آکاش دیپ نے انگلینڈ میں کس بھارتی بولر کا 38 سالہ ریکارڈ توڑ دیا؟
اشاعت کی تاریخ: 7th, July 2025 GMT
آکاش دیپ نے ایجبسٹن ٹیسٹ میں شاندار بولنگ کا مظاہرہ کرتے ہوئے میچ میں مجموعی طور پر 10 کھلاڑیوں کو آؤٹ کیا اور صرف 187 رنز دیے۔ یہ انگلینڈ کی سرزمین پر کسی بھی بھارتی بولر کی بہترین کارکردگی ہے۔ اس سے پہلے یہ اعزاز چیتن شرما کے پاس تھا، جنہوں نے 1986 میں اسی میدان پر 188 رنز کے عوض 10 وکٹیں حاصل کی تھیں۔
یہ بھی پڑھیں: ایجبسٹن ٹیسٹ: بھارت نے انگلینڈ کو 336 رنز سے شکست دے کر سیریز برابر کر دی
آکاش دیپ نے پہلی اننگز میں 4 کھلاڑیوں کو پویلین لوٹایا، جبکہ دوسری اننگز میں تباہ کن بولنگ کرتے ہوئے 6 وکٹیں حاصل کیں، ان کی عمدہ بولنگ کی بدولت بھارت نے یہ میچ ریکارڈ 336 رنز سے جیت لیا اور سیریز 1-1 سے برابر کر دی۔
Akash Deep becomes the second Indian bowler after Chetan Sharma to take a 10-wicket match haul in England.
What an incredible performance! ????#ENGvIND #AkashDeep #TeamIndia pic.twitter.com/qzGltZlfEF
— Circle of Cricket (@circleofcricket) July 6, 2025
آکاش دیپ کی یہ کارکردگی مہارت، حوصلے اور درستگی کی عمدہ مثال تھی، انہوں نے انگلش کنڈیشنز کا بھرپور فائدہ اٹھایا، گیند کو خوب سوئنگ کیا اور مسلسل دباؤ بنائے رکھا، جس کے باعث میزبان ٹیم مکمل طور پر بےبس نظر آئی۔
ماضی کے معروف بھارتی بولر چیتن شرما کی 1986 کی کارکردگی بھی تاریخی سمجھی جاتی ہے، جب انہوں نے انگلینڈ کی بیٹنگ لائن کو تہس نہس کر دیا تھا۔ ان کے علاوہ بھارت کے بہترین بولنگ اسپیلز میں جسپریت بمرا کا 2021 میں ٹرینٹ برج پر 110 رنز کے عوض 9 وکٹوں اور 2007 میں ظہیر خان کا 134 رنز دیتے ہوئے 9 وکٹوں کا حصول بھی شامل ہیں۔
مزید پڑھیں: بھارتی کرکٹ بورڈ نے سینٹرل کانٹریکٹ کا اعلان کردیا، سب سے زیادہ پیسے کون لے رہا ہے؟
واضح رہے کہ مایہ ناز پاکستانی بلے باز جاوید میانداد نے 1987کے آسٹریلشیا کپ کے فائنل میچ کی آخری بال پر تیز رفتار بھارتی بولر چیتن شرما کو چھکا مار کر پاکستان کو فتح سے ہمکنار کردیا تھا، اس بھارتی شکست کے بعد چیتن شرما کو بھارت میں شدید تنقید کا نشانہ بنایا گیا تھا۔
آکاش دیپ کی یہ کارکردگی بھارتی ٹیسٹ کرکٹ کی تاریخ میں ایک یادگار باب کے طور پر یاد رکھی جائے گی، اب 5 ٹیسٹ سیریز کا تیسرا میچ 10 جولائی سے لارڈز میں کھیلا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آکاش دیپ انگلینڈ بھارت ٹیسٹ کرکٹ جسپریت بمرا چیتن شرماذریعہ: WE News
کلیدی لفظ: ا کاش دیپ انگلینڈ بھارت ٹیسٹ کرکٹ جسپریت بمرا چیتن شرما بھارتی بولر چیتن شرما ا کاش دیپ
پڑھیں:
کیا بھارت آپریشن سندور جیت گیا تھا؟ بھارتی پنجاب کے وزیراعلیٰ اپنی ہی ٹیم کے کھلاڑیوں پر برس پڑے
بھارتی پنجاب کے وزیراعلیٰ بھگونت سنگھ مان نے بھارتی وزیراعظم نریندر مودی، بی جے پی اور اپنی ہی ٹیم کے کھلاڑیوں پر شدید تنقید کرتے ہوئے کہا ہے کہ کیا ہم نے آپریشن سندور جیت لیا تھا، جو پاکستانی کرکٹرز سے ہاتھ نہیں ملائے؟
بھگونت سنگھ مان کا کہنا تھا کہ بی جے پی کی پالیسی پاکستان کے خلاف ہے یا لوگوں کے خلاف ہے۔ بی جے پی اور اس کی ٹرول آرمی جسے چاہے غدار قرار دیتی ہے۔ پاکستان سے کسی فنکار کو فلم میں کام کرنے کے لیے لیا گیا جو پہلگام واقعے سے پہلے کی شوٹنگ ہے تو کہا گیا وہ فلم ریلیز نہیں ہونے دیں گے ورنہ اس کو ملک کاغدار کہیں گے کیونکہ پاکستان سے ہم نے کوئی تعلق نہیں رکھنا۔
انہوں نے مزید کہا کہ جو کل میچ ہوا، اس کا پروڈیوسر امیت شاہ کا بیٹا ہے اور بھارتی میڈیا کہہ رہا ہے کہ پاکستانی کرکٹرز سے ہاتھ نہیں ملائے، کیا ہم نے آپریشن سندور جیت لیا تھا۔
بھارتی پنجاب کے وزیراعلیٰ نے کہا کہ ان کے ساتھ کھیلے تو ہیں، کیچ تو پکڑے ہیں، چھکے انہوں نے بھی مارے آپ نے بھی مارے۔ یاتو ایسے ہوا ہو کہ آپ نے کہا ہو ہم اس گیند کو ہاتھ نہیں لگاتے اس کو پاکستان کا بلا لگا ہوا ہے۔
یہ بھی پڑھیں: اگر پاکستان نے ایشیا کپ کا بائیکاٹ کیا تو ایونٹ کو مالی طور پر کتنا نقصان ہوسکتا ہے؟
انہوں نے مزید کہا کہ سمجھ نہیں آتا میچ کرانے کی کیا مجبوری تھی، میچ کھیلنے کا حصہ تو پاکستان کو بھی جائےگا۔ وزیراعلیٰ پنجاب نے کرتارپور راہداری کا معاملہ بھی اٹھایا اور کہا کہ سرداروں سے کیا قصور ہو گیا ہے کہ انہیں عبادت کے لیے پاکستان نہیں جانے دیتے؟ اگر میچ کھیل سکتے ہیں تو کرتار پور عبادت کے لیے جانے دینے میں کیا حرج ہے؟ کیا سارا کچھ آپ کی مرضی سے چلے گا؟
مزید برہمی کا اظہار کرتے ہوئے بھگونت مان کا کہنا تھا کہ افغانستان میں آفت آئی تو ایک منٹ میں پیسہ پہنچ گیا حالنکہ وہ ہمیں لوٹنے آتے رہے، پنجاب میں آفت آئی کروڑوں روپے کا اعلان کیا گیا مگر ابھی تک ایک پیسہ نہیں آیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امیت شاہ بھارتی پنجاب کے وزیراعلیٰ بھگوانت سنگھ مان بھگوانت سنگھ مان پاک بھارت میچز پاکستانی کرکٹ
باغ میں ڈیجیٹل انقلاب، نوجوانوں کی خودکفالت میں سافٹ ویئر ہاؤس کا اہم کردار