صوبائی وزیر فیصل ایوب کھوکھرکا دورہ ملتان ، محرم الحرام کے حوالے سے سکیورٹی و دیگر انتظامات کا جائزہ لیا
اشاعت کی تاریخ: 2nd, July 2025 GMT
ملتان (اُردو پوائنٹ اخبارتازہ ترین - اے پی پی۔ 02 جولائی2025ء) وزیر اعلیٰ پنجاب مریم نواز شریف کی خصوصی ہدایات پر صوبائی وزیر لیبر و سپورٹس فیصل ایوب کھوکھر نے ملتان کا دورہ کیا ۔ انہوں نے محرم الحرام کے سلسلے میں انتظامات کا تفصیلی جائزہ لیا۔ اس موقع پر کمشنر آفس میں اعلیٰ سطحی اجلاس کی صدارت کرتے ہوئے صوبائی وزیر نے سکیورٹی و سہولیات کے حوالے سے انتظامیہ کی جانب سے اقدامات پر بریفنگ لی۔
اجلاس میں کمشنر عامر کریم خاں، آر پی او کیپٹن (ر) سہیل چوہدری، ڈپٹی کمشنر وسیم حامد سندھو، سی پی او صادق علی ڈوگر، اراکین اسمبلی سلمان نعیم، واصف مظہر راں، ملک لعل محمد جوئیہ، کامران عبداللہ مڑل سمیت ڈویژن کے تمام ڈپٹی کمشنرز اور ڈی پی اوز شریک تھے۔ اجلاس میں محرم الحرام کے دوران جلوسوں و مجالس کے روٹس پر سکیورٹی، صفائی، سایہ، نکاسی آب، موبائل واش رومز، کلینک آن وہیلز اور سبیلوں سمیت دیگر سہولیات پر تفصیلی بات چیت کی گئی۔(جاری ہے)
فیصل ایوب کھوکھر نے ہدایت کی کہ جلوسوں کے راستوں کی مکمل انسپکشن، سکریننگ اور جیوٹیگنگ کی جائے اور کنٹرول روم کے ذریعے ہر لمحہ کی مانیٹرنگ یقینی بنائی جائے۔کمشنر عامر کریم خاں نے بریفنگ میں بتایا کہ ڈویژن بھر میں 3182 مجالس اور 909 جلوس نکالے جائیں گے، جن کے لیے 7 ہزار سے زائد پولیس اہلکار اور 3 ہزار سے زائد رضاکار تعینات کیے گئے ہیں۔ سکیورٹی کے ضمن میں 63 علما و ذاکرین کی ضلع بندی اور 83 کی زبان بندی کے احکامات بھی جاری کیے جاچکے ہیں۔ انہوں نے بتایا کہ تمام جلوسوں کی مانیٹرنگ کے لیے 180 سے زائد کیمرے نصب کیے گئے ہیں۔ صوبائی وزیر فیصل ایوب کھوکھر نے ڈی سی ملتان آفس میں قائم مرکزی کنٹرول روم کا دورہ کیا، جلوسوں کی آن لائن کیمروں سے مانیٹرنگ کی۔ صوبائی وزیر فیصل ایوب کھوکھر نے امام بارگاہ شاہ شمس کا دورہ بھی کیا، جہاں انہوں نے سکیورٹی انتظامات کا جائزہ لیا اور لائسنس داران ، منتظمین سے ملاقات کے دوران ان کے مسائل دریافت کیے۔ انہوں نے کہا کہ حکومت پنجاب جذبہ خدمت کے تحت عزاداروں کو تمام ممکنہ سہولیات فراہم کر رہی ہے اور اس مقصد کے لیے انتظامیہ خود ان کی دہلیز پر جا رہی ہے۔ انہوں نے ہدایت کی کہ بارش کی صورت میں فوری نکاسی آب اور ہنگامی صورتحال سے نمٹنے کے لیے مشینری ہر وقت تیار رکھی جائے۔ آر پی او کیپٹن (ر) سہیل چوہدری نے بتایا کہ محرم کے موقع پر سوشل میڈیا پر مذہبی منافرت پھیلانے والے مواد کے خلاف بھی سخت کارروائی کی جا رہی ہے۔ صوبائی وزیر فیصل ایوب کھوکھر نے اس موقع پر کہا کہ وزیر اعلیٰ پنجاب کی ہدایت پر ضلعی انتظامیہ کو مکمل اختیارات تفویض کر دیے گئے ہیں تاکہ امن و امان ہر حال میں برقرار رکھا جا سکے۔.ذریعہ: UrduPoint
کلیدی لفظ: تلاش کیجئے انہوں نے کا دورہ کے لیے
پڑھیں:
آزاد کشمیر کے نئے وزیراعظم فیصل راٹھور نے منصب کا حلف اٹھا لیا
data-id="863a0a8" data-element_type="widget" data-widget_type="theme-post-content.default">
مظفرآباد: آزاد جموں و کشمیر کے نومنتخب وزیراعظم راجا فیصل ممتاز راٹھور نے اپنے عہدے کا باقاعدہ حلف اٹھا لیا۔
اسپیکر آزاد کشمیر اسمبلی چودھری لطیف اکبر نے حلف لیا، جس کے بعد انہوں نے ایوان کی جانب سے نئے وزیرِاعظم کو منصب سنبھالنے پر مبارکباد پیش کی۔
تقریب میں سیاسی اور انتظامی قیادت کی اہم شخصیات شریک ہوئیں، جن میں گورنر گلگت بلتستان مہدی شاہ، گورنر خیبرپختونخوا فیصل کریم کنڈی، چیئرمین پیپلز پارٹی بلاول بھٹو زرداری، فریال تالپور، ارکان اسمبلی، اعلیٰ سول حکام اور عسکری نمائندے شامل تھے۔
حلف اٹھانے کے بعد اپنی پہلی گفتگو میں فیصل ممتاز راٹھور نے اس ذمہ داری کو اپنے لیے اعزاز قرار دیتے ہوئے آصف علی زرداری، فریال تالپور اور بلاول بھٹو زرداری کا خصوصی شکریہ ادا کیا کہ انہوں نے اعتماد کا اظہار کرتے ہوئے انہیں یہ منصب سونپا۔
انہوں نے اس عزم کا بھی اظہار کیا کہ وہ عوامی مسائل کے حل، سیاسی استحکام اور خطے کی ترقی کے لیے تمام دستیاب وسائل بروئے کار لائیں گے۔
نومنتخب وزیراعظم نے پاک فوج کی خدمات کو بھی خراجِ تحسین پیش کیا اور کہا کہ مادرِ وطن کے دفاع کے لیے جانوں کے نذرانے پیش کرنے والے سپاہیوں کی قربانیاں ہمیشہ قوم کے دلوں میں زندہ رہیں گی۔ انہوں نے واضح کیا کہ پیپلز پارٹی نے عوام کے ساتھ دوبارہ مضبوط رشتہ قائم کرنے کی ذمہ داری سنبھالی ہے اور اب ان کی حکومت اس سمت میں عملی اقدامات کو ترجیح دے گی۔
کراچی میں جاری ترقیاتی منصوبے پائیدار ترقی کیلئے اہم ہوں گے، شرجیل میمن