چینی نوجوان کے پیٹ سے 6 ماہ بعد 15 سینٹی میٹر چمچ برآمد
اشاعت کی تاریخ: 29th, June 2025 GMT
چین کے ایک 29 سالہ نوجوان کے جسم سے 15 سینٹی میٹر لمبا چمچ 6 ماہ بعد اس وقت برآمد ہوا جب وہ پیٹ میں تکلیف کے باعث ڈاکٹر کے پاس گیا۔
رپورٹ کے مطابق یہ چمچ اس نے نشے کی حالت میں تھائی لینڈ میں حادثاتی طور پر نگل لیا تھا۔
یہ بھی پڑھیں:جسم پر چمچے بیلنس کرنیوالے شخص نے اپنا ہی ورلڈ ریکارڈ توڑ دیا
نوجوان کی شناخت ’یان‘ کے نام سے کی گئی ہے، جو رواں سال جون میں شنگھائی کے ایک ڈاکٹر کے پاس گیا۔ اُسے شبہ تھا کہ کھانے کے دوران اس نے پلاسٹک نگل لیا ہے۔ تاہم اسکین سے انکشاف ہوا کہ اس کی آنت کے ابتدائی حصے (ڈوڈینم) میں ایک سیرامک چمچ پھنسا ہوا ہے۔
شنگھائی ژونگشن اسپتال کے ڈاکٹروں کے مطابق چمچ کی موجودگی نہایت خطرناک تھی۔ معمولی حرکت بھی آنتوں میں سوراخ، سوزش یا اندرونی خون بہنے جیسے مہلک مسائل پیدا کر سکتی تھی۔
یہ بھی پڑھیں:طلسمی جاپانی چمچ کھانوں میں نمک کا ذائقہ کیسے بڑھاتا ہے؟
یان نے بعد میں یاد کیا کہ جنوری میں تھائی لینڈ کے دورے کے دوران شراب نوشی کے بعد اُسے قے محسوس ہوئی، جس پر اس نے قے کروانے کے لیے کافی کا چمچ استعمال کرنے کی کوشش کی۔ چمچ اس کے ہاتھ سے پھسل کر گلے میں چلا گیا۔ بعد ازاں وہ بے ہوش ہو گیا اور جاگنے پر اسے یہ سب خواب لگا۔
یہ بھی پڑھیں:ایرانی شخص نے جسم پر 88 چمچ متوازن رکھ کر عالمی ریکارڈ بنا ڈالا
واپسی پر یان اپنی معمول کی زندگی میں مصروف رہا، ورزش کرتا رہا اور کسی بڑی طبی پریشانی کا سامنا نہیں ہوا۔
یہ واقعہ چینی میڈیا میں نمایاں رہا اور جنوبی چین مارننگ پوسٹ نے تفصیل سے رپورٹ کیا کہ خوش قسمتی سے نوجوان ایک خطرناک طبی مسئلے سے بچ گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آپریشن آنت میں چمچ تھائی لینڈ چمچ چین.ذریعہ: WE News
کلیدی لفظ: تھائی لینڈ چین
پڑھیں:
ملک بھر میں انسداد اسمگلنگ کریک ڈاؤن، 8 کروڑ کی منشیات برآمد
ملک بھر میں انسداد اسمگلنگ کریک ڈاؤن کے دوران 8 کروڑ کی منشیات برآمد کرکے ملزمان کو گرفتار کرلیا گیا۔ ترجمان کے مطابق اینٹی نارکوٹکس فورس نے ملک کے مختلف شہروں میں منشیات اسمگلنگ کے خلاف بڑی کارروائیاں کرتے ہوئے 7 کارروائیوں کے دوران 5 خواتین سمیت 8 ملزمان کو گرفتار کر لیا۔ اے این ایف کے مختلف آپریشنز کے دوران 8 کروڑ 37 لاکھ روپے سے زائد مالیت کی 97.165 کلوگرام منشیات برآمد کرلی گئی۔ لاہور کے علامہ اقبال انٹرنیشنل ایئرپورٹ پر جدہ جانے والے 2 مسافروں کے سامان سے کپڑوں میں جذب 19 کلوگرام آئس برآمد ہوئی جب کہ ایک اور کارروائی میں جدہ جانے والے 3 مسافروں کے جوتوں سے 1.6 کلوگرام آئس برآمد کر لی گئی، جن میں 2 خواتین اور ایک مرد شامل ہیں۔ اسلام آباد ایئرپورٹ پر برطانیہ جانے والے پارسل سے لیڈیز کپڑوں میں چھپائی گئی 64.565 کلوگرام ہیروئن برآمد کی گئی اور اس کارروائی میں بھی ایک ملزم کو حراست میں لیا گیا۔ کالا باغ ریلوے اسٹیشن کے قریب اے این ایف نے ایک خاتون مسافر کے سامان سے 6 کلوگرام چرس برآمد کی، جب کہ پشاور رنگ روڈ پر واقع ایک کوریئر آفس سے کراچی بھیجے جانے والے پارسل میں 1.2 کلوگرام چرس ملی۔ اسی طرح کراچی میں بھی ایک خاتون مسافر کے قبضے سے 3.6 کلوگرام چرس برآمد کی گئی۔ علاوہ ازیں بھکر روڈ، ڈیرہ اسماعیل خان میں موٹر سائیکل سے 1.2 کلوگرام چرس برآمد کر کے ملزم کو گرفتار کیا گیا۔ اے این ایف حکام کے مطابق تمام کارروائیوں میں ملوث افراد کے خلاف انسدادِ منشیات ایکٹ 1997 کے تحت مقدمات درج کر کے مزید تحقیقات شروع کر دی گئی ہے۔
اٹلی نے بلوچستان سے چوری شدہ نوادرات پاکستان کو واپس کردیے