فلم ’سردار جی 3‘ کی اداکارہ نیرو باجوہ نے ہانیہ عامر کو ان فالو کردیا، وجہ کیا بنی؟
اشاعت کی تاریخ: 27th, June 2025 GMT
بھارت کی پنجابی اداکارہ نیرو باجوہ نے اپنی نئی فلم ’سردار جی 3‘ کی ساتھی پاکستانی اداکارہ ہانیہ عامر کو انسٹاگرام پر ان فالو کردیا۔
بھارتی اداکارہ نیرو باجوہ نے اپنے آفیشل انسٹاگرام اکاؤنٹ سے سردار جی 3 کی تمام پروموشنل پوسٹ بھی ہٹا دی ہیں۔
میڈیا رپورٹس کے مطابق سوشل میڈیا صارفین قیاس آرائیاں کر رہے ہیں کہ نیرو باجوہ کو انتہا پسند ہندوؤں کی جانب سے دھمکیاں موصول ہو رہی ہیں جس کی وجہ سے انہوں نے پاکستانی اداکارہ ہانیہ عامر کو سوشل میڈیا سے بھی ان فالو کر دیا اور فلم سے متعلق تمام پوسٹس بھی ہٹا دیں۔
دوسری جانب ہانیہ عامر نے اب تک نیرو باجوہ جو انسٹاگرام پر فالو کیا ہوا ہے۔
خیال رہے کہ سردار جی 3 کی شوٹنگ پاک بھارت جنگ اور کشیدگی سے قبل ہوئی تھی جب کہ جنگ کے بعد بھارتی انتہا پسندوں نے فلم میکرز سے مطالبہ کیا کہ یا اس فلم سے ہانیہ عامر کو نکال دیں۔
تاہم فلم میکرز نے فلم کو بھارت کے علاوہ دنیا بھر میں ریلیز کرنے کا فیصلہ کیا جو آج 27 جون کو ریلیز ہورہی ہے۔
اس کے علاوہ سردار جی آج 27 جون کو پاکستان میں بھی ریلیز ہوگی، فلم کو ملک بھر کے سنیما گھروں میں ریلیز کرنے کا سینسر سرٹیفکیٹ مل چکا ہے۔
ذریعہ: Daily Mumtaz
کلیدی لفظ: ہانیہ عامر کو نیرو باجوہ
پڑھیں:
سندھ بلڈنگ ،رہائشی پلاٹ پر بینک کی عمارت تعمیر ، شہری بے چین
نارتھ کراچی کے رہائشی زون (ایس اے 25، سیکٹر 5-ایچ) میں قوانین کی خلاف ورزی
ڈائریکٹر عامر کمال جعفری کی سرپرستی ، ماسٹر پلان کی صریحاً خلاف ورزی پر عوامی احتجاج
نارتھ کراچی کے رہائشی ایریا ایس اے 25، سیکٹر 5-ایچ میں ایک رہائشی پلاٹ پر بینک کی عمارت تعمیر کرنے کے اقدام نے مقامی شہریوں میں شدید بے چینی پھیلا دی ہے ۔ مقامی افراد کا مؤقف ہے کہ یہ عمل سندھ بلڈنگ کنٹرول اتھارٹی کے قوانین اور اسے دیے گئے ماسٹر پلان کی صریحاً خلاف ورزی ہے ۔مبینہ طور پر اس غیرقانونی تعمیر کو ڈائریکٹر عامر کمال جعفری کی سرپرستی حاصل ہے ۔ شہریوں کے مطابق، متعلقہ حلقوں کی جانب سے واضح غلط کام ہونے کے باوجود کوئی کارروائی نہیں کی جا رہی ہے ، جس سے سرپرستی کے الزامات کو تقویت مل رہی ہے ۔مقامی رہائشیوں نے اس عمل کے خلاف احتجاج کیا ہے اور فوری
کارروائی کا مطالبہ کیا ہے ۔ ان کا کہنا ہے کہ رہائشی زون میں ایسے تجارتی منصوبے نہ صرف ان کی پرائیویسی کو متاثر کرتے ہیں بلکہ پارکنگ، پانی اور ٹریفک کے مسائل میں بھی اضافہ کرتے ہیں۔شہریوں نے سندھ بلڈنگ کنٹرول اتھارٹی کے ڈائریکٹر جنرل سے اس معاملے میں فوری اور شفاف کارروائی کرتے ہوئے رہائشی پلاٹ پر غیرقانونی تعمیر روکنے کا مطالبہ کیا ہے ۔جرأت سروے ٹیم کی جانب سے ڈائریکٹر عامر کمال جعفری سے موقف کے لیے رابطہ کیا گیا، لیکن ابھی تک کوئی جواب موصول نہیں ہوا ہے ۔
کراچی: نجی سوسائٹی میں گھر پر 10 سے 15 ڈاکوؤں کا دھاوا، تشدد سے بزرگ شہری جاں بحق