دورۂ آئرلینڈ کی تیاری: ویمن کرکٹ ٹیم کا 27 روزہ فٹنس کیمپ 7 جولائی سے شروع
اشاعت کی تاریخ: 4th, July 2025 GMT
data-id="863a0a8" data-element_type="widget" data-widget_type="theme-post-content.default">
پاکستان ویمن کرکٹ ٹیم کے آئندہ آئرلینڈ کے اہم دورے کے پیش نظر ٹیم کی تیاریوں کا باقاعدہ آغاز ہونے جا رہا ہے، جس کے لیے 27 روزہ فٹنس اور اسکلز کیمپ 7 جولائی سے کراچی میں منعقد کیا جا رہا ہے۔ یہ تربیتی مرحلہ پاکستان کرکٹ بورڈ کی جانب سے قومی ویمن ٹیم کو بین الاقوامی سطح پر مزید مضبوط اور پیشہ ور بنانے کی حکمت عملی کا حصہ ہے۔
کیمپ کے لیے 24 ممکنہ کھلاڑیوں کو منتخب کیا گیا ہے جو مختلف شعبوں میں اپنی فٹنس، تکنیکی صلاحیتوں اور میچ ریڈی اسکلز پر کام کریں گی۔ کیمپ کی قیادت ہیڈ کوچ محمد وسیم کریں گے جو کیمپ کمانڈنٹ کی حیثیت سے تمام انتظامی اور ٹیکنیکل پہلوؤں کی نگرانی کریں گے۔
یہ مرحلہ صرف فٹنس پر نہیں بلکہ ان کھلاڑیوں کی مجموعی کارکردگی کے جائزے پر مشتمل ہوگا تاکہ بہترین اور موزوں 15 رکنی اسکواڈ کا انتخاب ممکن ہو سکے۔
توقع ہے کہ ابتدائی کیمپ کے اختتام پر قومی ویمن سلیکشن کمیٹی حتمی اسکواڈ کا انتخاب کرے گی، جس کے بعد 28 جولائی سے ایک اور خصوصی تربیتی کیمپ کا آغاز ہو گا جو 2 اگست تک جاری رہے گا۔ اس حتمی مرحلے میں ٹیم کو جدید کرکٹ تقاضوں کے مطابق تربیت دی جائے گی، جس میں بیٹنگ، باؤلنگ، فیلڈنگ کے ساتھ ساتھ میچ کی صورت حال میں فیصلہ سازی، اسٹریٹیجی پلاننگ اور ذہنی مضبوطی پر بھی خصوصی توجہ دی جائے گی۔
پاکستان ویمن کرکٹ ٹیم آئرلینڈ کے لیے 3 اگست کو روانہ ہوگی، جہاں وہ 3میچوں پر مشتمل ٹی 20سیریز میں آئرش ٹیم کا سامنا کرے گی۔ یہ تمام مقابلے کلون ٹرف (Clontarf) کے تاریخی گراؤنڈ میں کھیلے جائیں گے، جو آئرلینڈ کی کرکٹ تاریخ کا ایک اہم مقام مانا جاتا ہے۔ سیریز کی تاریخوں کا اعلان جلد متوقع ہے اور ان میچز کو فیوچر ٹور پروگرام (FTP) کا حصہ تصور کیا جا رہا ہے۔
پاکستان ویمن ٹیم کے اس دورے کو نہ صرف کرکٹنگ سرگرمیوں کے اعتبار سے اہم سمجھا جا رہا ہے بلکہ یہ نوجوان کھلاڑیوں کے لیے بھی خود کو بین الاقوامی سطح پر منوانے کا ایک سنہری موقع ہوگا۔ کئی کھلاڑیوں کے لیے یہ پہلا بڑا غیر ملکی دورہ ہوگا، جس میں ان کی صلاحیتوں کو نکھارنے اور پریشر ہینڈلنگ کی تربیت دی جائے گی۔
.ذریعہ: Jasarat News
پڑھیں:
پی ایس ایل 10: آن لائن میچز دیکھنے والوں کی تعداد میں حیرت انگیز اضافہ
پاکستان کرکٹ بورڈ (پی سی بی) کے جاری کردہ اعداد و شمار کے مطابق پاکستان سپر لیگ (پی ایس ایل) کے دسویں ایڈیشن نے نہ صرف میدان میں شائقین کو محظوظ کیا بلکہ ڈیجیٹل میدان میں بھی حیرت انگیز کارکردگی دکھاتے ہوئے اسپورٹس ویورشپ کا نیا معیار قائم کردیا۔
پی ایس ایل 10 کے دوران لائیو اسٹریمنگ کے ذریعے دیکھنے والوں کی تعداد میں 647.25 فیصد اضافہ ریکارڈ کیا گیا، جو کہ پی ایس ایل 9 کے مقابلے میں ایک غیرمعمولی چھلانگ ہے۔ یہ اعداد و شمار اس بات کی واضح علامت ہیں کہ پاکستان میں کرکٹ کے شائقین تیزی سے ڈیجیٹل پلیٹ فارمز کو اپنا رہے ہیں اور پی سی بی کی نشریاتی ذرائع کو متنوع بنانے کی پالیسی مؤثر ثابت ہورہی ہے۔
یہ بھی پڑھیں: پی ایس ایل 10 کی ٹیم آف دی ٹورنامنٹ کا اعلان کردیا گیا، کپتان کون؟
ٹورنامنٹ کے دوران کل 48.5 ارب منٹ کی لائیو اسٹریمنگ دیکھی گئی، جو نہ صرف لیگ کے عالمی اثر و رسوخ میں اضافے کو ظاہر کرتی ہے بلکہ اس بات کی بھی عکاسی کرتی ہے کہ پاکستانی شائقین کسی بھی وقت، کہیں بھی اپنی ٹیموں سے جڑے رہنا چاہتے ہیں۔
سب سے نمایاں بات یہ ہے کہ پلے آف اور فائنل میچز کے دوران پاکستان میں ہی 511 ملین ویوز ریکارڈ کیے گئے، جو کہ ایک نیا ریکارڈ ہے اور اس بات کا ثبوت ہے کہ پی ایس ایل اب ایک نمایاں عوامی دلچسپی کا حامل ایونٹ بن چکا ہے۔
یہ اہم سنگ میل اس وقت حاصل ہوئے ہیں جب پی ایس ایل اپنی شناخت کو برقرار رکھتے ہوئے اپنے دائرہ اثر کو مزید وسعت دینے کی منصوبہ بندی کر رہا ہے۔ پی ایس ایل 10 کے یہ اعداد و شمار نہ صرف پی سی بی اور لیگ انتظامیہ کے لیے ایک اعزاز کی حیثیت رکھتے ہیں بلکہ مستقبل کے میڈیا رائٹس معاہدوں، اسپانسرشپ مذاکرات اور لیگ کے برانڈ کو جنوبی ایشیا سے باہر وسعت دینے کے لیے اہم اثاثہ ثابت ہوں گے۔
پی ایس ایل 10 کے اختتام پر ایک بات بالکل واضح ہوگئی ہے کہ پاکستان میں کرکٹ اب صرف ٹی وی اسکرینز تک محدود نہیں رہی۔ اب اگلا قدم یہ ہوگا کہ شائقین کے بڑھتے ہوئے مطالبات کو پورا کیا جائے۔
یہ بھی پڑھیں: پی ایس ایل 10 میں بننے والے دلچسپ ریکارڈز کونسے ہیں؟
پی ایس ایل 10 صرف لیگ کی تاریخ کا سب سے زیادہ دیکھا جانے والا ایڈیشن ہی نہیں بلکہ وہ سال تھا جس نے پاکستان میں لائیو کرکٹ دیکھنے کے انداز کو ہی بدل کر رکھ دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آن لائن میچز پاکستان سپر لیگ پی ایس ایل شائقین کرکٹ لائیو اسٹریمنگ وی نیوز
ریلوے اسٹیشنوں پر جدید پوائنٹ آف سیل سسٹم کی تنصیب کا فیصلہ