بدعنوانی کی کوریج پر کوٹری اسپتال کے ایم ایس نے صحافی پر جھوٹا مقدمہ درج کرادیا
اشاعت کی تاریخ: 2nd, July 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد (اسٹاف رپورٹر)پاکستان فیڈرل یونین آف جرنلسٹس (ورکرز) کے سینئر نائب صدر ناصر شیخ، حیدرآباد یونین آف جرنلسٹس (ورکرز) کے صدر امجد اسلام، جنرل سیکریٹری عاشق ساند، سینئر نائب صدر عمران ملک، نائب صدر ساجد آرائیں، جوائنٹ سیکریٹری رانا حمبل، خازن آفتاب رند، انفارمیشن سیکریٹری غلام قادر توصیفی، اراکین گورننگ باڈی جاوید چنہ، عرفان آرائیں، آصف شیخ، یامین قریشی، مبین مگسی نے ضلع جامشورو میں نیو نیوز کے نمائندے مقدر علی بلوچ کی جانب سے تعلقہ ہسپتال کوٹری میں عوامی سہولیات کی عدم فراہمی اور مبینہ بدعنوانی کی کوریج پر ہسپتال کے میڈیکل سپرنٹنڈنٹ برکت لغاری کی طرف سے جھوٹا مقدمہ درج کرائے جانے اور مقدر بلوچ کی گرفتاری کی شدید مذمت کرتے ہوئے وزیر اعلیٰ سندھ مراد علی شاہ، وزیر اطلاعات شرجیل انعام میمن، وزیر صحت، سیکریٹری صحت اور ڈی جی ہیلتھ حیدرآباد سے مطالبہ کیاہیکہ تعلقہ ہسپتال کوٹری کے میڈیکل سپرنٹنڈنٹ برکت لغاری کو فوری طورپر برطرف کرکے اس کیخلاف کارروائی کی جائے، جامشورو پولیس نے مقدر بلوچ کا ریمانڈ کیلئے عدالت میں پیش کیا تو جج نے پولیس کی سرزنش کرتے ہوئے مقدر بلوچ کو ذاتی مچلکے پر رہا کردیا جس کے بعد مذکورہ ایم ایس اب اس مقدمے کو انسدادِ دہشت گردی کی عدالت میں چالان کرنے کیلئے پولیس پر دباو ڈال رہا ہے۔
.
ذریعہ
ذریعہ: Jasarat News
پڑھیں:
پاکستان مشرق وسطیٰ میں امن و استحکام کیلئے فعال سفارتی کردار جاری رکھے ہوئے ہے، اسحاق ڈار
نائب وزیر اعظم اور وزیرخارجہ اسحاق ڈار نے کہا ہے کہ پاکستان آسیان ریجنل فورم کے ذریعے علاقائی امن، استحکام اور تعاون کے لیے پرعزم ہے اور مشرق وسطیٰ میں امن کے لیے فعال سفارتی کردار جاری رکھا ہوا ہے۔
فلپائن کے دارالحکومت منیلا میں آسیان ریجنل فورم کے وزارتی اجلاس سے خطاب میں نائب وزیراعظم اسحاق ڈار نے کہا کہ پاکستان نے مشرق وسطیٰ میں امن و استحکام کے لیے فعال سفارتی کردار جاری رکھے ہو ئے ہے۔
انہوں نے زور دیا کہ تمام فریق تحمل کا مظاہرہ کریں اور سفارت کاری کے ذریعے مسائل حل کریں۔
نائب وزیراعظم اسحاق ڈار نے کہا کہ جموں و کشمیرکے تنازع کا حل ہی جنوبی ایشیا میں پائیدار امن کی بنیاد ہے، بھارت کا سندھ طاس معاہدہ معطل کرنا تشویش ناک اور اشتعال انگیز اقدام ہے۔
اسحاق ڈار نے فلسطینی عوام کے حق خودارادیت کے لیے غیرمتزلزل حمایت کا اعادہ کیا اور کہا کہ افغان سرزمین سے دہشت گردی پاکستان کے لیے سنگین خطرہ ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا