وطن پر قربان ہونے والےقوم کے عظیم سپوت کیپٹن کرنل شیرخان (نشان حیدر) کا 26واں یوم شہادت آج منایا جا رہا ہے۔
اشاعت کی تاریخ: 5th, July 2025 GMT
پاکستان کا سب سے بڑا فوجی اعزاز نشان حیدر حاصل کرنے والے کیپٹن کرنل شیرخان کا 26واں یوم شہادت نہایت عقیدت اور احترام کے ساتھ آج منایا جارہا ہے۔ قوم اپنے اس عظیم سپوت کو خراجِ تحسین پیش کر رہی ہے، جس نے کارگل کے معرکے میں بھارت کے خلاف جرات، بہادری اور شجاعت کی عظیم مثال قائم کی، جس کی بہادری کا اعتراف نہ صرف پاکستان بلکہ دشمن بھارت نے بھی کیا۔ کیپٹن کرنل شیر خان شہید نے نومبر 1992ء میں پاک فوج میں کمیشن حاصل کیا اور 1995 میں سندھ رجمنٹ کا حصہ بنے۔ جنوری 1998ء میں انہوں نے اپنی خواہش پر لائن آف کنٹرول پر خدمات انجام دینے کے لیے خود کو پیش کیا، جہاں وہ ناردرن لائٹ انفنٹری میں تعینات ہوئے۔ 28 جون 1999ء کو بھارتی فوج نے کارگل کے دراس سیکٹر پر بھرپور حملہ کیا، مگر کیپٹن شیر خان کی قیادت میں محض 14 جوانوں نے دشمن کو منہ توڑ جواب دیا اور ان کے قدم اکھاڑ دیے۔ بھارتی بریگیڈیئر (ریٹائرڈ) مہندر پرتاب سنگھ نے ان کی بے خوفی کا اعتراف کرتے ہوئے کہا کہ ان کی قیادت میں جوابی حملوں نے ہماری دفاعی لائن کو ہلا کر رکھ دیا تھا۔ دن کی روشنی میں دشمن پر حملہ صرف شیر خان ہی کر سکتا تھا۔ کیپٹن شیر خان نے بہادری، جرات اور اعلیٰ حکمت عملی سے دشمن کی چوٹی ٹائیگر ہل اور اردگرد کی بلندیوں پر حملہ کیا۔ ان کے حملے نے اتنا خوف پیدا کیا کہ بھارت کو 8 سکھ بٹالین کے لیے اضافی نفری منگوانی پڑی۔ 5 جولائی 1999ء کو کیپٹن کرنل شیر خان شہید نے دشمن کے خلاف لڑتے ہوئے اپنی جان کا نذرانہ پیش کیا۔ وہ آخری سانس تک دشمن کا مقابلہ کرتے رہے اور شہادت کے وقت بھی ان کی انگلی بندوق کے ٹریگر پر تھی۔ ان کی بے مثال شجاعت کے اعتراف میں بھارتی کمانڈر نے بھی ان کے جسد خاکی کے ساتھ ایک خط بھیجا جس میں لکھا تھا کہ ایسے سپاہی کو بہادری کے اعلیٰ ترین اعزاز سے نوازا جانا چاہیے۔ 13 اگست 1999ء کو حکومتِ پاکستان نے کیپٹن کرنل شیر خان کو پاکستان کا اعلیٰ ترین فوجی اعزاز نشانِ حیدر عطا کیا۔ آج ان کی قربانی کا دن ہمیں یاد دلاتا ہے کہ وطن کے لیے جان قربان کرنے والے کبھی نہیں مرتے، وہ قوم کے دلوں میں ہمیشہ زندہ رہتے ہیں۔
.ذریعہ: Nawaiwaqt
کلیدی لفظ: کیپٹن کرنل شیر
پڑھیں:
کارگل کے سنگلاخ پہاڑ آج بھی کیپٹن کرنل شیر خان شہید کی جرات و بہادری کے گواہ ہیں:محسن نقوی
اویس کیانی:کیپٹن کرنل شیر خان شہید کا26واں یوم شہادت،وفاقی وزیر داخلہ محسن نقوی کا قوم کے عظیم بیٹے کو سلام، محسن نقوی نے کہا کارگل کے سنگلاخ پہاڑ آج بھی کیپٹن کرنل شیر خان شہید کی جرات و بہادری کے گواہ ہیں۔
وفاقی وزیر داخلہ محسن نقوی کا کہنا تھا کہ کیپٹن کرنل شیر خان پاکستان کا وہ شیر تھا جس نے معرکہ کارگل میں دشمن پر لرزا طاری کر دیا، آہنی دیوار بن کر دشمن کا بھرپور مقابلہ کرنے والا قوم کا دلیر سپاہی آج بھی دلوں میں زندہ ہے۔
شمالی علاقہ جات میں سیلابی صورتحال کا الرٹ جاری
کیپٹن کرنل شیر خان شہید نے وطن عزیز پر جان نچھاور کرکے دشمن کے عزائم خاک میں ملا دیئے، کیپٹن کرنل شیر خان کا جذبہ شہادت بہادری اور شجاعت کی نئی تاریخ رقم کر گیا۔
شہداء کی وارث قوم کا ہر بیٹا کیپٹن کرنل شیر خان شہید جیسے جذبے سے سرشار ہے، کیپٹن کرنل شیر خان دشمن کی صفوں میں خوف اور اپنی صفوں میں ولولہ بن کر آج بھی زندہ ہے۔
محسن نقوی کا کہنا تھا کہ کیپٹن کرنل شیر خان شہید جیسے بہادر جوانوں کے ہوتے ہوئے دشمن وطن عزیز کی طرف میلی آنکھ سے نہیں دیکھ سکتا، جرات و بہادری کے عظیم سپوت کو شاندار الفاظ میں خراج عقیدت پیش کرتے ہیں۔
سکھر ؛ موبائل سروس بند
اسحاق ڈار کا ترک وزیراخارجہ سے رابطہ ، دوطرفہ تعاون ، علاقائی پیشرفت پر تبادلہ خیال