گلگت بلتستان کے نگران وزیر اعلیٰ کے حوالے سے اہم خبر سامنے آ گئی
اشاعت کی تاریخ: 18th, November 2025 GMT
ذرائع نے دعویٰ کیا ہے کہ راجہ نظیم الامین کی تقرری فائنل ہو چکی ہے، اگلے چوبیس گھنٹوں کے دوران باقاعدہ اعلان متوقع ہے۔ اسلام ٹائمز۔ ہنزہ سے تعلق رکھنے والے معروف کاروباری شخصیت راجہ نظیم الامین گلگت بلتستان کے نگران وزیر اعلیٰ ہوں گے۔ ذرائع نے دعویٰ کیا ہے کہ راجہ نظیم الامین کی تقرری فائنل ہو چکی ہے، اگلے چوبیس گھنٹوں کے دوران باقاعدہ اعلان متوقع ہے۔ گلگت بلتستان کے نگران وزیر اعلیٰ کیلئے کئی امیدوار میدان میں تھے۔ بلتستان سے تعلق رکھنے والے سابق نگران وزیر وقار عباس منڈوق، سابق نگران وزیر جوہر علی راکی، اسلامی تحریک کے محمد علی قائد، لندن میں مقیم نون لیگی رہنما ڈاکٹر شیر بہادر انجم، بریگیڈئر (ر) بشارت کے درمیان سخت مقابلہ جاری ہے۔ حکومت اور اپوزیشن کے درمیان مذاکرات کے کئی دور اسلام آباد میں ہوئے ہیں۔ ذائع کے مطابق گزشتہ روز تین حکومت اور اپوزیشن میں تین ناموں پر اتفاق سامنے آیا تھا جن میں جوہر علی راکی، راجہ نظیم الامین اور وقار عباس منڈوق شامل تھے۔ یاد رہے کہ سابق وزیر اعلیٰ حفیظ الرحمن کے دور میں راجہ نظیم الامین اہم سرکاری امور میں شامل رہے۔ حفیظ الرحمن کے کئی غیر ملکی دوروں میں راجہ نظیم الامین ساتھ دیکھے گئے۔ راجہ نظیم نون لیگ کے قریب سمجھے جاتے ہیں اور سابق وزیر اعلیٰ حفیظ الرحمن کے ساتھ ان کے قریبی تعلقات ہیں۔
.
ذریعہ
ذریعہ: Islam Times
کلیدی لفظ: راجہ نظیم الامین وزیر اعلی
پڑھیں:
نواز شریف این او سی لے کر گلگت بلتستان گئے، راناثنا
وزیر اعظم کے مشیر برائے سیاسی امور رانا ثنا اللّٰہ نے کہا ہے کہ نواز شریف گلگت بلتستان کے الیکشن کمیشن سے این او سی لیکر وہاں گئے تھے، کوئی حکومتی وزیر گلگت بلتستان نہیں گیا نہ کسی نے وہاں مہم چلائی۔
پروگرام آج شاہ زیب خانزادہ کے ساتھ میں بات کرتے ہوئے رانا ثنا اللّٰہ نے کہا کہ پی ٹی آئی کے چیئرمین گوہر خان گلگت بلتستان میں جلسے کر رہے ہیں، میٹنگز کر رہے ہیں انہیں تو کوئی نہیں روک رہا۔
رانا ثنا نے کہا کہ اگر بیرسٹر گوہر خان اجازت لیکر جا سکتے ہیں تو سلمان اکرام راجا کو بھی ایسا ہی کرنا چاہیے۔
انہوں نے مزید کہا کہ گلگت بلتستان میں پی ٹی آئی کا کوئی اُمیدوار مقابلے میں ہے ہی نہیں، وہاں صاف، شفاف اور کریڈیبل انتخابات ہونگے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ