سے نجات دلانے کے لیے فوری، سنجیدہ اور مؤثر اقدامات کیے جائیں تاکہ عوام کا اعتماد بحال ہو اور ملک معاشی استحکام کی جانب گامزن ہو سکے۔ اسلام ٹائمز۔ پاکستان سنی تحریک کے سربراہ محمد شاداب رضا نقشبندی نے کہا ہے کہ گیس، بجلی اور پانی کی مسلسل قلت، بڑھتی ہوئی مہنگائی اور حکومتی معاشی پالیسیاں عوام کے لیے شدید پریشانی کا باعث بن چکی ہیں، حکمران طبقہ تاجروں، کسانوں، مزدوروں اور عام شہریوں کو معاشی ریلیف اور سہولیات فرام کرنے میں بے بس ہے۔ ان کیالات کا اظہار انہوں نے مرکز اہلسنت سے جاری ایک بیان میں کیا۔ محمد شاداب رضا نقشبندی نے کہا کہ پیٹرولیم مصنوعات کی قیمتوں میں بار بار ہونے والے اضافے نے نہ صرف شہریوں کی مشکلات میں اضافہ کیا ہے بلکہ معیشت کو بھی عدم استحکام سے دوچار کر دیا ہے، بازاروں میں سناٹے تاجر بھی پریشان حال ہیں، حکمرانوں کے پاس تاحال ایسی عوام دوست معاشی پالیسی دکھائی نہیں دے رہی جو مہنگائی پر قابو پا سکے اور عام آدمی کو حقیقی سہولت فراہم کرے۔
ان کا کہنا تھا کہ حکومت کو چاہیئے کہ دعووں اور اعلانات کے بجائے عملی اقدامات کرے، عوام کی بنیادی ضروریات کی فراہمی کو یقینی بنائے اور معاشی استحکام کے لیے بڑے، مؤثر اور دیرپا فیصلے کرے۔ انہوں نے کہا کہ جمہوریت اور آئین کا بنیادی مقصد عوام کو باعزت، محفوظ اور خوشحال زندگی فراہم کرنا ہے، حکومت کی ذمہ داری ہے کہ وہ شہریوں کو معیاری تعلیم، بہترین طبی سہولیات، روزگار کے مواقع، معاشی استحکام اور بنیادی ضروریات کی فراہمی یقینی بنائے، عوام کو مہنگائی، بے روزگاری اور غربت سے نجات دلانے کے لیے مؤثر اور عوام دوست پالیسیاں اختیار کی جائیں، حقیقی جمہوریت اسی وقت مضبوط ہوتی ہے جب آئین کی بالادستی، قانون کی مساوی حکمرانی اور عوامی فلاح و بہبود کو اولین ترجیح دی جائے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی