بارشوں میں غائب، پارٹی معاملات میں مداخلت، سعید غنی پر سنگین الزامات
اشاعت کی تاریخ: 2nd, July 2025 GMT
کارکنان کا الزام ہے کہ سعید غنی نے ضلعی صدر کی جانب سے بھیجے گئے ناموں کو مسترد کر کے اپنے قریبی اور من پسند افراد کو تنظیم میں شامل کیا، جس سے نہ صرف کارکنان میں مایوسی پھیلی بلکہ کئی مقامات پر احتجاجی مظاہرے بھی کیے گئے۔ اسلام ٹائمز۔ وزیر بلدیات سندھ و صدر پیپلز پارٹی کراچی، سعید غنی ایک بار پھر شدید تنقید کی زد میں آگئے۔ حالیہ بارشوں کے دوران جب پورا سندھ مشکلات کا شکار رہا، سعید غنی نہ صرف منظر سے غائب رہے بلکہ کراچی میں پارٹی امور سے بھی لا تعلق نظر آئے، جس پر کارکنان نے شدید ردعمل ظاہر کیا ہے۔ پارٹی ذرائع کے مطابق کراچی کے مختلف علاقوں، بالخصوص ضلع ملیر میں تنظیم سازی کے عمل میں شدید بے ضابطگیاں سامنے آئی ہیں۔ کارکنان کا الزام ہے کہ سعید غنی نے ضلعی صدر کی جانب سے بھیجے گئے ناموں کو مسترد کرکے اپنے قریبی اور من پسند افراد کو تنظیم میں شامل کیا، جس سے نہ صرف کارکنان میں مایوسی پھیلی بلکہ کئی مقامات پر احتجاجی مظاہرے بھی کیے گئے۔
سیاسی مبصرین نے کہا کہ سعید غنی اب وہ مزدور طبقے سے تعلق رکھنے والے سیاسی کارکن نہیں رہے، بلکہ سرمایہ دار طبقے کا حصہ بن چکے ہیں، اور ان کے فیصلے پارٹی کی ساکھ کو نقصان پہنچا رہے ہیں۔ کارکنوں کا کہنا ہے کہ بطور صدر پیپلز پارٹی کراچی، سعید غنی کی پالیسیوں نے پارٹی کو نقصان پہنچایا اور عوام میں اس کی مقبولیت میں کمی کا سبب بنے۔ پارٹی کے اندرونی ذرائع کے مطابق، اگر اس صورتحال کا نوٹس نہ لیا گیا تو بلدیاتی اور آئندہ عام انتخابات میں پارٹی کو سنگین نقصان کا سامنا ہو سکتا ہے۔
ذریعہ: Islam Times
پڑھیں:
عمران خان کی غیرقانونی قید انسانی حقوق کی سنگین خلاف ورزی ہے، حلیم عادل شیخ
کراچی (اُردو پوائنٹ اخبارتازہ ترین - این این آئی۔ 02 اکتوبر2025ء)پاکستان تحریک انصاف سندھ کے صدر حلیم عادل شیخ نے اپنے ایک بیان میں کہا ہے کہ چیئرمین پی ٹی آئی عمران خان 789 دن سے غیرقانونی قید میں ہیں جو انسانی حقوق کی بدترین خلاف ورزی ہے۔ انہوں نے کہا کہ جیل حکام عمران خان کو علاج اور اپنے وکلا سے ملاقات کے حق سے محروم رکھے ہوئے ہیں، حتی کہ انہیں دہشتگردوں سے بھی بدتر حالات میں رکھا گیا ہے۔ انہوں نے واضح کیا کہ عمران خان کے خلاف قائم جعلی مقدمات کو ہم یکسر مسترد کرتے ہیں اور مطالبہ کرتے ہیں کہ جیل ٹرائلز کا سلسلہ فوری ختم کیا جائے کیونکہ یہ آئین و قانون کی توہین ہے۔حلیم عادل شیخ نے کہا کہ کامن ویلتھ کی رپورٹ نے واضح کر دیا ہے کہ 8 فروری کے عام انتخابات دھاندلی زدہ تھے اور پی ٹی آئی کو انتخابی عمل سے غیرقانونی طور پر باہر رکھا گیا۔(جاری ہے)
اس رپورٹ کے بعد چیف الیکشن کمشنر کے پاس عہدے پر رہنے کا کوئی جواز نہیں، لہذا انہیں فوری برطرف کیا جائے۔ انہوں نے کہا کہ ن لیگ اور پیپلز پارٹی کی لڑائی محض ایک ڈرامہ ہے، دراصل دونوں جماعتیں کرپشن بچانے اور عوامی مینڈیٹ دبانے میں ایک ہیں لیکن عوام نے 8 فروری کو دونوں جماعتوں کو یکسر مسترد کر دیا۔ پی ٹی آئی عوامی مینڈیٹ کی چوری کو ہمیشہ بے نقاب کرتی رہے گی۔صدر پی ٹی آئی سندھ نے فلسطین کے حوالے سے کہا کہ غزہ امن منصوبہ فلسطینی عوام کے ساتھ غداری کے مترادف ہے۔ پاکستانی عوام کبھی اسرائیل کو تسلیم نہیں کرے گی کیونکہ فلسطینی ریاست کا قیام پاکستان کا اصولی اور تاریخی موقف ہے۔ انہوں نے کہا کہ موجودہ حکومت نے عالمی طاقتوں کو خوش کرنے کے لیے قومی پالیسی قربان کر دی ہے جو قومی مفادات کے خلاف ہے۔آزاد کشمیر کی صورتحال پر بات کرتے ہوئے حلیم عادل شیخ نے کہا کہ کشمیری عوام کے مطالبات بالکل جائز ہیں اور انہیں فوری تسلیم کیا جانا چاہیے۔ کشمیری عوام پر کریک ڈان اور میڈیا بلیک آٹ شرمناک عمل ہے۔ عوام کے بنیادی حقوق دبانے سے مسئلہ حل نہیں ہوگا بلکہ مزید سنگین صورت اختیار کرے گا۔پیٹرولیم مصنوعات کی قیمتوں میں اضافے پر شدید ردعمل دیتے ہوئے حلیم عادل شیخ نے کہا کہ عالمی منڈی میں تیل کی قیمتیں مسلسل کم ہو رہی ہیں مگر حکومت عوام پر اضافی بوجھ ڈال رہی ہے۔ پٹرولیم قیمتوں میں اضافہ دراصل غریب دشمن فیصلہ ہے جسے فوری واپس لیا جائے اور عوام کو حقیقی ریلیف دیا جائے۔
کپل شرما سے بھتہ مانگنے والا گینگسٹر گرفتار