ڈھاکا ایئرپورٹ سے اسلحہ چوری، اندرونی عملے کے ملوث ہونے کا شبہ
اشاعت کی تاریخ: 11th, November 2025 GMT
بنگلہ دیش میں ایک بڑے سیکیورٹی اسکینڈل نے سول ایوی ایشن حکام کو ہلا کر رکھ دیا۔
ڈھاکا کے حضرت شاہ جلال انٹرنیشنل ایئرپورٹ کے ایک کارگو والٹ سے 38 جدید اسلحے اور ایک لاکھ سے زائد گولیوں کے غائب ہونے کی اطلاع ملی ہے۔
میڈیا رپورٹس کے مطابق یہ واقعہ حال ہی میں ایئرپورٹ کے کارگو سیکشن میں لگنے والی آگ کے بعد پیش آیا۔
یہ بھی پڑھیں: ڈھاکا: بنگلادیش ایئرفورس کا تربیتی طیارہ گر کر تباہ، متعدد اموات اور 100 سے زائد زخمی
ایئرپورٹ ذرائع کے مطابق، نامعلوم افراد نے ایک اسلحہ درآمد کرنے والی کمپنی کے مضبوط لاکر میں نقب لگا کر قیمتی ہتھیاروں کے کئی بکس چرا لیے۔
21 کارٹن میں سے نمبر 208 والے کارٹن کے 7 بکس غائب پائے گئے۔ دلچسپ بات یہ ہے کہ چوروں نے کم قیمت اسلحہ چھوڑ کر صرف مہنگے ہتھیار اٹھائے۔
https://t.
A blaze at Dhaka airport’s cargo terminal may have been more than an accident. Hours of fire, and when smoke cleared, a sealed vault stood unlocked. CCTV wiped clean. Several imported firearms gone.
Days earlier, the government’s Youth and Sports adviser… https://t.co/cv2B9AmihR pic.twitter.com/hDd7JC9h06
— Asifur Rahman Chowdhury (@Asifurrahman71) November 4, 2025
ایئرپورٹ پولیس اسٹیشن میں 3 جنرل ڈائریاں درج کی گئیں، تاہم سول ایوی ایشن کی ابتدائی رپورٹ میں صرف 7 اسلحوں کی گمشدگی کی تصدیق کی گئی۔
وزارت نے سیکیورٹی میں بہتری کے لیے متعدد تجاویز پیش کیں، جن میں اضافی سی سی ٹی وی کیمرے نصب کرنے اور کارگو مانیٹرنگ کو مزید سخت کرنے کی سفارش شامل ہے۔
یہ ہتھیار گن میکس نامی لائسنس یافتہ بنگلہ دیشی کمپنی کے تھے، جس کے مالک فیصل کبیر نے میڈیا کو بتایا کہ 18 اکتوبر کو آگ لگنے کے وقت ان کے 4 کارگو کنسائنمنٹ ایئرپورٹ کے والٹ میں محفوظ تھے۔
مزید پڑھیں: ڈھاکا: تھرڈ میڈ اِن پاکستان ایگزیبیشن کا آغاز، دوطرفہ تجارتی تعلقات کو فروغ دینے کا عزم
’آگ سے ہمارا اسلحہ تو متاثر نہیں ہوا، لیکن کچھ ہی دنوں بعد وہ غائب ہوگیا۔‘
ان کا کہنا تھا کہ بارہا پوچھنے کے باوجود کسٹمز اور اسٹوریج حکام کوئی تسلی بخش جواب نہ دے سکے، لاپتا سامان میں 16 امریکی پستول، 22 بھارتی و جرمن ساختہ ایئر رائفلز، 20 ہزار ترک ساختہ گولیاں اور تقریباً ایک لاکھ ایئر گن پیلٹس شامل تھے۔
’ہم نے تمام قانونی اجازت نامے حاصل کیے ہوئے تھے، جب کسی کے پاس کوئی وضاحت نہ تھی تو ہمیں پولیس رپورٹ درج کرانا پڑی۔‘
مزید پڑھیں:ڈھاکا یونیورسٹی کے انتخابی نتائج بھارت کے لیے خطرے کی گھنٹی، ششی تھرور کا نقطہ نظر
ایئرپورٹ پولیس کے ایک افسر نے تصدیق کی کہ معاملے کی تحقیقات جاری ہیں تاکہ معلوم کیا جا سکے کہ کتنے ہتھیار چرائے گئے اور کون اس کے پیچھے ہے۔
واقعے کے بعد وزارتِ شہری ہوابازی نے ایک تحقیقاتی کمیٹی تشکیل دی، جس نے اپنی رپورٹ میں اسلحے کی گمشدگی اور بِیمن بنگلہ دیش ایئرلائنز کی ’سنگین غفلت‘ کی نشاندہی کی۔
Dhaka Airport Heist After Fire. ????
???? A shocking breach at Dhaka Airport’s cargo village 7 firearms missing after a mysterious vault break in.
???? Timeline: ????
1️⃣ Oct 18: Fire breaks out at airport cargo village.
2️⃣ Oct 24: Vault opened 21 weapons found.
3️⃣ After repair:… pic.twitter.com/Ej68qG97WX
— A A FAISAL (@AA0FAISAL) November 4, 2025
رپورٹ میں 24 گھنٹے سی سی ٹی وی کوریج، سخت سیکیورٹی چیکس اور 21 دن سے زائد عرصے تک غیر دعویدار کارگو پر قانونی کارروائی کی سفارش کی گئی۔
مزید پڑھیں:ڈھاکا میں عوامی لیگ کا اچانک جلوس، 7 کارکن ریمانڈ پر، ایک جیل بھیج دیا گیا
ڈھاکا کسٹمز ہاؤس کے جوائنٹ کمشنر قمرالحسن نے وضاحت کی کہ ان کا محکمہ صرف ڈیوٹی وصول کرتا ہے، سیکیورٹی نہیں۔
’سامان کی تحویل بیمن ایئرلائنز کے پاس ہوتی ہے، ہم صرف کاغذات کی تصدیق کے بعد ریلیز کرتے ہیں۔‘
پولیس نے جل کر خراب ہونے والے والٹ سے بازیاب سامان کی فہرست بھی جاری کی، جس میں 67 پستول، 12 شاٹ گنز، ایک اسالٹ رائفل، 138 خالی میگزین اور ایک ہزار کے قریب بلینک کارتوس شامل ہیں۔
مزید پڑھیں: ڈھاکا میں جماعت اسلامی کا بڑا پاور شو، انتخابی اصلاحات کا مطالبہ کردیا
ماہرین کے مطابق چوری غالباً اسی دوران ہوئی جب آگ اور بجلی کی بندش کے باعث سی سی ٹی وی نظام ناکارہ ہو گیا تھا۔
تحقیقاتی اداروں کا کہنا ہے کہ اتنی بڑی چوری ایئرپورٹ کے اندرونی تعاون کے بغیر ممکن نہیں۔
’چوروں کو معلوم تھا کہ وہ کیا لے جا رہے ہیں، انہوں نے سستے ہتھیار چھوڑ کر صرف مہنگے اسلحے اٹھائے، جو اس بات کا ثبوت ہے کہ انہیں اندر سے مکمل معلومات اور مدد حاصل تھی۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلحہ ایئرپورٹ پولیس بجلی کی بندش حضرت شاہ جلال انٹرنیشنل ایئرپورٹ ڈھاکا ایئرپورٹ سی سی ٹی وی کارگو والٹ مہنگے ہتھیار
ذریعہ
ذریعہ: WE News
کلیدی لفظ: ایئرپورٹ پولیس بجلی کی بندش ڈھاکا ایئرپورٹ سی سی ٹی وی مہنگے ہتھیار ایئرپورٹ کے مزید پڑھیں سی سی ٹی
پڑھیں:
عالمی مارکیٹ میں تیل کی قیمت 100 ڈالر سے تجاوز، مزید اضافے کا خدشہ
اسلام آباد: مشرق وسطیٰ میں بڑھتی ہوئی کشیدگی کے باعث عالمی مارکیٹ میں تیل کی قیمت میں نمایاں اضافہ ریکارڈ کیا گیا ہے، جہاں برینٹ کروڈ پہلی بار 100 ڈالر فی بیرل کی سطح عبور کر گیا، جبکہ امریکی خام تیل بھی 90 ڈالر فی بیرل سے اوپر پہنچ گیا۔
تازہ عالمی مارکیٹ رپورٹس کے مطابق خطے میں جاری غیر یقینی صورتحال اور سپلائی میں ممکنہ رکاوٹوں کے خدشات نے خام تیل کی قیمتوں کو نئی بلند ترین سطح پر پہنچا دیا ہے۔
ماہرین توانائی کا کہنا ہے کہ اگر مشرق وسطیٰ کی صورتحال مزید کشیدہ ہوئی اور تیل کی ترسیل متاثر ہوئی تو برینٹ کروڈ کی قیمت 120 ڈالر فی بیرل تک پہنچ سکتی ہے۔
تیل کی قیمتیں کیوں بڑھ رہی ہیں؟
تجزیہ کاروں کے مطابق ایران سے تیل کی سپلائی متاثر ہونے کے خدشات، بحیرہ احمر میں حوثیوں کی جانب سے بحری سرگرمیوں میں رکاوٹ اور اہم تجارتی راستوں پر بڑھتے ہوئے خطرات نے عالمی توانائی مارکیٹ کو شدید دباؤ میں ڈال دیا ہے۔
ماہرین کا کہنا ہے کہ ایران کے اہم آئل ٹرمینل جزیرہ خارگ کو کسی بھی ممکنہ نقصان یا تیل کی صنعت میں ہڑتال کی صورت میں عالمی سطح پر سپلائی مزید متاثر ہو سکتی ہے، جس سے قیمتوں میں مزید تیزی آنے کا امکان ہے۔
پاکستان پر کیا اثر پڑ سکتا ہے؟
توانائی ماہرین کے مطابق اگر عالمی مارکیٹ میں تیل کی قیمت اسی رفتار سے بڑھتی رہی تو پاکستان میں بھی پیٹرول، ڈیزل اور دیگر پیٹرولیم مصنوعات مزید مہنگی ہونے کا امکان ہے۔ اس کے علاوہ ٹرانسپورٹ، بجلی کی پیداوار، صنعتی لاگت اور مہنگائی پر بھی اس کے اثرات مرتب ہو سکتے ہیں۔
ماہرین نے خبردار کیا ہے کہ عالمی تیل منڈی میں جاری غیر یقینی صورتحال برقرار رہی تو نہ صرف توانائی کی قیمتیں مزید بڑھ سکتی ہیں بلکہ عالمی معیشت اور سپلائی چین بھی شدید دباؤ کا شکار ہو سکتی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار