ایف آئی ایچ پرو ہاکی لیگ 2025 ہالینڈ نے جیت لی
اشاعت کی تاریخ: 27th, June 2025 GMT
ایف آئی ایچ پرو ہاکی لیگ 2025 ہالینڈ نے جیت لی۔
اولمپکس چیمپئن ہالینڈ نے 16 میچز کھیل کر 35 پوائنٹس کے ساتھ اپنی برتری ثآبت کی۔ آئرلینڈ اگلے سال پرو ہاکی لیگ سے باہر ہوگیا، بھارت نے نو ٹیموں میں آٹھویں پوزیشن اپنےنام کی۔
لیگ کا باقاعدہ اختتام اتوار کو ہورہا ہے، ہفتے کو یبلجیم اور انگلینڈ کا میچ ہوگا، جرمنی کی ٹیم اسپین سے کھیلے گی، اتوار کو بھی یہ چاروں ٹیمیں ایکشن میں ہوں گی۔
لیگ میں اب تک پوزیشن کے مطابق جرمنی کی ٹیم نے چودہ میچز کھیل کر 27 پوائنٹس کے ساتھ دوسری پوزیشن پائی ہے، تیسرے نمبر پر موجود آسٹریلیا کے سولہ میچز کے بعد 27 پوائنٹس ہیں۔
بیلجیم کے چودہ میچز کھیلنے کے بعد پوائنٹس کی تعداد پچیس ہے۔ پانچویں پوزیشن پر براجمان اسپین کے چودہ میچز کے ساتھ چوبیس پوائنٹس ہیں، چھٹا نمبر ارجنٹائن کا ہے جس نے سولہ میچز مکمل کرکے 23 پوائنٹنس اپنے نام کیے ہیں۔
ساتویں پوزیشن پرموجود انگلینڈ کے چودہ میچز میں 21 پوائنٹس ہیں۔ بھارت نے سولہ میچز میں اٹھارہ پوائنٹس لیے ہیں، آخری نمبر پرہونے کی وجہ سے آئرلینڈ کی ٹیم چار پوائنٹس کے ساتھ اب لیگ سے باہر ہوجائے گی۔
اب آئرلینڈ کی جگہ ایف ائی ایچ کی نے نیوزی لینڈ کے دستبردار ہونے کی صورت میں پاکستان ہاکی فیڈریشن سے اپنی ٹیم کی دستیابی کے بارے میں رابطہ کر رکھا ہے جس کو پی ایچ ایف نے حکومتی فنڈز سے مشروط کرتے ہوئے ایف آئَی ایچ سے ایک ہفتے کی مہلت طلب کی ہے۔
.ذریعہ: Express News
پڑھیں:
انٹربورڈ کراچی کی پوزیشن ہولڈرز طلبہ کے اعزاز میں پروقار تقریب، الیکٹرک بائیکس تقسیم
data-id="863a0a8" data-element_type="widget" data-widget_type="theme-post-content.default">
کراچی: اعلیٰ ثانوی تعلیمی بورڈ کراچی کے تحت انٹرمیڈیٹ حصہ دوم کے سالانہ امتحانات برائے 2025ء کے تمام گروپس میں نمایاں کامیابی حاصل کرنے والے طلبہ و طالبات کے اعزاز میں سدیق میمن اسکاؤٹس آڈیٹوریم، اسکاؤٹس ہیڈکوارٹرز میں ایک پروقار تقریب تقسیم انعامات منعقد کی گئی، جس میں طلبہ کو شیلڈز، اسناد، اسکالرشپس اور الیکٹرک بائیکس سے نوازا گیا۔
تقریب کے مہمانِ خصوصی سیکریٹری یونیورسٹیز اینڈ بورڈز ڈپارٹمنٹ حکومت سندھ محمد عباس بلوچ تھے، جبکہ سیکریٹری کالج ایجوکیشن ڈیپارٹمنٹ شہاب قمر انصاری مہمانِ اعزازی کی حیثیت سے شریک ہوئے۔ چیئرمین انٹربورڈ کراچی فقیر محمد لاکھو کی دعوت پر رکن صوبائی اسمبلی خیرالنساء، چیئرمین ثانوی و اعلیٰ ثانوی تعلیمی بورڈ لاڑکانہ خالد حسین مہر، ڈی جی کالجز سندھ ڈاکٹر نوید رب صدیقی، ریجنل ڈائریکٹر کالجز پروفیسر قاضی ارشد حسین صدیقی اور سابق سیکریٹری محمد جعفر عباسی نے خصوصی طور پر شرکت کی۔
تقریب کا آغاز تلاوتِ کلامِ پاک اور نعتِ رسول مقبول ﷺ سے ہوا، جبکہ نظامت کے فرائض ناظم امتحانات زرینہ راشد نے انجام دیے۔ اس موقع پر سیکرٹری انٹربورڈ کراچی محمد کاشف صدیقی بھی موجود تھے۔
اپنے خطاب میں سیکریٹری یونیورسٹیز اینڈ بورڈز محمد عباس بلوچ نے کہا کہ پوزیشن ہولڈرز طلبہ ہمارا قیمتی سرمایہ ہیں، حکومت سندھ تعلیم کے فروغ اور طلبہ کی حوصلہ افزائی کے لیے ہمیشہ سنجیدہ کوششیں کرتی رہے گی۔ چیئرمین انٹربورڈ کراچی پروفیسر فقیر محمد لاکھو نے کہا کہ آج کی تقریب نہ صرف کامیاب طلبہ بلکہ ان کے والدین اور اساتذہ کے لیے بھی اعزاز ہے۔ انہوں نے آرٹس ریگولر میں پہلی پوزیشن حاصل کرنے والے نابینا طالب علم ہنس راج کو ذاتی طور پر 25 ہزار روپے انعام دینے کا اعلان کیا۔
تقریب میں انسٹیٹیوٹ آف کاسٹ اینڈ مینجمنٹ اکاؤنٹنٹس آف پاکستان (ICMA) کے ایگزیکٹو ڈائریکٹر عامر اعجاز خان اور دیگر نمائندوں کے ساتھ ساتھ انجینئرنگ ڈیولپمنٹ بورڈ کے حکام بھی شریک ہوئے۔ اس دوران اعلیٰ ثانوی تعلیمی بورڈ کراچی اور ICMA کے درمیان چیف منسٹر سندھ اسکالرشپ پروگرام کے تحت پوزیشن ہولڈرز کو اسکالرشپس اور سرٹیفکیٹس دیے گئے۔
مزید برآں، وزیراعظم پاکستان کی نیو انرجی وہیکل پالیسی 2025-2030ء کے تحت انٹرمیڈیٹ 2024ء کے پوزیشن ہولڈرز طلبہ کو مفت الیکٹرک بائیکس بھی فراہم کی گئیں۔
تقریب میں شریک طلبہ نے کہا کہ انٹربورڈ کراچی کی جانب سے یہ تقریب اور انعامات ان کے لیے بڑے اعزاز کی حیثیت رکھتے ہیں، اور اس حوصلہ افزائی سے انہیں مستقبل میں مزید محنت کرنے کا جذبہ ملے گا، اسکالرشپس اور الیکٹرک بائیکس جیسے انعامات ان کے تعلیمی سفر کو مزید آسان بنانے میں مددگار ثابت ہوں گے۔
معروف ماہرِ معیشت ڈاکٹر وقار مسعود انتقال کر گئے