ضلع جیکب آباد پولیس کی کارروائی،2 مغوی بحفاظت بازیاب
اشاعت کی تاریخ: 1st, July 2025 GMT
data-id="863a0a8" data-element_type="widget" data-widget_type="theme-post-content.default">
قنبرعلی خان(نمائندہ جسارت) ایس ایس پی ضلع جیکب آباد محمد کلیم ملک کی سربراہی میں ضلع جیکب آباد پولیس کی شاندار کارکردگی شکارپور کے پولیس تھانہ جھان واہ کی حدود میں آپریشن کلین اپ کرتے ہوئے گزشتہ روز اغوا ہونے والے دو مغوی نوجوانوں کو ڈاکوؤں کے چنگل سے بحفاظت بازیاب کرالیا ہے۔ شہریوں میں خوشی کی لہر۔ تفصیلات کے مطابق گزشتہ روز محمد پور سے واپس لوٹنے والی ایمبولینس گاڑی کے ڈرائیور انور علی کلہوڑو اور پی پی ایچ آئی اہلکار علی نواز سہاگ کو مسلح ڈاکوؤں کے ایک گروہ نے ضلع شکارپور اور جیکب آباد کے سرحدی علاقے کی ناکہ بندی کرکے دونوں افراد کو راستے میں ایمبولینس گاڑی سمیت اغوا کرلیا تھا۔ جس کے 24 گھنٹوں کے بعد ایس ایس پی ضلع جیکب آباد محمد کلیم ملک کی سربراہی میں ایس ایچ او دوداپور علی اکبر ملک اور ایس ایچ او مولاداد اشتیاق پٹھان سمیت دیگر پولیس افسران واہلکاران کی ٹیم نے مغویوں کی بازیابی کیلئے ضلع شکارپور کی حدود میں مختلف مقامات پر جیو فینسنگ اور انٹیلی جنس بیسڈ آپریشن کیا اور ایس ایس پی محمد کلیم ملک کو معلوم ہوا کہ مسلح ڈاکو دونوں مغویوں کو ایک جگہ سے دوسری جگہ منتقل کررہے ہیں اس اطلاع پر پولیس نے شکارپور کے جھان واہ پولیس تھانہ کی حدود میں پٹھان واہ کے قریب کئی گھنٹوں سے ایک کامیاب آپریشن اور مبینہ پولیس مقابلے کے بعد دونوں مغویوں ایمبولینس ڈرائیور انور علی کلہوڑو اور پی پی ایچ آئی اٹینڈنٹ علی نواز سہاگ کو ریکور کرکے ان کو ڈاکوؤں سے چنگل سے بحفاظت بازیاب کرالیا ہے جبکہ پولیس کی جانب سے مغویوں کی بازیابی کیلئے کئے جانے والے آپریشن اور فائرنگ کے تبادلے کے دوران مسلح ڈاکو اندھیرے کا فائدہ اٹھاتے ہوئے فرار ہونے میں کامیاب ہوگئے۔ جبکہ اس حوالے سے خوش آئند بات یہ ہے کہ مغویوں کے ساتھ اغوا کی گئی ایمبولینس گاڑی بھی پولیس نے برآمد کرلی ہے، دونوں مغویوں کو چوبیس گھنٹوں کے اندر صحیح سلامت بازیاب کرانے پر ان کے اہل خانہ اور دیگر شہریوں نے عوام کی جان ومال کی حفاظت کیلئے ہمہ وقت سرگرم رہنے والے ایس ایس پی ضلع جیکب آباد محمد کلیم ملک اور ان کی پولیس کو زبردست خراج تحسین پیش کرتے ہوئے ان کو ہار پہناکر ان کی بہترین کارکردگی کو سراہاجبکہ دوسری جانب ایس ایس پی جیکب آباد محمد کلیم ملک نے ڈاکوؤں کے خلاف آپریشن میں حصہ لیکر مغویوں کو بحفاظت بازیاب کرانے والے تمام ایس ایچ اوز سمیت دیگر پولیس ٹیم کو شاباشی دیکر نقد انعامات واعزازات سے نوازا ہے۔اس حوالے سے ایس ایس پی محمد کلیم ملک کا کہنا تھا کہ عوام کی جان ومال کی حفاظت میری اولین ترجیحات میں شامل ہے جس میں کوئی کسر نہیں چھوڑی جائے گی۔
.ذریعہ: Jasarat News
کلیدی لفظ: ضلع جیکب ا باد بحفاظت بازیاب ایس ایس پی ڈاکوو ں
پڑھیں:
ایف آئی اے انسداد انسانی سمگلنگ سرکل کی کارروائی،متعدد ملزمان گرفتار
ایف آئی اے انسداد انسانی سمگلنگ سرکل لاہور نے شیخوپورہ اور سیالکوٹ سے ملزمان کو گرفتار کرلیا ہے۔ تفصیلات کے مطابق انسانی اسمگلنگ اور ویزا فراڈ میں ملوث 2 انتہائی مطلوب اشتہاری گرفتار کیے گئے ہیں۔ گرفتار ملزمان میں شاہد عمر اور شیخ محمد خرم شامل ہیں۔ ملزمان نے شہریوں کو آسٹریلیا اور سعودی عرب ملازمت کا جھانسہ دے کر مجموعی طور پر 22 لاکھ 20 روپے ہتھیائے۔ ملزمان شہریوں کو بیرون ملک بھجوانے میں ناکام رہے اور روپوش ہو گئے تھے۔ ملزم شیخ محمد خرم 2 مقدمات میں ایف آئی اے لاہور زون کو مطلوب تھا۔ ترجمان ایف آئی اے نے بتایا کہ ملزمان کو گرفتار کر کے تفتیش کا آغاز کر دیا گیا ہے.
کراچی میں جاری ترقیاتی منصوبے پائیدار ترقی کیلئے اہم ہوں گے، شرجیل میمن