بلاول بھٹو زرداری کا معروف سیاسی مذہبی شخصیت آغا مرتضیٰ پویا کے انتقال پر اظہار افسوس
اشاعت کی تاریخ: 27th, June 2025 GMT
چیئرمین پیپلز پارٹی نے کہا کہ آغا مرتضی پویا مرحوم کی ملک میں آزادیِ اظہار کے فروغ کے لیے کاوشیں اور جمہوریت کے لیے جدوجہد ناقابلِ فراموش ہیں، آغا مرتضی پویا مرحوم کی پاکستانی معاشرے میں فرقوں کے درمیان ہم آہنگی کو تقویت دینے اور بین المذاہب اتحاد کے لیے خدمات کو بھی ہمیشہ یاد رکھا جائے گا۔ اسلام ٹائمز۔ پاکستان پیپلز پارٹی کے چیئرمین بلاول بھٹو زرداری نے ملک کی معروف سیاسی و مذہبی شخصیت آغا مرتضی پویا کے انتقال پر گہرے دکھ و افسوس کا اظہار کیا ہے۔ میڈیا سیل بلاول ہاؤس سے جاری کردہ پریس ریلیز کے مطابق پی پی پی چیئرمین نے اپنے تعزیتی پیغام میں آغا مرتضی پویا مرحوم کے سوگوار خاندان سے دلی تعزیت و ہمدردی کا اظہار کیا اور دعا کی کہ اللہ تعالی انہیں یہ صدمہ برداشت کرنے کی توفیق دے۔ انہوں نے مرحوم کی مغفرت اور جنت الفردوس میں اعلی مقام کی دعا کی ہے۔ چیئرمین بلاول بھٹو زرداری نے کہا کہ آغا مرتضی پویا مرحوم کی ملک میں آزادیِ اظہار کے فروغ کے لیے کاوشیں اور جمہوریت کے لیے جدوجہد ناقابلِ فراموش ہیں۔ انہوں نے مزید کہا کہ آغا مرتضی پویا مرحوم کی پاکستانی معاشرے میں فرقوں کے درمیان ہم آہنگی کو تقویت دینے اور بین المذاہب اتحاد کے لیے خدمات کو بھی ہمیشہ یاد رکھا جائے گا۔
.ذریعہ: Islam Times
کلیدی لفظ: کے لیے
پڑھیں:
عین ممکن ہے ٹرمپ پاکستان کا دورہ کریں، بلاول بھٹو زرداری
نجی ٹی وی سے گفتگو میں پاکستان پیپلز پارٹی کے چیئرمین نے کہا کہ وائٹ ہاؤس میں لنچ پاکستان کی تاریخ بے مثال واقعہ ہے، فیلڈ مارشل کا امریکا کا دورہ پہلے سے طے تھا۔ اسلام ٹائمز۔ پاکستان پیپلز پارٹی کے چیئرمین بلاول بھٹو زرداری کا کہنا ہے کہ فیلڈ مارشل نے پاک بھارت جنگ کو خود لیڈ کیا، ہاری ہوئی جنگ کے سربراہ کو کوئی دعوت نہیں دیتا، ایسے کھانے جیتی ہوئی جنگ کے سربراہ کو ملتے ہیں، وائٹ ہاؤس میں لنچ پاکستان کی تاریخ بے مثال واقعہ ہے، فیلڈ مارشل کا امریکا کا دورہ پہلے سے طے تھا، عین ممکن ہے کہ ٹرمپ پاکستان کا دورہ کریں، چاہتا ہوں میرے وزیراعظم بننے سے پہلے پاکستان اور بھارت درمیان امن قائم ہوجائے۔ نجی چینل سے گفتگو کرتے ہوئے چیئرمین پیپلز پارٹی بلاول بھٹو زرداری نے کہا کہ پاک بھارت جنگ میں پورا ملک ایک ہوگیا تھا، باہر بھی یہ تاثر تھا کہ پاکستان میں تقسیم پیدا ہوگئی لیکن پاک بھارت جنگ میں ایک اتحاد قائم ہوا۔
ان کا کہنا تھا کہ سوشل میڈیا پر نوجوانوں نے ڈیجیٹل محاذ سنبھالا، 5 دن کی جنگ کے بعد پاکستان کا کیس مضبوط کرنے کا ٹاسک ملا، پاکستان سچ اور بھارت جھوٹ کے ساتھ کھڑا تھا، بھارت نے جہاز گرنے کی خبریں بھی چھپائیں۔ بلاول بھٹو نے کہا کہ ہم اپنے خطے میں امن کی بات کرتے ہیں، سندھ طاس معاہدہ اور کشمیر کا مسئلہ مذاکرات سے حل ہو، بھارت چاہتا تھا پاکستان کا نام ٹیرستان بن جائے، ہم نے اپنا کیس بہترین انداز میں لڑا، ہمارے سفیر پاکستان کا محاذ سنبھال رہے ہیں۔ چیئرمین پیپلز پارٹی کا کہنا تھا کہ فیلڈ مارشل عاصم منیر نے پاک بھارت جنگ کو خود لیڈ کیا۔
انہوں نے کہا کہ ہم نے بھارت کے 6 جہاز گرائے، سیز فائر جب قبول کرتے ہیں جب ملٹری کا ہاتھ اوپر ہو، ہم سب ان کامیابیوں پر فخر کرتے ہیں، ہاری ہوئی جنگ کے سربراہ کو کوئی دعوت نہیں دیتا، ایسے کھانے جیتی ہوئی جنگ کے سربراہ کو ملتے ہیں، وائٹ ہاؤس میں لنچ پاکستان کی تاریخ کا بے مثال واقعہ ہے، فیلڈ مارشل کا امریکا کا دورہ پہلے سے طے تھا۔ انہوں نے مزید کہا کہ کامرس سیکرٹری اور وزیرخارجہ بھی امریکا جائیں گے، عین ممکن ہے کہ ٹرمپ پاکستان کا دورہ کریں، فیلڈ مارشل کی ٹرمپ سے ملاقات بہت بڑی کامیابی ہے، آج رات وزیراعظم سے وفد کے ہمراہ ملاقات کروں گا۔
بلاول بھٹو زرداری نے کہا کہ سمجھا گیا کہ مودی واجپائی جیسا ہوگا، مودی سے خیر کی امید نہ رکھیں، اس نے اپنا چہرہ دکھا دیا، پاکستان نے اپنے سے بڑی طاقت کو شکست دی، میزائل کا جواب دیا تو بھارت سیز فائر کے لیے مجبور ہوا، دہشت گردی پاکستان اور بھارت دونوں کا مسئلہ ہے، ہمیں نسل در نسل پانی پر نہیں لڑنا چاہیئے۔ چیئرمین پیپلز پارٹی بلاول بھٹو نے بڑی خواہش کا اظہار کرتے ہوئے کہا کہ چاہتا ہوں میرے وزیراعظم بننے سے پہلے امن ہوجائے، پاکستان اور بھارت دونوں ممالک میں امن ہوجائے، مسئلہ کشمیر کے حل تک بھارت میں امن نہیں آسکتا، اگر بھارت سندھ طاس معاہدے کی خلاف ورزی کرتا ہے تو میں پاکستان سے مطالبہ کروں گا کہ بھارت سے جنگ لڑے، بھارت سے جنگ لڑنا پاکستان کے لیے قانونی ہوگا۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی