کراچی میں داماد کو زندہ جلانے کے الزام میں سسر اور بھائی گرفتار
اشاعت کی تاریخ: 3rd, July 2025 GMT
کراچی:
شہر قائد کے علاقے اتحاد ٹاؤن میں انویسٹی گیشن پولیس نے داماد کو زندہ جلانے کے الزام میں سسر اور اس کے بھائی کو گرفتار کرلیا۔
ترجمان ایس ایس پی انویسٹی گیشن اظہر جاوید کے مطابق سعید آباد کے علاقے سیکٹر نائن بی میں آرتھر مسیح نامی شخص کو آگ لگا کر شدید زخمی کرنے کا واقعہ پیش آیا جسے انتہائی تشویشناک حالت میں سول اسپتال برنس وارڈ منتقل کیا گیا جہاں وہ دوران علاج زخموں کی تاب نہ لاتے ہوئے دم توڑ گیا۔
اتحاد ٹاؤن پولیس نے واقعے کا مقدمہ نمبر 276 سال 2025 بجرم دفعہ 302 چونتیس کے تحت مقتول کی بہن کی مدعیت میں درج کیا تھا جس میں مدعیہ نے پولیس کو بیان دیا تھا کہ آرتھر مسیح نے دم توڑنے سے قبل انکشاف کیا تھا کہ اسے سسرالیوں نے پیٹرول چھڑک کر آگ لگائی تھی۔
ترجمان کے مطابق واقعے کی سنگینی کے پیش نظر خصوصی تفتیشی ٹیم تشکیل دی گئی جس نے سخت جدوجہد کے بعد واقعے کا معمہ حل کرتے ہوئے مقتول کے سسر چاند سجاد مسیح اور اس کے بھائی چچا سسر امانت انجم مسیح کو گرفتار کرلیا جبکہ مقدمے میں نامزد دیگر کی تلاش میں انویسٹی گیشن پولیس چھاپے مار رہی ہے جنھیں جلد گرفتار کرلیا جائیگا۔
.ذریعہ: Express News
پڑھیں:
لندن پولیس نےفلسطین کے حق میں مظاہرہ کرنےوالوں کو گرفتار کرلیا
data-id="863a0a8" data-element_type="widget" data-widget_type="theme-post-content.default">
لندن: فلسطین کے حق میں احتجاج کرنے والے متعدد افراد کولندن پولیس نے گرفتار کرلیا۔
برطانوی وزیراعظم اور وزیر داخلہ کی اپیلوں کے باوجود مظاہرہ کیا گیا، حکومت کی جانب سےمانچسٹر کی عبادت گاہ پر حملے کے بعد مظاہرہ نہ کرنے کی اپیل کی گئی تھی۔پولیس کی جانب سے احتجاج روکنے کے احکامات کے باوجود سیکڑوں افراد ٹریفلگر اسکوائر پہنچے ہیں۔ مظاہرین کا کہنا ہے کہ پرامن احتجاج منسوخ کرنا دہشت گردی کو جیتنے دینا ہے۔
میٹ پولیس کے مطابق احتجاج کے لیے وسیع پولیس وسائل درکار ہوں گے، مظاہرہ مزید کشیدگی پیدا کرسکتا ہے ، غیر حساس سمجھا جائے گا۔
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ