ایران کا ساتھ نہ دینا منافقت اور جرم ہے، فلسینی عالم دین
اشاعت کی تاریخ: 2nd, July 2025 GMT
ورچوئل اجلاس سے خطاب میں فلسطینی عالم دین نے کہا کہ ایران نے انقلاب اسلامی کی کامیابی کے زمانے سے فلسطین کی مدد اور حمایت کی ہے اور آج بھی غزہ میں جاری قیام اور استقامت اسلامی جمہوریہ ایران کے مرہون منت ہے۔ اسلام ٹائمز۔ فلسطینی علماء کی مرکزی کونسل کے رکن شیخ محمد قدورہ نے امت واحدہ عزت اسلامی محاذ کے دوسرے ورچوئل اجلاس سے خطاب میں کہا ہے کہ ان دنوں جب شیطان بزرگ امریکہ اور نسل پرست صیہونی حکومت نے اسلامی جمہوریہ ایران پر وحشیانہ حملہ کیا ہے لیکن کچھ لوگ ہیں جو ان حالات میں غیرجانبداری کا مظاہرہ کر رہے ہیں اور کچھ تو ایسے ہیں جو خفیہ طور پر صیہونی حکومت کے ساتھ تعاون کر رہے ہیں حالانکہ ایسا نہیں ہونا چاہیے کیونکہ سب سے پہلے ملت اسلامیہ ایک امت واحدہ ہے اور ہمارے اتحاد میں اللہ تعالیٰ نے قیامت تک خیر و برکت رکھی ہے۔
شیخ محمد قدورہ نے کہا ہے کہ ان مشکل حالات میں تمام علما اور دانشوروں کو اسلامی جمہوریہ کا ساتھ دینا چاہیے، ہر طرح کا تعاون کرنا چاہیے، کیونکہ ہمارا دشمن یعنی صیہونی حکومت کی مثال ایک خطرناک کینسر جیسی ہے جو نہ صرف ایران کے وسائل کو تباہ کرنا چاہتے ہیں بلکہ دین اسلام کا خاتمہ اور تباہی کے درپے ہیں۔ انہوں نے کہا کہ اس وقت جو کوئی بھی اسلامی جمہوریہ ایران کا ساتھ نہیں دے رہا وہ نہ صرف منافق ہے بلکہ دشمن کیساتھ اس جرم میں برابر کا شریک ہے۔
ان کا کہنا تھا کہ ہمارے لیے یہ ایک واجب ہے کہ ہم اسلامی جمہوریہ ایران کی حمایت اور دفاع کریں، یہ روز روشن کی طرح واضح ہے۔ انہوں نے کہا کہ ایران نے ہمیشہ امت مسلمہ کے مفاد کو مدنظر رکھا ہے، انقلاب اسلامی کی کامیابی کے زمانے سے فلسطین کی مدد اور حمایت کی ہے، فلسطین کے مظلوم کا مددگار رہا ہے اور آج بھی غزہ میں جاری قیام اور استقامت اسلامی جمہوریہ ایران کے مرہون منت ہے۔
ذریعہ
ذریعہ: Islam Times
کلیدی لفظ: اسلامی جمہوریہ ایران نے کہا
پڑھیں:
کراچی، رینجرز اور ایس آئی یولیس کے ساتھ مقابلے میں 3 بھتہ خور ہلاک، ایک زخمی گرفتار
کراچی:ملیر 15 کے علاقے میں سندھ رینجرز اور اسپیشل انویسٹی گیشن یونٹ (ایس آئی یو) پولیس کے مشترکہ آپریشن کے دوران مبینہ مقابلے میں تین ملزمان ہلاک جبکہ ایک زخمی حالت میں گرفتار کر لیا گیا۔
چھیپا حکام کے مطابق قانون نافذ کرنے والے اداروں اور مبینہ بھتہ خوروں کے درمیان فائرنگ کا تبادلہ تقریباً آدھے گھنٹے تک جاری رہا جس کے بعد تین ملزمان مارے گئے جبکہ ایک زخمی حالت میں گرفتار ہوا۔
فائرنگ ختم ہونے کے بعد ہلاک اور زخمی ملزمان کو ریسکیو کی ایمبولینسوں کے ذریعے جناح اسپتال منتقل کیا گیا۔
حکام کے مطابق ہلاک ہونے والے ملزمان کی شناخت شاہ رخ، راحب اور علی حمزہ کے ناموں سے ہوئی ہے جبکہ زخمی حالت میں گرفتار ملزم کی شناخت محمد وسیم کے نام سے کی گئی ہے۔
ابتدائی معلومات کے مطابق ہلاک اور گرفتار ملزمان بھتہ خوری سمیت دیگر سنگین جرائم میں ملوث تھے۔ قانون نافذ کرنے والے ادارے واقعے کی مزید تفتیش کر رہے ہیں اور ملزمان کے ممکنہ ساتھیوں کی تلاش بھی جاری ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی