سوات واقعہ افسوسناک قدرتی آفت تھی، ذمے داروں کے خلاف کارروائی کی گئی : بیرسٹر سیف
اشاعت کی تاریخ: 30th, June 2025 GMT
مشیر اطلاعات خیبرپختونخوا بیرسٹر سیف نے کہا ہے کہ سوات سانحہ ایک انتہائی المناک اور افسوسناک واقعہ ہے، تاہم یہ ایک قدرتی آفت تھی جس پر حکومت کی پوری کوشش رہی کہ زیادہ سے زیادہ انسانی جانیں بچائی جائیں، سانحے کے ذمہ داران کے خلاف کارروائی کی گئی ہے۔
پشاور میں میڈیا سے گفتگو کرتے ہوئے کہا کہ بیرسٹر سیف نے کہا کہ سوات واقعہ افسوسناک قدرتی آفت تھی، ذمے داروں کے خلاف کارروائی کی گئی، پنجاب سے آئے ہوئے سیاح ضد میں آ کر خطرناک جگہوں پر گئے، جہاں پانی کا بہاؤ اور موسم غیر معمولی طور پر خراب تھا، عوام کو چاہیے کہ وہ ایسی جگہوں پر جانے سے گریز کریں جہاں خطرہ ہو۔
یہ بھی پڑھیں: سانحہ سوات: حکومت نے ڈپٹی کمشنر کو معطل کردیا، دریا کنارے تجارتی سرگرمیاں بند
بیرسٹر سیف نے بتایا کہ واقعہ سے قبل حکومت نے شہریوں کو سیلابی صورتحال سے آگاہ کیا تھا اور اسی دن 80 افراد کو بچایا بھی گیا۔ ان کا کہنا تھا کہ سوات میں جائے سانحہ پر ریسکیو ٹیموں کے تاخیر سے پہنچنے کی وجہ یہ تھی کہ وہ دیگر مقامات پر آپریشن میں مصروف تھیں، اگر ائیر ایمبولینس استعمال کی جاتی تو بڑے حادثے کا خدشہ تھا، کیونکہ ایسی ایمبولینسیں مخصوص آلات سے لیس نہیں ہوتیں اور خراب موسم میں پرواز ممکن نہیں تھی۔
انہوں نے کہا کہ ائیر ایمبولینس مریضوں کو ایک جگہ سے دوسری جگہ منتقل کرنے کے لیے ہوتی ہے، سیلاب میں استعمال خطرناک ہو سکتا ہے، غیر قانونی تجاوزات کے خلاف کارروائیاں جاری ہیں، جن کے خلاف کارروائی کی جاتی ہے وہ عدالتی حکمِ امتناع (سٹے آرڈر) لے لیتے ہیں۔
بیرسٹر سیف کے مطابق سوات سانحے کے ذمے دار افسران کے خلاف کارروائی کی جاچکی ہے اور مزید ذمہ داران کو سزائیں دی جائیں گی، سیکرٹری خود وزراء کے ہمراہ موقع پر گئے اور حالات کا جائزہ لیا جس کے بعد ذمہ داران کو سزائیں دی گئی۔
یہ بھی پڑھیں: بیرسٹر سیف کا مریم نواز کو علی امین گنڈاپور کی نقل کرنے کا مشورہ
بیرسٹر سیف نے کہا کہ سوات واقعہ پر وزیراعلیٰ سے استعفیٰ مانگنے والوں کو چاہیے کہ سندھ میں تھرپارکر میں غذائی قلت سے مرنے والوں پر بلاول بھٹو سے بھی استعفیٰ مانگیں، مری میں سیاحوں کی اموات پر کسی نے وزیر اعلیٰ پنجاب سے استعفیٰ نہیں مانگا، یہاں صرف پوائنٹ اسکورنگ ہورہی ہے۔
انہوں نے گورنر خیبرپختونخوا فیصل کریم کنڈی پر تنقید کرتے ہوئے کہا کہ گورنر کے پاس کوئی اختیار نہیں، ان کی تنقید کی کوئی اہمیت نہیں،انہوں نے وزیراعلیٰ پنجاب مریم نواز کو بھی تنقید کا نشانہ بنایا اور کہا کہ
اسی طرح مریم نواز پر تنقید کرتے ہوئے کہا کہ انہیں پنجاب میں اپنی حکومت کے شعبہ صحت پر توجہ دینی چاہیے، جہاں لوگ مرتے دکھائی نہیں دیتے، پاکستان میں آئین و قانون وہاں سے ہارا جہاں سے انصاف کی امید ہوتی ہے۔
انہوں نے کہا کہ مولانا فضل الرحمان کو مبارکباد پیش کرتے ہیں جن کی وجہ سے 26ویں آئینی ترمیم منظور ہوئی، آج پارلیمانی پارٹی کے اجلاس کے بعد صوبائی اسمبلی کے اجلاس کا فیصلہ کریں گے۔
یہ بھی پڑھیں: کیا ان حالات میں عمران خان شہباز شریف کے ساتھ بیٹھیں گے؟ سنیے بیرسٹر سیف کا جواب
بیرسٹر سیف نے کہا کہ اقلیتی برادری کے طلبا و طالبات کو وظائف دیے گئے ہیں تاکہ انہیں تعلیم میں مساوی مواقع فراہم کیے جاسکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بلاول بھٹو بیرسٹر سیف خیبرپختونخوا سانحہ سوات علی امین گنڈاپور قدرتی آفت مریم نواز مشیر اطلاعات وزیراعلٰی پنجاب.
ذریعہ
ذریعہ: WE News
کلیدی لفظ: بلاول بھٹو بیرسٹر سیف خیبرپختونخوا سانحہ سوات علی امین گنڈاپور قدرتی ا فت مریم نواز مشیر اطلاعات کے خلاف کارروائی کی بیرسٹر سیف نے کہا مریم نواز نے کہا کہ انہوں نے کہ سوات
پڑھیں:
پاکستان کے خلاف ٹیسٹ سیریز: ویسٹ انڈیز نے 15 رکنی اسکواڈ کا اعلان کر دیا
پاکستان کے خلاف دو ٹیسٹ میچوں کی سیریز کے لیے ویسٹ انڈیز نے 15 رکنی اسکواڈ کا اعلان کر دیا۔
ویسٹ انڈیز کی قیادت روسٹن چیز کریں گے جبکہ جومیل واریکن کو نائب کپتان مقرر کیا گیا ہے۔
اسکواڈ میں جوشوا بیشپ، تیج نارائن چندرپال، جوشوا ڈی سلوا، جسٹن گریوز، کیوم بوج، شے ہوپ، عامر جینگو، شیمار جوزف، برینڈن کنگ، کرک میک کینزی، گڈاکیش موتی، کیمو پال، کیمار روچ، جیڈن سیلز اور جومیل واریکن شامل ہیں۔
واضح رہے کہ پاکستان اور ویسٹ انڈیز کے درمیان دو ٹیسٹ میچوں کی سیریز کا آغاز 25 جولائی سے ہوگا۔
View this post on Instagramقومی ٹیم نے آخری مرتبہ 2023 میں سری لنکا کو اس کی سرزمین پر 2-0 سے ٹیسٹ سیریز میں شکست دی تھی، تاہم اس کے بعد پاکستان مسلسل سات بیرونِ ملک ٹیسٹ میچ ہار چکا ہے۔
اس سیریز میں پاکستان کی قیادت دوبارہ بابر اعظم کر رہے ہیں جنہیں شان مسعود کی جگہ ٹیسٹ ٹیم کا کپتان مقرر کیا گیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار