سابق بھارتی کرکٹر کی فلمی صنعت میں انٹری، فلم ٹیزر جاری
اشاعت کی تاریخ: 6th, July 2025 GMT
سابق بھارتی کرکٹر کی فلمی صنعت میں انٹری، فلم ٹیزر جاری WhatsAppFacebookTwitter 0 6 July, 2025 سب نیوز
ممبئی: بھارتی کرکٹ کے میدان میں چھکوں کی بارش کرنے والے سریش رائنا اب اپنی نئی اننگ اسکرین پر کھیلنے کےلیے تیار ہیں۔
سابق بھارتی کرکٹر نے تامل فلم انڈسٹری میں ڈیبیو کا اعلان کرکے مداحوں کو حیران کردیا ہے، جس کے بعد کھیل کے دیوانے اب انہیں بڑی اسکرین پر دیکھنے کے منتظر ہیں۔
سریش رائنا نے سوشل میڈیا پلیٹ فارم ایکس (سابقہ ٹوئٹر) پر اپنی اداکاری کے کیریئر کے آغاز کا اعلان کرتے ہوئے بتایا کہ وہ ایک نئی فلم کا حصہ بننے جا رہے ہیں، جس کا اعلان ہوتے ہی یہ خبر بھارتی میڈیا کی شہ سرخی بن گئی۔
بھارتی میڈیا رپورٹس کے مطابق معروف پروڈکشن ہاؤس ڈریم نائٹ اسٹوریز نے رائنا کی پہلی فلم کا اعلان ایک ویڈیو کے ذریعے کیا، جسے فی الحال پروڈکشن نمبر 1 کے نام سے پکارا جا رہا ہے۔ امکان ظاہر کیا جارہا ہے کہ یہی فلم کا حتمی نام بھی ہوسکتا ہے، تاہم اس حوالے سے کوئی تصدیق نہیں کی گئی۔
اس فلم کی ہدایت کاری لوگن کر رہے ہیں، جو تامل فلم انڈسٹری میں ’مان کراٹے‘، ’ریمو‘ اور ’گیتھو‘ جیسی کامیاب فلموں کی وجہ سے شہرت رکھتے ہیں۔ فلم کا ٹیزر ایک بڑی تقریب میں لانچ کیا گیا، جس میں تامل فلم انڈسٹری کی کئی نمایاں شخصیات نے شرکت کی۔ اس پرومو میں ایک شخص کو کرکٹ گراؤنڈ میں چہل قدمی کرتے ہوئے دکھایا گیا ہے، جس سے فلم کے موضوع پر مزید تجسس بڑھ گیا ہے۔
یہ بھی دلچسپ حقیقت ہے کہ انڈین پریمیئر لیگ (آئی پی ایل) میں چنئی سپر کنگز کے ساتھ طویل وابستگی کی وجہ سے سریش رائنا کو مداح پیار سے چنّا تھالا کے نام سے پکارتے ہیں، اور اب یہی مداح انہیں فلم کے پردے پر دیکھنے کے لیے پرجوش ہیں۔
فلم کی ریلیز کی تاریخ کے حوالے سے ابھی کوئی اعلان سامنے نہیں آیا، لیکن رائنا کے فلمی سفر کی پہلی جھلک نے ہی فلم بینوں اور کرکٹ شائقین کے درمیان دلچسپی کی نئی لہر پیدا کر دی ہے۔ اس نئی اننگ میں سریش رائنا کیا کارنامہ دکھائیں گے، اس کے لیے مداحوں کو فلم کی ریلیز تک کا انتظار کرنا ہوگا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبراسلام آباد میں شدید بارش و ژالہ باری کے بعد ایمرجنسی آپریشن شروع بھارتی کرکٹ بورڈکا رواں برس ٹیم بنگلادیش نہ بھیجنے کا فیصلہ شاداب خان کے کندھے کا کامیاب آپریشن، جلد صحت یابی کے لیے دعا کی اپیل ویمن ایشیا کپ کوالیفائر: پاکستان نے مسلسل دوسرا میچ جیت کر تاریخ رقم کردی ایشین جونیئر اسکواش چیمپئن شپ میں پاکستان نے بھارت کو شکست دے دی پاکستان نے ایشین یوتھ گرلز نیٹ بال چیمپئن شپ جیت لی ایشیا کپ میں پاک بھارت ٹاکرا کتنی بار ہوسکتا ہے؟ ممکنہ تاریخیں سامنے آگئیںCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
پڑھیں:
خیبر پختونخوا اور پنجاب میں زیر التواء سینیٹ انتخابات کے شیڈول کا اعلان
خیبر پختوانخوا کی 11 سینیٹ نشستوں کیلئے پولنگ 21 جولائی کو ہوگی، سینیٹر ثانیہ نشتر کی خالی کردہ نشست پر پولنگ 31 جولائی کو ہوگی، مجموعی طور پر سینیٹ کی جنرل نشستیں 7، خواتین اور ٹیکنو کریٹ کی 4 نشستیں اور علما کی نشست شامل ہیں جن پر انتخابات ہونا ہیں۔ اسلام ٹائمز۔ الیکشن کمیشن نے خیبر پختونخوا اور پنجاب میں زیر التواء سینیٹ انتخابات کا شیڈول جاری کر دیا۔ خیبر پختوانخوا کی 11 سینیٹ نشستوں کیلئے پولنگ 21 جولائی کو ہوگی، سینیٹر ثانیہ نشتر کی خالی کردہ نشست پر پولنگ 31 جولائی کو ہوگی، مجموعی طور پر سینیٹ کی جنرل نشستیں 7، خواتین اور ٹیکنو کریٹ کی 4 نشستیں اور علما کی نشست شامل ہیں جن پر انتخابات ہونا ہیں۔ الیکشن کمیشن کے نوٹیفکیشن کے مطابق 9 جولائی 2025ء، کاغذات نامزدگی جمع کروانے کی تاریخ 10 اور 11 جولائی، کاغذات نامزدگی کی جانچ پڑتال 16 جولائی اور پولنگ 31 جولائی کو ہوگی۔
مرحوم ساجد میر کی سینٹ سے خالی کردہ نشست پر الیکشن کے مختلف مراحل جوکہ الیکٹورل کالج نا مکمل ہونے کی وجہ سے ملتوی کئے گئے تھے اس کا نوٹیفکیشن بھی جاری کیا گیا جس میں ریٹرننگ آفیسر امیدواروں کی Revised list لسٹ 15 جولائی 2025ء کو جاری کرے گا اور کاغذات نامزدگی 16 جولائی 2025ء تک واپس لئے جاسکیں گے جب کہ پولنگ 21 جولائی 2025ء کو پنجاب اسمبلی میں ہوگی۔
قومی اسمبلی میں خیبر پختونخوا سے مسلم لیگ نون کی خواتین کی مخصوص 2 خالی نشستوں پر بھی الیکشن پروگرام 8 جولائی 2025ء کو ریٹرننگ آفیسر جاری کرے گا، کاغذات نامزدگی 9 اور 10 جولائی 2025ء کو جمع کروائے جا سکیں گے، کاغذات نامزدگی کی جانچ پڑتال 14 جولائی اور امیدواروں کی حتمی لسٹ 24 جولائی 2025ء کو جاری کی جائے گی۔
مسلم لیگ نون کی ترجیحی فہرست ختم ہوچکی ہے، لہٰذا اسے 10 جولائی تک نئی ترجیحی فہرست ریٹرننگ آفیسر کے پاس جمع کروانی ہوگی۔ الیکشن کمیشن نے 2 جولائی 2025ء کو مخصوص نشستوں پر جن ممبران قومی و صوبائی اسمبلی کا نوٹیفکیشن جاری کیا تھا ان کی حلف برداری کے لئے بھی سپیکر قومی و صوبائی اسمبلیوں کو خط ارسال کر دیے تاکہ وہ اپنی ذمہ داریاں سنبھال سکیں اور خیبر پختونخوا اور پنجاب کے سینٹ الیکشن میں ووٹ کاسٹ کر سکیں۔ واضح رہے سپیکر قومی اسمبلی سے حلف نہ لینے کی وجہ نشستیں خالی تھیں جب کہ رواں سال 2 اپریل کو سینیٹ الیکشن ملتوی کیے گئے تھے۔
کے ایم سی کی تمام پارکنگ سائٹس پر کل سے پارکنگ بالکل مفت ہوگی، میئر کراچی