پاکستان اور بھارت کے درمیان قیدیوں کی فہرستوں کا تبادلہ
اشاعت کی تاریخ: 1st, July 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: پاکستان اور بھارت نے ایک دوسرے کی تحویل میں موجود قیدیوں کی فہرستوں کا تبادلہ کیا ہے۔
پاکستان اور بھارت کے درمیان دو طرفہ قونصلر معاہدے کے تحت قیدیوں کی سالانہ فہرستوں کا تبادلہ عمل میں آیا، جس کے تحت دونوں ملکوں نے ایک دوسرے کی جیلوں میں موجود قیدیوں کی تفصیلات فراہم کیں۔
دفتر خارجہ کے ترجمان کے مطابق یہ تبادلہ 2008 میں طے پانے والے قونصلر رسائی معاہدے کے تحت کیا گیا، جس کے تحت پاکستان اور بھارت ہر سال دو مرتبہ، یکم جنوری اور یکم جولائی کو قیدیوں کی فہرستیں ایک دوسرے کو فراہم کرنے کے پابند ہیں۔
اس سلسلے میں پاکستان نے اسلام آباد میں بھارتی ہائی کمیشن کو 246 قیدیوں کی فہرست فراہم کی، جن میں 53 عام شہری اور 193 ماہی گیر شامل ہیں، جو یا تو بھارتی شہری ہیں یا بھارتی شہری تصور کیے جا رہے ہیں۔
دوسری جانب بھارت نے نئی دہلی میں پاکستانی ہائی کمیشن کے نمائندے کو 463 پاکستانی قیدیوں کی فہرست دی، جن میں 382 عام شہری اور 81 ماہی گیر شامل ہیں۔
پاکستان نے بھارت سے مطالبہ کیا ہے کہ ان تمام پاکستانی قیدیوں کو فی الفور رہا کیا جائے جن کی سزائیں مکمل ہو چکی ہیں اور جن کی شہریت کی باقاعدہ تصدیق کی جا چکی ہے۔
دفتر خارجہ نے ان قیدیوں کے لیے خصوصی قونصلر رسائی کی بھی درخواست کی ہے جو ذہنی یا جسمانی طور پر معذوری کا شکار ہیں، تاکہ ان کی شہریت کی جلد تصدیق ممکن بنائی جا سکے۔
ترجمان نے زور دیا کہ بھارتی حکام جیلوں میں قید پاکستانی قیدیوں کی صحت، سلامتی اور بنیادی انسانی حقوق کا خیال رکھیں، اور انہیں ہر ممکن قانونی و قونصلر سہولیات فراہم کی جائیں۔
حکومت پاکستان نے واضح کیا ہے کہ انسانی بنیادوں پر قیدیوں کے معاملے کو نہ صرف ترجیحی بنیادوں پر دیکھا جا رہا ہے بلکہ پاکستانی شہریوں کی واپسی کے لیے سفارتی سطح پر کوششیں جاری رہیں گی تاکہ جلد از جلد ان کی وطن واپسی ممکن بنائی جا سکے۔
.
ذریعہ
ذریعہ: Jasarat News
کلیدی لفظ: پاکستان اور بھارت قیدیوں کی کے تحت
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ