وزیراعظم کا ’اپنا میٹر، اپنی ریڈنگ‘ اسمارٹ ایپ کا افتتاح، بجلی کے بلوں میں پی ٹی وی کی فیس ختم کرنے کا اعلان
اشاعت کی تاریخ: 29th, June 2025 GMT
وزیراعظم شہباز شریف نے پاور ڈویژن کی جانب سے تیار کردہ اسمارٹ موبائل ایپ ’اپنا میٹر، اپنی ریڈنگ‘ کا باقاعدہ افتتاح کردیا، تقریب سے خطاب میں انہوں نے بجلی کے بلوں میں سرکاری ٹی وی کی فیس ختم کرنے کا بھی اعلان کیا۔
افتتاحی تقریب سے خطاب کرتے ہوئے وزیراعظم نے ایپ کو بجلی کے شعبے میں ٹیکنالوجی کے مؤثر استعمال اور گورننس میں اصلاحات کی ایک اہم کڑی قرار دیا۔ اُن کا کہنا تھا کہ یہ اقدام بجلی صارفین کو بااختیار بنانے، اوور بلنگ کی شکایات کے خاتمے اور بلنگ کے عمل میں شفافیت کے فروغ کے لیے نہایت اہم ہے۔
یہ بھی پڑھیں: حکومت کا بجلی صارفین کے لیے میٹر ریڈنگ ایپ متعارف کرانے کا فیصلہ، میٹر ریڈرز کا کردار ختم؟
پاور ڈویژن کے مطابق، اس ایپ کے ذریعے صارفین کو مقررہ تاریخ پر اپنے بجلی میٹر کی تصویر اپ لوڈ کرنے کی سہولت دی جائے گی، جس کی بنیاد پر اُن کا ماہانہ بل جاری کیا جائے گا۔ اس نظام کا مقصد میٹر ریڈنگ کی غلطیوں، تاخیر اور اوور بلنگ جیسے دیرینہ مسائل کا مؤثر حل فراہم کرنا ہے۔
اعلامیے میں مزید کہا گیا کہ “اپنا میٹر، اپنی ریڈنگ” صرف ایک ٹیکنالوجی فیچر نہیں بلکہ گورننس میں ایک بڑی اصلاح ہے، جو صارفین کو بجلی کے نظام کا فعال حصہ بناتی ہے۔ صارفین اب نہ صرف اپنے بل پر براہِ راست نظر رکھ سکیں گے بلکہ ریڈنگ کے عمل کے نگہبان بھی ہوں گے۔
مزید پڑھیں: پاکستانی اپنے بجلی کے بل سے ٹیکس کا بوجھ کیسے کم کر سکتے ہیں؟
پاور ڈویژن نے بتایا کہ اگر صارف مقررہ دن پر اپنی ریڈنگ ایپ پر فراہم کر دے تو اسی ریڈنگ کو بل کے لیے استعمال کیا جائے گا، اور اس کے بعد لی گئی میٹر ریڈر کی ریڈنگ کو ترجیح نہیں دی جائے گی۔
یہ نظام خاص طور پر اُن صارفین کے لیے فائدہ مند قرار دیا گیا ہے جو حکومتی سبسڈی کے مستحق ہیں۔ اعلامیے کے مطابق، 200 یونٹس تک بجلی استعمال کرنے والے صارفین کا بل تقریباً 2,330 روپے ہوتا ہے، جب کہ صرف ایک یونٹ اضافی ہونے پر سبسڈی ختم ہو جاتی ہے اور بل 8,104 روپے تک جا پہنچتا ہے۔ ایپ کے ذریعے مستحقین بروقت ریڈنگ فراہم کر کے اپنی سبسڈی سے مستفید رہ سکیں گے۔
پاور ڈویژن نے اُمید ظاہر کی ہے کہ اس طرح کے اقدامات سے بجلی کے نظام میں نہ صرف شفافیت پیدا ہوگی بلکہ صارفین کا اعتماد بھی بحال ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اپنا میٹر اپنی ریڈنگ اسمارٹ موبائل ایپ اویس لغاری شہباز شریف وزیر اعظم.ذریعہ: WE News
کلیدی لفظ: اپنا میٹر اپنی ریڈنگ اسمارٹ موبائل ایپ اویس لغاری شہباز شریف پاور ڈویژن اپنی ریڈنگ اپنا میٹر بجلی کے کے لیے
پڑھیں:
لیڈی ریڈنگ ہسپتال کا نیا ریکارڈ، جدید کیمروں اور مشین سے 15 کامیاب آپریشنز
لیڈی ریڈنگ ہسپتال کے نیورو سرجری ڈیپارٹمنٹ نے نیا اعزاز حاصل کیا ہے جس میں پہلی دفعہ دماغ کی شریان کا جدید کیمروں اور مشین سے 15 کامیاب آپریشنز کیے گئے ہیں۔
تفصیلات کے مطابق ترجمان محمد عاصم نے بتایا کہ ایل آر ایچ کے مختلف یونٹس نے مل کر ٹیم ورک کے ذریعے اس مشن میں اہم کردار ادا کیا۔
دماغ کی شریان کے کامیاب آپریشن پاکستانی نژاد ڈاکٹر عقیل پاپانی اور ایل آر ایچ نیورو سرجری کی ٹیم نے سرانجام دیے۔
ترجمان نے بتایا کہ امریکا سے آئے ڈاکٹر عقیل پاپانی نے ایک کروڑ سے زیادہ کا خرچہ خود برداشت کیا تمام آپریشن بالکل مفت کیے گئے۔
ترجمان کا مزید کہنا تھا کہ ایل آر ایچ کے ڈین پروفیسر صاحبزادہ محمود نور اور ہسپتال ڈائریکٹر ڈاکٹر محمد ابرار خان نے مشن کی کامیابی کے لئے بھرپور انتظامی سپورٹ دی۔
بہار انتخابات کے پہلے مرحلے میں 65.08 فیصد ووٹ ڈالے گئے، الیکشن کمیشن کے نئے اعداد و شمار