میرپورماتھیلو ،تعلقہ اسپتال گھوٹکی میں ترقیاتی کاموں کا افتتاح
اشاعت کی تاریخ: 8th, July 2025 GMT
data-id="863a0a8" data-element_type="widget" data-widget_type="theme-post-content.default">
میرپورماتھیلو(نمائندہ جسارت) چیئرمین ڈسٹرکٹ کونسل گھوٹکی بنگل خان مہر اور چیئرمین پیٹرولیم سوشل ڈیولپمنٹ کمیٹی عبدالباری خان پتافی نے 32 کروڑ روپے کی لاگت سے تعلقہ اسپتال گھوٹکی میں ترقیاتی کاموں کا افتتاح کیا۔ افتتاحی تقریب میں ڈپٹی کمشنر گھوٹکی ڈاکٹر سید محمد علی، ریجنل ڈائریکٹر محتسب اعلیٰ سندھ گھوٹکی فضل محمد شیخ، سی ایس آر آفیسر ماڑی انرجیز ہیرالدین بلوچ، ڈی ایچ او ڈاکٹر راؤ آفتاب، ڈی ایم پی پی ایچ آئی عارف عباسی سمیت بڑی تعداد میں میڈیکل افسران اور شہریوں نے شرکت کی – تقریب سے خطاب کرتے ہوئے چیئرمین ڈسٹرکٹ کونسل بنگل خان مہر نے کہا کہ صوبائی وزیر سردار محمد بخش خان مہر کی کوششوں اور ماڑی انرجیز کے تعاون سے تعلقہ اسپتال گھوٹکی میں علاج کی بہترین سہولیات فراہم کی گئی ہیں۔ ہم کوشش کر رہے ہیں کہ مستقبل میں ضلع کی ہر اسپتال میں بنیادی طبی سہولیات میسر ہوں تاکہ یہاں کے عوام کو کسی قسم کی تکلیف کا سامنا نہ کرنا پڑے۔ اس موقع پر چیئرمین پیٹرولیم سوشل ڈیولپمنٹ کمیٹی عبدالباری خان پتافی نے خطاب کرتے ہوئے کہا کہ چیئرمین شپ سنبھالتے ہی کمیٹی تشکیل دی اور تمام اسکیموں کو جلد مکمل کرنے کی ہدایت جاری کی۔ انہوں نے کہا کہ کام کے معیار پر کسی قسم کا سمجھوتا نہیں کیا جائے گا۔ ماڑی انرجیز کے پروڈکشن بونس فنڈ کے تحت ہمارے پاس مکمل فنڈ دستیاب ہیں، لہٰذا اسکیموں میں کسی قسم کی تاخیر نہیں ہونی چاہیے کیونکہ یہ تمام فنڈ عوام کی فلاح و بہبود کے لیے ہے اور اس کا فائدہ بھی عوام کو ملنا چاہیے۔ انہوں نے مزید کہا کہ پاکستان پیپلز پارٹی کی قیادت اور چیئرمین بلاول بھٹو زرداری کے وڑن کے مطابق میرپور ماتھیلو میں جدید ترین لائبریری اور ریسورس سینٹر قائم کر رہے ہیں جہاں طلبہ و طالبات کو ہر قسم کی سہولیات فراہم کی جائیں گی۔ قبل ازیں ڈپٹی کمشنر ڈاکٹر سید محمد علی نے خطاب کرتے ہوئے بتایا کہ تعلقہ اسپتال گھوٹکی میں بڑی تعداد میں مریضوں کا رش ہوتا ہے، اس لیے اس اسپتال کو صوبائی وزیر سردار محمد بخش خان مہر اور چیئرمین پیٹرولیم سوشل ڈیولپمنٹ کمیٹی عبدالباری خان پتافی کی خصوصی دلچسپی اور ماڑی انرجیز کے تعاون سے اپ گریڈ کیا گیا ہے۔ یہاں اب آئی سی یو اور وینٹی لیٹر کی سہولت بھی فراہم کر دی گئی ہے جو پہلے موجود نہیں تھی۔ انہوں نے بتایا کہ میل اور فی میل وارڈ، ٹراما سینٹر، آپریشن تھیٹر، گائناکالوجی وارڈ، کارڈیالوجی وارڈ اور کڈنی بلاک کو اپ گریڈ کر کے ڈیجیٹل ایکسرے، ای سی جی، 25 ایئر کنڈیشنز اور مختلف قسم جدید مشینری سمیت تمام بنیادی سہولیات فراہم کر دی گئی ہیں، جبکہ ڈرینج سسٹم کو بھی بہتر بنایا گیا ہے۔
.
ذریعہ
ذریعہ: Jasarat News
کلیدی لفظ: ماڑی انرجیز کہا کہ
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار