6 کتوں کیساتھ زندگی گزارنے والا 8 سالہ بچہ، جو صرف بھونکنے کے ذریعے بات چیت کرتا ہے
اشاعت کی تاریخ: 6th, July 2025 GMT
تھائی لینڈ کے ضلع لاپلائے سے تعلق رکھنے والے 8 سالہ لڑکے کو منشیات سے بھرے گھر سے بازیاب کرا لیا گیا ہے، جہاں وہ تقریباً مکمل تنہائی میں پرورش پا رہا تھا، اور صرف بھونکنے کے ذریعے بات چیت کرنا سیکھا تھا۔
گلف نیوز کے مطابق تھائیگر کی رپورٹ کے مطابق، ایک اسکول پرنسپل اور مقامی سماجی کارکنوں کی اطلاع پر حکام نے لڑکے کو ایک بوسیدہ لکڑی کے مکان سے بازیاب کیا، جہاں وہ 6 کتوں کے ساتھ گندگی میں رہ رہا تھا۔
قانونی وجوہات کی بنا پر لڑکے کو ’بچہ اے‘ کہا جا رہا ہے، وہ 2 سال سے اسکول نہیں گیا تھا، اس کی ماں، جو کہ منشیات کی عادی ہے، روزانہ کئی گھنٹوں کے لیے اسے اکیلا چھوڑ کر کھانے کے لیے بھیک مانگنے نکل جاتی تھی۔
کسی دوست، بالغ نگرانی، یا انسانی رابطے کے بغیر، لڑکا صرف کتوں کی صحبت میں رہا، اور ان کا برتاؤ اپناتے ہوئے بھونکنے کے ذریعے بات چیت کرنے لگا۔
اسی فاؤنڈیشن کی سربراہ پَوینا ہونگساکل نے بتایا کہ ان کی ٹیم نے 30 جون کو بچے کو ریسکیو کیا، وہ بولتا نہیں تھا، صرف بھونکتا تھا، اور یہ منظر دیکھنا دل دہلا دینے والا تھا۔
مقامی میڈیا کی رپورٹس کے مطابق، لڑکے کی ماں اور 23 سالہ بھائی دونوں کا منشیات کے استعمال کا ٹیسٹ مثبت آیا، اگرچہ حکومت نے لڑکے کی تعلیم کے لیے ماں کو 400 بات کی امداد دی تھی، اس نے کبھی بھی بچے کو اسکول میں داخل نہیں کروایا۔
پوینا ہونگسا کے مطابق بچہ صرف ایک دن کے لیے پہلی جماعت میں گیا، اس کے بعد ہمیشہ کے لیے گھر میں بند رہا، تعلیمی وظیفہ ملنے کے بعد، ماں نے رقم اپنی جیب میں رکھ لی اور بچے کو دوبارہ کبھی اسکول نہ جانے دیا۔
ماں کا رویہ غیر مستحکم تھا اور ان کا گھر ایک منشیات کے اڈے کے طور پر جانا جاتا تھا، ہمسایوں نے اپنے بچوں کو اس لڑکے سے دور رکھنے کو ترجیح دی، نتیجتاً، لڑکا کبھی سماجی تعلقات قائم نہ کر سکا اور انسانی زبان سیکھنے سے محروم رہا۔
اب لڑکے کو ایک شیلٹر ہوم میں منتقل کر دیا گیا ہے، جہاں اسے مناسب دیکھ بھال مل رہی ہے۔
پوینا نے کہا کہ اب اس بچے کو ایک بہتر زندگی کا موقع دیا جائے گا، ہم اس کی مدد اور تعلیم کو یقینی بنانے کے لیے مسلسل ساتھ رہیں گے۔
ذریعہ: Daily Mumtaz
پڑھیں:
جعلی فٹبال ٹیم بنا کر 17 افراد کو جاپان بھجوانے والا ایجنٹ گرفتار
ایف آئی اے گوجرانوالہ نے انسانی اسمگلنگ کے خلاف بڑی کارروائی کرتے ہوئے بدنام زمانہ ایجنٹ وقاص علی کو گرفتار کر لیا ۔
حکام کے مطابق ملزم نے جعلی دستاویزات کا استعمال کرتے ہوئے 17 افراد کو فٹبال ٹیم ظاہر کر کے جاپان بھجوایا تھا۔
ایف آئی اے کے مطابق ملزم نے پاکستان فٹبال فیڈریشن کا جعلی رجسٹریشن سرٹیفکیٹ اور وزارتِ خارجہ کا جعلی این او سی تیار کیا، جنہیں استعمال کرتے ہوئے ان افراد کو جاپان کے وزٹ ویزے دلوا کر یکم جنوری 2024 کو روانہ کیا گیا۔
حکام کے مطابق ہر فرد سے 40 سے 45 لاکھ روپے کے درمیان رقم وصول کی گئی۔ ایف آئی اے کا کہنا ہے کہ ملزم وقاص علی کے خلاف انسانی اسمگلنگ کے متعدد مقدمات ایف آئی اے گوجرانوالہ میں پہلے سے بھی درج ہیں۔
تازہ کارروائی کے دوران ادارے نے جعلی کاغذات، فٹبال فیڈریشن کے جعلی لیٹر ہیڈز اور دیگر شواہد بھی قبضے میں لے کر مزید تفتیش شروع کر دی ۔
کرینہ کپور کے دلچسپ جواب پر مداحوں میں چہ میگوئیاں