نبی کریم ﷺ کی شان میں گستاخی ناقابل برداشت ہے، قانونی کارروائی ہوگی، ترک صدر
اشاعت کی تاریخ: 2nd, July 2025 GMT
data-id="863a0a8" data-element_type="widget" data-widget_type="theme-post-content.default">
انقرہ: ترکی کے صدر رجب طیب ایردوان نے گستاخانہ خاکے پر شدید ردعمل دیتے ہوئے کہا ہے کہ نبی کریم ﷺ اور دیگر انبیاء کی شان میں بے ادبی کرنے والوں کو قانون کے کٹہرے میں لایا جائے گا،ہم اس معاملے کو ہر سطح پر دیکھیں کریں گے۔
میڈیا رپورٹس کےمطابق ترکی کے ایک طنزیہ جریدے “لیمان” (Leman) نے اپنی 26 جون کی اشاعت میں گستاخانہ کارٹون شائع کیا، کارٹون میں حالیہ ایران اسرائیل تنازعے کا حوالہ دیتے ہوئے ایک تباہ شدہ شہر کے پس منظر میں حضرت محمد ﷺ اور حضرت موسیٰ علیہ السلام کو ہاتھ ملاتے ہوئے دکھایا گیا، جسے ترکی کی عوام اور قیادت نے سخت توہین قرار دیا۔
ترک صدر نے کہاکہ یہ شائستگی کے پردے میں چھپی ہوئی کھلی اور گھٹیا اشتعال انگیزی ہے، یہ جاہلانہ عمل ایک واضح اور ناپاک اشتعال انگیزی ہے، جو مزاح کے نام پر کی گئی، ایسے بدکردار لوگ جو نہ اس قوم کی اقدار سے واقف ہیں، نہ شرافت اور تمیز سے، ہمارے لیے قابل قبول نہیں۔
انہوں نے مزید کہا کہ ملک کے سیکیورٹی اور عدالتی ادارے فوری طور پر حرکت میں آ چکے ہیں اور جریدے کے خلاف قانونی کارروائی کا آغاز کر دیا گیا ہے، جریدے کی مذکورہ اشاعت کو ضبط (confiscate) کر کے توہینِ مذہب کے قانون کے تحت کاروائی جاری ہے۔
صدر ایردوان نے کہا کہ میں نوجوانوں سے کہتا ہوں کہ وہ اپنے جذبات کو قابو میں رکھیں اور عقل و حکمت سے کام لیں، ہم جب تک برسراقتدار ہیں، کسی کو بھی ہماری مقدس اقدار کی توہین کرنے کی اجازت نہیں دیں گے۔
خیال رہےکہ کارٹون کی اشاعت کے بعد استنبول میں لیمان جریدے کے دفتر کے باہر بڑے پیمانے پر احتجاجی مظاہرے شروع ہو گئے، سوشل میڈیا پر وائرل ویڈیوز میں مظاہرین کو جریدے کے دفتر کے باہر نعرے بازی کرتے اور کچھ افراد کو اندر گھسنے کی کوشش کرتے ہوئے دیکھا جا سکتا ہے۔
.ذریعہ: Jasarat News
پڑھیں:
کراچی ایئرپورٹ پر کارروائی، کروڑوں مالیت کے لیپ ٹاپس سمیت الیکٹرونک سامان ضبط، ملزمان گرفتار
کراچی:فیڈرل بورڈ آف ریونیو(ایف بی آر)نے کہا ہے کہ کراچی ائیرپورٹ پر کسٹمز نے بغیر ڈیوٹی ادا کیے 10 کروڑ 30 لاکھ روپے مالیت کے لیپ ٹاپس، آئی پیڈز، آئی فونز، میک بکس، پلے اسٹیشنز اور میموری کارڈز ضبط کر لیے اور اس عمل میں ملوث کمپنی کے ملازمین کو گرفتار کر لیا ہے۔
ایف بی آر کے اعلامیے کے مطابق کلکٹوریٹ آف کسٹمز ائیرپورٹ کراچی نے فوری طور پر دو ایف آئی آرز درج کروا کر اس جرم میں ملوث کمپنی کے ملازمین کو گرفتار کر لیا ہے۔
اعلامیے میں کہا گیا ہے کہ یہ الیکٹرونک سامان کو گڈز ڈیکلریشن جمع کرائے بغیر غیر قانونی طور پر کسٹمز ڈیوٹی اور ٹیکس ادا کیے بغیر باہر نکالی جا رہی تھیں، اس فراڈ میں ایک غیر ملکی گراؤنڈ ہینڈلنگ کمپنی کے ملازمین اور بدعنوان درآمد کنندگان ملوث پائے گئے ہیں۔
کارروائی کے حوالے سے بتایا کہ جعلی طریقہ کار سے مجموعی طور پر 5 کھیپیں غیر قانونی طور پر باہر نکالی گئیں، ان کھیپوں کو کسٹمز کے وی باک سسٹم سے چھپایا گیا اور جی ڈی دائر نہ کرکے جعلی گیٹ پاسز کے ذریعے کلیئرنس ممکن بنائی گئی۔
ایف بی آر نے بتایا کہ پانچوں کھیپوں کی غیر قانونی کلیئرنس پر کسٹمز ڈیوٹی اور ٹیکس چوری کا مجموعی تخمینہ شدہ مالیت 38 کروڑ 40 لاکھ روپے ہے، کمپنی ملازمین نے قیمتی الیکٹرونکس اشیا غیر قانونی طور پر باہر نکالنے کے لیے اپنے کمپیوٹرائزڈ آئی کارگو سسٹم کو استعمال کیا۔
حکام نے بتایا کہ صرف ایک کنسائنمنٹ سے 258 آئی فون 16، 101 لیپ ٹاپس، 246 ٹیبلیٹس، 102 آئی پیڈز، 46 پلے اسٹیشنز اور 20 ہزار میموری کارڈ برآمد کیے گئے۔
کسٹمز حکام کے مطابق گیٹ پاس جاری کرنے والی خاتون زیرحراست ہیں، خاتون کے مطابق انہیں اوپر سے ہدایات مل رہی تھیں جبکہ نجی کارگو ٹرمینل کا ایک ماہ سے زائد سی سی ٹی وی ریکارڈ دینے میں ہچکچاہٹ سے کام لے رہا ہے۔
حکام نے کہا کہ مزید ایف آئی آرز اور گرفتاریاں بھی متوقع ہیں۔
چئیرمین ایف بی آر راشد لنگڑیال نے کہا ہے کہ اپنی ذمہ داریاں پوری کرنے میں ناکام رہنے والے کسٹمز اہلکار کسی رعایت کے مستحق نہیں ہوں گے۔
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری