پاکستان دہشت گردی کے خلاف جنگ میں کامیابی کے قریب ہے،فیلڈمارشل
اشاعت کی تاریخ: 28th, June 2025 GMT
فیلڈ مارشل سید عاصم منیر نے کہاہے کہ جب تک مسئلہ کشمیر کا منصفانہ حل نہیں نکلتا، جنوبی ایشیا میں پائیدار امن ممکن نہیں، ہمارادشمن متکبرانہ اور جارحانہ رویے کامسلسل مظاہرہ کررہاہے ،دشمن اگرسمجھتاہے کہ ملکی خودمختاری پر حملے کو برداشت کریںگے تو یہ اس کی غلط فہمی ہوگی،پاکستان دہشت گردی کے خلاف جنگ میں کامیابی کے قریب ہے۔
پاکستان نیول اکیڈمی میں 123ویں مڈشپ مین اور 31ویں شارٹ سروس کمیشن کورس کی شاندار کمیشننگ پریڈ سے خطاب انہوں نے کہا کہ میری ٹائم واریئرز کی یہ پروقار پریڈ پاکستان نیول اکیڈمی کے اعلیٰ تربیتی معیار کا عملی مظہر ہے۔
فیلڈ مارشل نے کامیاب کیڈیٹس کو مبارکباد دیتے ہوئے کہا کہ ان کے پُراعتماد انداز میں قوم کی امیدیں سمٹ آئی ہیں۔ انہوں نے دوست ممالک — ترکی، بحرین، عراق، فلسطین اور جبوتی — کے کیڈیٹس کو بھی تربیت مکمل کرنے پر خصوصی مبارکباد پیش کی۔
آرمی چیف نے امیدظاہرکی کہ پاک بحریہ کا حصہ بننے والے افسران اعلیٰ عسکری اخلاقیات اور غیرمعمولی مہارت کے امین ہوں گے اور ان کی ذمہ داری ہے کہ وہ اپنی آپریشنل صلاحیتوں کو مزید بہتر کریں کیونکہ بحری جنگ کا منظرنامہ تیزی سے تبدیل ہو رہا ہے۔
انہوں نے بھارت کو تنبیہ کرتے ہوئے کہا کہ دشمن اپنی فوجی طاقت، قوم پرستی اور جعلی اسٹریٹجک بیانیے سے خطے میں عدم استحکام پیدا کرنا چاہتا ہے۔ بھارت نے گزشتہ برسوں میں دہشت گردی کے بہانے دو بار پاکستان پر بلاوجہ حملے کیے، تاہم پاکستان کے مؤثر جواب سے بڑے تنازعے کو ٹالا گیا۔
فیلڈ مارشل نے کہا کہ اگر دشمن سمجھتا ہے کہ پاکستان آئندہ بھی اپنی خودمختاری پر حملے کو برداشت کرے گا، تو یہ خطرناک غلط فہمی ہوگی۔ پاکستان اپنی خودمختاری اور قومی مفادات کے دفاع میں کوئی جھجک نہیں دکھائے گا۔
انہوں نے سورہ بقرہ کی آیت 249 کا حوالہ دیتے ہوئے کہا ’’کتنی ہی بار ایسا ہوا کہ تھوڑی سی تعداد نے اللہ کے حکم سے بڑی تعداد کو شکست دی، اور اللہ صبر کرنے والوں کے ساتھ ہے۔‘‘
فیلڈ مارشل عاصم منیر نے کہا کہ جب پاکستان دہشت گردی کے خلاف اپنی جنگ میں کامیابی کے قریب ہے، بھارت جان بوجھ کر خطے میں کشیدگی بڑھا رہا ہے، پاکستان یہ جنگ مکمل کامیابی تک جاری رکھے گا۔
انہوں نے مقبوضہ کشمیر کے عوام کو خراجِ تحسین پیش کرتے ہوئے کہا کہ بھارت جسے دہشت گردی کہتا ہے، وہ کشمیریوں کی جائز آزادی کی جدوجہد ہے۔ پاکستان کشمیری عوام کی سیاسی، اخلاقی اور سفارتی حمایت جاری رکھے گا۔
آرمی چیف نے سورہ آلِ عمران کی آیت 54 کا حوالہ دیتے ہوئے کہا’’ انہوں نے چالیں چلیں اور اللہ نے بھی تدبیر کی، اور بہترین تدبیر کرنے والا اللہ ہے‘‘۔
انہوں نے کہا کہ جب تک مسئلہ کشمیر کا منصفانہ حل نہیں نکلتا، جنوبی ایشیا میں پائیدار امن ممکن نہیں۔
خطاب کے اختتام پر آرمی چیف نے کہا کہ پاکستان ایک روشن مستقبل کی طرف گامزن ہے اور دشمن کی تمام رکاوٹوں کے باوجود ہمارا ترقی کا سفر جاری رہے گا۔
اس سے پہلے پاکستان نیول اکیڈمی پی این ایس رہبر میں پاسنگ آؤٹ پریڈ کی پروقار پاسنگ آؤٹ پریڈ تقریب میں فیلڈ مارشل عاصم منیر کو پاک بحریہ کے چاق و چوبند دستے نے سلامی پیش کی۔
پاسنگ آوٹ پریڈ کے موقع پر فیلڈ مارشل نے پریڈ کا معائنہ کیا اور بعد ازاں123ویں مڈ شپ مین اور 31ویں شارٹ سروس کمیشن کورس میں نمایاں کارکردگی دکھانے والے کیڈٹس میں انعامات بھی تقسیم کئے۔
تقریب میں پاک بحریہ کے اعلیٰ افسران اورفارغ التحصیل کیڈٹس کے اہل خانہ نے بھی شرکت کی۔ تقریب میں اہم شخصیات کے علاوہ غیر ملکی سفارت کار بھی شریک ہوئے۔
پاسنگ آؤٹ پریڈ میں فارغ التحصیل کیڈٹس سے ذمہ داریوں کا حلف لیا گیا جب کہ تقریب میں مہمان خصوصی نے نمایاں کارکردگی دکھانے والے کیڈٹس کو اعزازات سے نوازا جبکہ پاس آؤٹ ہونے والے کیڈٹ عبدالرحمٰن کو اعزازی شمشیر سے نوازا گیا۔
ذریعہ: Daily Mumtaz
کلیدی لفظ: دہشت گردی کے فیلڈ مارشل پاسنگ ا نے کہا کہ ہوئے کہا انہوں نے ٹ پریڈ
پڑھیں:
سینیٹ میں27 ویں ترمیم منظور ، اپوزیشن کا واک آؤٹ
تمام 59شقوں کی شق وار منظوری، 64ارکان نے ہر بار کھڑے ہوکر ووٹ دیا،صدر مملکت کو تاحیات گرفتار نہ کرنے کی شق کی منظوری،کوئی قانونی کارروائی عمل میں نہیں لائی جاسکے گی
فیلڈ مارشل کو قانونی استثنیٰ حاصل، وردی اور مراعات تاحیات ہوں گی،فیلڈ مارشل، ایٔر مارشل اور ایڈمرل چیف کو قومی ہیروز تصور کیا جائے گا، تینوں کو آرٹیکل 47 کے بغیر نہیں ہٹایا جا سکے گا
سینیٹ نے 27 ویں آئینی ترمیم دوتہائی اکثریت سے منظورہوگئی۔ جمعیت علماء اسلام کے سینیٹر احمد خان اور پاکستان تحریک انصاف کے سینیٹر سیف اللہ ابڑو کی ووٹ دینے کی وجہ سے بل پاس ہوا۔ اپوزیشن نے بل کی مخالفت کرتے ہوئے ایوان سے واک آؤٹ کیا۔ سینیٹ کا اجلاس چیٔرمین سینیٹ یوسف رضاگیلانی کی زیر صدارت پارلیمنٹ ہاوس میں ہوا۔وزیر قانون اعظم نذیر تارڑ نے 27 ویں آئینی ترمیم کا بل ایوان میں پیش کیا۔جس کے بعد 27 ویں آئینی ترمیم کی تمام 59شقوں کی شق وار منظوری دی گئی۔ تمام شقیں دو تہائی اکثریت سے منظوری ہوئیں جس لے لیے 64ارکان نے ہر بار کھڑے ہوکر ووٹ دیا۔ جبکہ بل کی منظوری کے دوران اپوزیشن ایوان سے واک آؤٹ کرگئی۔ اپوزیشن میں تحریک انصاف،جمعیت علماء اسلام اور ایم ڈبلیو ایم اور سنی تحریک کے سینیٹرز نے بل کے خلاف واک آؤٹ کیا۔ آئین کے آرٹیکل 243 کی دو شقوں 4 اور 7 میں نئی ترامیم کی گئی ہیں۔ آرٹیکل 243 کی شق 4 اور 7 میں ترمیم کے تحت چیف آف آرمی اسٹاف کے عہدے کا نام تبدیل کر کے کمانڈر آف ڈیفنس فورسزکردیا گیا ہے۔ترمیم کے مطابق صدر مملکت وزیراعظم کی تجویز پر ایٔرچیف اور نیول چیف کی طرح کمانڈرآف ڈیفنس فورسز کا تقرر کریں گے جبکہ جوائنٹ چیف آف اسٹاف کمیٹی کا عہدہ 27نومبر 2025 سے ختم تصور کیا جائیگا۔اس کے علاوہ وزیر اعظم، آرمی چیف کی سفارش پر کمانڈر نیشنل اسٹریٹجک کمانڈ کا تقرر کرینگے اور یہ پاکستان آرمی کے ارکان میں سے ہوگا جس کی تنخواہ اور الاؤنسز مقرر کیے جائیں گے۔ترمیم کے تحت وفاقی حکومت فوجی افسر فیلڈ مارشل، ایٔر مارشل یا ایڈمرل چیف کو رینک پرترقی دے گی جس کے بعد وردی، اور مراعات تاحیات رہیں گی جبکہ فیلڈ مارشل، ایٔر مارشل اور ایڈمرل چیف کو بطور قومی ہیروز تصورکیا جائے گا اور تینوں کو آرٹیکل 47 کے بغیر عہدوں سے نہیں ہٹایا جا سکے گا۔ترمیم کے مطابق وفاقی حکومت فیلڈ مارشل، ایٔر مارشل اور ایڈمرل چیف کی ذمہ داریوں اور امور کا تعین کرے گی جبکہ فیلڈ مارشل کو آرٹیکل 248 کے تحت قانونی استثنیٰ حاصل ہوگا۔وزیر قانون اعظم نذیر تارڑ نے صدر مملکت کے تاحیات استثنیٰ سے متعلق آرٹیکل 248 میں ترمیم پیش کی جسے کثرت رائے سے مںظور کرلیا گیا۔ترمیم کے مطابق صدر مملکت کو تاحیات استثنیٰ حاصل ہوگا، عہدے سے سبک دوشی کے باوجود صدر مملکت کے خلاف کسی بھی کیس میں تاحیات کوئی قانونی کارروائی عمل میں نہیں لائی جاسکے گی۔ترمیم یہ بھی کہا گیا ہے کہ عہدے سے سبک دوشی کے بعد اگر صدر نے کوئی عوامی عہدہ حاصل کیا تو استثنیٰ ختم ہوجائے گا۔
عوام کی حفاظت ذمہ داری، انتشار پھیلانے کی ہرگز اجازت نہیں دیں گے: مریم نواز