جاوید شیخ کا نادیہ خان اور عمر عدیل کو منہ توڑ جواب
اشاعت کی تاریخ: 30th, June 2025 GMT
پاکستانی فلم اور ٹی وی انڈسٹری کے معتبر ترین اداکار، ہدایت کار اور پروڈیوسر جاوید شیخ نے حال ہی میں ایک پوڈکاسٹ میں نادیہ خان اور عمر عدیل جیسے نقادوں کی غیر منصفانہ تنقید کا دندان شکن جواب دیا ہے۔
وکی پیڈیا پوڈکاسٹ میں انٹرویو دیتے ہوئے جاوید شیخ نے ان تمام نام نہاد نقادوں کو للکارا جو اپنے مفروضوں پر مبنی رائے سے پروجیکٹس کی کامیابی یا ناکامی کا فیصلہ کرنے کی کوشش کرتے ہیں۔
پوڈکاسٹ کے میزبان کے سوال کے جواب میں جاوید شیخ نے واضح کیا کہ ’’فیصل قریشی نے راجہ رانی میں کوئی میک اپ استعمال نہیں کیا، میں نے ان کے ساتھ کام کیا ہے۔‘‘
انہوں نے مزید کہا کہ ’’تنقید برائے تنقید کی کوئی حیثیت نہیں ہے۔ عزت اور شہرت اللہ کی طرف سے ملتی ہے – اگر اللہ کسی کو دینا چاہے تو کوئی چھین نہیں سکتا۔‘‘
جاوید شیخ نے لاہور کے ایک ڈاکٹر کی مثال دیتے ہوئے بتایا کہ کس طرح اس نے ’لو گرو‘ فلم، ماہرہ خان اور ہمایوں سعید کے خلاف زہر اگلا تھا، حتیٰ کہ عمر کے حوالے سے توہین آمیز تبصرے کیے تھے۔ لیکن اس کی غیر منصفانہ تنقید کا کیا نتیجہ نکلا؟ فلم نے 60 ملین سے زائد کمائی کر لی۔ بعد میں پتہ چلا کہ ڈاکٹر کو ڈائریکٹر سے ذاتی نفرت تھی۔
انہوں نے زور دے کر کہا کہ ’’راجہ رانی فیصل قریشی کا پروجیکٹ ہے، نادیہ خان جو چاہے کہتی رہے۔ اصل نقاد تو ناظرین ہوتے ہیں۔ یہی لوگ کسی پروجیکٹ کو پاس یا فیل کراتے ہیں۔‘‘
جاوید شیخ نے کہا کہ یہ ٹی وی ریویو کرنے والے جو اداکاروں کا مذاق اڑاتے ہیں، ان کا کوئی حقیقی اثر نہیں ہوتا۔ حیرت کی بات یہ ہے کہ جن چینلز پر یہ ظاہر ہوتے ہیں، وہ انہی اداکاروں کا مذاق اڑانے والے مواد سے چلتے اور کماتے ہیں۔
جاوید شیخ جنہیں زندگی گلزار ہے، چیف صاحب، طیفا اِن ٹربل اور نامعلوم افراد جیسی کامیاب فلموں اور ڈراموں پر عوام کی بے پناہ محبت حاصل ہے، فی الحال اپنی نئی پروڈکشنز راجہ رانی اور میری تنہائی کے لیے بھی تعریفیں سمیٹ رہے ہیں۔ ان کا کہنا تھا کہ ایک اچھا فنکار اپنے کام سے خود کو منواتا ہے، نہ کہ نقادوں کے تبصروں سے۔
یہ انٹرویو ناظرین کے درمیان کافی مقبول ہوا ہے جن کا ماننا ہے کہ صنعت کو اس قسم کے تجربہ کار فنکاروں کی رہنمائی کی ضرورت ہے جو غیر معیاری تنقید کا مقابلہ کر سکیں۔ جاوید شیخ کے الفاظ نے نہ صرف نادیہ خان اور عمر عدیل کی تنقید کو بے بنیاد ثابت کیا ہے بلکہ ان تمام نام نہاد نقادوں کے لیے بھی واضح پیغام ہے جو فنکاروں کی محنت کو کم تر دکھانے کی کوشش کرتے ہیں۔
TagsShowbiz News Urdu.
ذریعہ: Al Qamar Online
کلیدی لفظ: جاوید شیخ نے نادیہ خان خان اور
پڑھیں:
درد اور دردکش داوئیں
ایک سروے کے مطابق پاکستان ایک ایسا ملک ہے جس میں سب سے زیادہ دوائیں بکتی ہیں اور ان میں سب سے زیادہ دوائیں وہ ہوتی ہیں جو دردکش یعنی پین کلر کہلاتی ہیں۔ وجہ تو ظاہر ہے لیکن اس ملک میں کبھی حکومت نام کی چیز آئی ہی نہیں ہے کیونکہ ’’پالیسیاں‘‘ حکومتیں بناتی ہیں جب کہ یہاں گینگز آتے ہیں اور اپنی اپنی گھٹڑیاں باندھ کر۔ اور مونہوں کو دسترخوان پر بٹھا کر چلے جاتے ہیں۔
اور ہمیں ’’مال غنیمت‘‘ ہونے سے شاید ہی کبھی نجات ملے لیکن ہمیں اس ’’درد‘‘ پر بات کرنا ہے جو پاکستانیوں کو لاحق ہے اور جس کے لیے یہ اتنی پین کلر کھائی جاتی ہیں حالانکہ درد کوئی مرض یا زحمت نہیں بلکہ خدا کی بہت بڑی ’’نعمت‘‘ ہے۔ یہ انسانی جسم میں خطرے کی گھنٹی یا ایک طرح فائر الارم ہوتا ہے، یہ انسان کو خبردار کرتا ہے کہ تمہارے جسم کے قلعے میں چور یا ڈاکو یا دشمن گھس آیا ہے، کچھ کرو، اس سے پہلے کہ وہ تمہیں نقصان پہنچائے۔
گویا مجرم وہ خبر دینے والا نہیں ہم ہیں یا پین کلر ہیں اور درد ہمارا دوست ہوتا ہے، یہ حقیقت اس کے نام سے ظاہر ہے ’’کلر‘‘ یعنی مارنے والا وہ بھی ہمارے چوکیدار کو۔ کہتے ہیں کوئی شخص شکار پر نکلا تھا، اس کے ساتھ اس کا پالا ہوا ایک پرندہ بھی تھا، ایک جگہ اسے پیاس لگی تو ایک رستے والے چشمے سے پانی پینے لگا لیکن جب بھی وہ چلو میں پانی اٹھاتا، پرندہ جھپٹا مار کر پانی گرا دیتا، کئی بار ایسا کرنے پر اسے غصہ آیا اور تیر مارکر اس پرندے کو مار ڈالا۔ اب یہ تو مشہور بات ہے کہ انسانی دماغ میں غصے اور عقل کی بیک وقت رہائش ممکن نہیں، غصہ آئے تو عقل چلی جاتی ہے اور غصہ چلا جاتا ہے تو عقل آجاتی ہے، اس کا بھی غصہ چلا گیا تو عقل آگئی، سوچنے لگا آخر یہ اتنا ہوشیار، تابعداد اور سدھایا ہوا پرندہ ایسا کیوں کر رہا تھا۔
وہ چشمے کے ساتھ ساتھ اوپر گیا تو وہاں ایک بہت ہی بڑا اور زہریلا سانپ چشمے میں مردہ پڑا تھا اور اس کے منہ سے زہر نکل کر پانی میں شامل ہو رہا تھا، ہم بھی’’درد‘‘کے پرندے کو بلا سوچے مار دیتے ہیں اور بھول جاتے ہیں کہ قدرت نے ہمارے جسم میں یہ ’’خیرخواہ‘‘ رکھا ہی اس لیے ہے کہ ہمیں خطرے سے خبردار کرے اور ہم خطرے کا تدارک کریں۔
یہ انسانی جسم دراصل ایک حکومت یا ریاست ہے جس پر دماغ کی حکمرانی ہے، یہ دماغ سے ایک سفید سی چیز نکل کر کمر کی شہتیر میں آخر تک گئی ہوتی ہے پھر اس سے کمر کے ہر جوڑ میں پتلے پتلے سفید اعصاب پورے جسم میں پھیلے ہوئے ہوتے ہیں، سر سے لے کر پیر کی انگلیوں، ناخونوں اور تمام خلیات میں یہ اعصابی جال بچھا ہوا ہوتا ہے، ہر ہر حرکت کا حکم بھی دماغ سے صادر ہوکر پہنچتا ہے۔
ایک انگلی بھی دماغ کی اجازت کے بغیر نہیں ہلتی اور جب جسم میں کوئی ٹوٹ پھوٹ، کوئی مرض، کوئی بے قاعدگی پیدا ہوتی ہے تو اس کی خبر بھی دماغ کو یہی اعصاب پہنچاتے ہیں اور دماغ درد کے ذریعے اس کا اظہار کرتا ہے۔ چنانچہ ہم دیکھتے ہیں کہ جب ہاتھ پیر یا کوئی عضو فالج زدہ ہوجاتا ہے تو وہاں مواصلات کا یہ سلسلہ بھی کٹ جاتا ہے اور اس عضو یا جگہ کوئی درد محسوس نہیں ہوتا۔
ڈاکٹر اس جگہ پر چوٹ لگاکر معلوم کرتے ہیں کہ اس عضو کا رابطہ دماغ سے قائم ہے اور اگر یہ رابطہ کٹ چکا ہو تو وہ جگر یا عضو بغیر کے سڑنے لگتا ہے، جزام اور گنگرین میں ایسا ہوتا ہے یا بے جان ہوجاتا ہے۔ چنانچہ جب جسم میں کسی مقام پر کوئی بیماری پیدا ہوتی ہے، اس مواصلاتی نظام کے ذریعے دماغ کو اطلاع دی جاتی ہے اور دماغ وہاں کی خبر درد کی شکل میں اظہار کردیتا ہے، ایسے مواقع پر اکثر لوگ کسی سے رجوع کرنے کے بجائے خود سے یا کسی سے پوچھ یا دوا فروش کے مشورے پر پین کلر دوا لیتے ہیں۔
جو آج کل حکومت کی مہربانی سے کریانے کی دکانوں اور کیبنوں، ریڑھیوں پر بھی دستیاب ہیں، گولیاں فوراً اثر کردیتی ہیں لیکن وہ درد کو ختم نہیں کرتی بلکہ دماغ اور درد کے درمیان سلسلہ مواصلات کو مفلوج کردیتی ہے، درد بدستور قائم ہوتا ہے لیکن دماغ تک اس کی اطلاع نہیں پہنچتی، یہی سلسلہ بخار کا بھی، بخار اور درد دونوں ہی خود مرض نہیں ہوتے بلکہ بیماری کے سائرن ہوتے ہیں۔
مرض جاری رہتا ہے بڑھتا رہتا ہے اور مریض پین کلر کھا کر خود کو اس سے بے خبر رکھتا ہے۔ اس کی ایک وجہ یہ بھی ہے کہ ہمارے اس دارالمسائل ملک میں علاج معالجہ اتنا مشکل اتنا ناقابل برداشت مہنگا کردیا گیا ہے اور یہ مسیحائی کا فن شریف اتنا زیادہ کمرشلائز کردیا گیا ہے کہ لوگ ڈاکٹر کے پاس جانے سے گھبراتے ہیں، کھاتے پیتے اور فارغ البال لوگ تو اس یفت خوان کو سر کرلیتے ہیں لیکن جسے کھانے کو میسر نہیں وہ پرائیوٹ ’’ماہرین‘‘ کے پاس جانے کے بجائے موت کو ترجیح دے دیتے ہیں کہ کم از کم لواحقین تو اس تباہی سے بچ جائیں جو بیماریاں پالنے پوسنے والے ڈاکٹروں کے ہاتھوں ہونے ہوتی ہیں ان کی فیسوں، ٹیسٹوں، لیبارٹریوں اور ایکسرے۔
اور اس کے بعد ایک بھاری بھر کم پریسکرپشن کی شکل میں ہوتی ہے، ہم نے مزاحیہ طور پر کسی کالم میں یہ چٹکلہ لکھا تھا کہ ڈاکٹروں اور دواساز اداروں نے آپس میں ایکا کرلیا ہے کہ اب کسی مریض کو ہم مرض سے مرنے نہیں دیں گے، علاج اور دواؤں سے ماریں گے۔ یہاں پر آپ کے ذہن میں سرکاری اسپتال اور صحت کارڈ وغیرہ بھی آسکتے ہیں لیکن یہاں ان کو روک کر روزانہ آنے والی ان خبروں پر دھیان دیجیے جن میں جعلی دواؤں اور کرپشن کی اطلاعات ہوتی ہیں جو سرکاری اسپتالوں کو سپلائی کی جاتی ہیں۔
یہاں ایک اور راز کی بات بھی آپ کو بتائیں کہ جعلی کمپنیوں اور نقلی دوائیوں کو تو ایک طرف کر دیجیے خود بڑی بڑی نامور اور مشہور مستند کمپنیاں بھی اپنی ہی دوائیوں کی دونمبر دوائیاں تیار کرتی ہیں جو زیادہ تر سرکاری اسپتالوں اور سیمپلز کی صورت میں پھیلائی جاتی یا بڑے ڈیلروں کو ان کا پتہ ہوتا ہے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی