بیوٹی انجکشن اور شیفالی کی اچانک موت؛ ملیکا شراوت نے حقیقت بتا دی
اشاعت کی تاریخ: 3rd, July 2025 GMT
کانٹا لگا گرل سے مشہور بھارتی اداکارہ شیفالی زری والا کی محض 42 سال کی عمر میں اچانک اور غیر متوقع موت نے سب کو صدمے میں مبتلا کردیا جب کہ وہ مکمل طور پر صحت مند بھی تھیں۔
بھارتی میڈیا کے مطابق 27 جون کو شیفالی زری والا کو ان کے شوہر رات گئے اسپتال لے کر گئے تھے جہاں ڈاکٹرز نے مردہ قرار دیتے ہوئے اداکارہ کی موت کی وجہ دل کا دورہ بتایا گیا تھا۔
تاہم بعد میں آنے والی خبروں میں انکشاف ہوا تھا کہ موت کی وجہ دل کا دورہ پڑنا ہوسکتی ہے لیکن دل کے دورے کا سبب خون میں الیکٹرولائٹس میں غیر معمولی اتار چڑھاؤ تھا۔
جس کی وجہ مبینہ طور پر اداکارہ کا حسین اور کم عمر نظر آنے کے لیے بیوٹی انجکشن اور مختلف کاسمیٹک ادویات کا مسلسل استعمال تھا۔
پولیس کو شیفالی کے گھر سے دو دوائیوں کے ڈبے بھی ملے ہیں۔ انتقال والے دن انھوں نے کھانا کھایا اور بعد ازاں اینٹی ایجنگ دوائیں لی تھیں۔
ڈاکٹرز نے اندیشہ ظاہر کیا ہے کہ اداکارہ کو بغیر کسی ماہر کے تجویز کے خود سے دوائی لینے (Self-medication) کی وجہ سے ہارٹ اٹیک ہوا۔
بیوٹی انجکشن کا معاملہ سامنے آنے پر شوبز شخصیات نے انڈسٹری میں بڑھتی ہوئی کاسمیٹک ٹیکنالوجی اور مختلف انجکشن کے استعمال پر سوالات اُٹھائے ہیں۔
A post common by Mallika Sherawat (@mallikasherawat)
اداکارہ ملیکا شراوت نے سوشل میڈیا پر اپنے ایک ویڈیو بیان میں کہا کہ مصنوعی طریقے سے خوبصورتی حاصل کرنے سے گریز کریں اور صرف قدرتی طرز زندگی اپنائیں۔
ملیکا شراوت نے اپنی یہ ویڈیو بغیر میک اپ اور فلٹرز کے ریکارڈ کی تھی تاکہ اپنی ہدایات پر وہ خود عمل کرکے مداح کو دیکھا سکیں۔
اداکارہ نے ویڈیو میں اپنے مداحوں کو گڈ مارننگ کہتے ہوئے کہا کہ میں آج صبح آپ سب سے اس طرح مخاطب ہونا چاہتی ہوں کہ نہ کوئی فلٹر ہو، نہ میک اپ، یہاں تک کہ کنگھی بھی نہیں کی۔
ملیکا شراوت نے کہا کہ میں بالکل اس طرح آپ سب کے سامنے آنا چاہتی تھی جس طرح میں اپنے گھر میں بغیر میک اپ میں رہتی ہوں۔
اداکارہ نے کہا کہ میں یہ بتانا چاہتی ہوں، موجودہ دور میں بوٹاکس انجکشن، فلرز اور دیگر کاسمیٹک طریقوں کی بڑھتی ہوئی لت سے دور رہیں۔
انہوں نے کہا کہ آپ سب بوٹاکس اور مصنوعی فلرز کا انکار کردیں اور صحت مند طرزِ زندگی کو اپنائیں۔
TagsShowbiz News Urdu.
ذریعہ
ذریعہ: Al Qamar Online
پڑھیں:
مومنہ اقبال کے شوہر کون، تفصیلات سامنے آگئیں
پاکستانی اداکارہ مومنہ اقبال کے شوہر حمزہ حبیب کی تفصیلات سامنے آگئی ہیں۔ پاکستان کے مقبول ڈراموں میں اداکاری کے جوہر دکھانے والی مومنہ اقبال حال ہی میں رشتہ ازدواج میں منسلک ہوئی ہیں۔ لاہور میں ان کی دعائے خیر ، مہندی ، مایوں اور نکاح کی تقریبات منعقد ہو چکی ہیں جن کی تصاویر اور ویڈیوز سوشل میڈیا پر خوب وائرل ہیں۔ میڈیا رپورٹس کے مطابق مومنہ اقبال کے دلہا حمزہ حبیب کا تعلق لاہور سے ہے، وہ کامیاب اور مالی طور پر مستحکم کاروباری شخصیت ہیں تاہم وہ ہمیشہ میڈیا کی نظروں سے دور رہے۔ حالیہ دنوں میں مومنہ اقبال کو (ن ) لیگی ایم پی اے ثاقب چدھڑ کی جانب سے مبینہ ہراسانی اور دھمکیوں کے معاملے پر حمزہ حبیب اپنی اہلیہ کی حمایت میں سامنے آنے کے بعد خبروں کا مرکز بن گئے۔ حمزہ حبیب کے مطابق ان کی اور مومنہ اقبال کی منگنی خاندانوں کی باہمی رضامندی سے ہوئی جب کہ دونوں خاندانوں کے درمیان دیرینہ دوستانہ تعلقات بھی ہیں۔ جوڑے نے مئی 2026 کے آخر میں ایک نجی تقریب میں نکاح کیا تھا۔ اس سے قبل اداکارہ مومنہ اقبال نے اپنی سوشل میڈیا سٹوری کے ذریعے انکشاف کیا تھا کہ ایک بااثر سیاسی شخصیت کی جانب سے انہیں اور ان کی فیملی کو جان سے مارنے کی دھمکیاں دی جارہی ہیں۔ جس پر نیشنل سائبر کرائم انویسٹی گیشن ایجنسی اپنی تحقیقات کررہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ