’’بڑے لوگوں پر ہاتھ ڈالا جائے‘‘ وزیرداخلہ کا حوالہ ہنڈی مافیا کیخلاف کریک ڈاؤن کا حکم
اشاعت کی تاریخ: 8th, July 2025 GMT
کراچی (ڈیلی پاکستان آن لائن)وفاقی وزیرداخلہ محسن نقوی نے حوالہ ہنڈی مافیا کے خلاف کریک ڈاؤن کا حکم دیتے ہوئے ہدایت کی ہے کہ اس میں ملوث بڑے لوگوں پر ہاتھ ڈالا جائے۔
نجی ٹی وی ایکسپریس نیوزکے مطابق ایف آئی اے کراچی زون کے دورے کے موقع پر اہم اجلاس کی صدارت کرتے ہوئے وفاقی وزیر داخلہ محسن نقوی نے حوالہ ہنڈی مافیا کےخلاف مؤثر کریک ڈاؤن کا حکم دیتے ہوئے کہا ہے کہ حوالہ ہنڈی میں ملوث بڑے بڑے لوگوں پر ہاتھ ڈالا جائے۔
انہوں نے کہا کہ کسی کا دباؤ قبول کیے بغیر مافیا کے خلاف بلا امتیاز کارروائی کی جائے۔ وزیر داخلہ نے بھکاریوں کو بیرون ملک بھجوانے والے ایجنٹ مافیا کی سرکوبی کا حکم دیتے ہوئے کہا کہ بھکاری مافیا پاکستان کے امیج کو خراب کر رہا ہے۔ ایجنٹس کے خلاف بلاامتیاز ایکشن نظر آنا چاہیے۔ مفرور ایجنٹس کو دیگر صوبوں کے تعاون سے گرفتار کیا جائے ۔
محسن نقوی نے کہا کہ بیرون ملک سے ڈی پورٹ ہوکر آنے والے بھکاریوں کی گرفتاری یقینی بنائی جائے۔ جعلی ادویات کا کاروبار کسی صورت برداشت نہیں۔ جعلی ادویات کے مکروہ دھندے ملوث لوگوں سے آہنی ہاتھوں سے نمٹا جائے۔ جعلی ادویات کے کاروبار میں ملوث لوگوں کی اصل جگہ جیل ہے،
انہوں نے نان کسٹم مصنوعات کے خلاف بھرپور کارروائی کا حکم دیا اور ہدایت کی کہ 5 ہزار سے زائد ڈالر بیرون ملک لے کر جانے والے مسافروں کے خلاف سخت ایکشن لیا جائے۔ علاوہ ازیں ایسے مسافروں کے خلاف قانون کے مطابق بھرپور کارروائی کی جائے۔
اس موقع پر ڈائریکٹر کراچی زون نعمان صدیق نے وزیر داخلہ محسن نقوی کو بریفنگ دی اور ایف آئی اے کراچی زون کی کارکردگی اور ایشوز سے متعلق آگاہ کیا گیا۔
ایڈیشنل ڈائریکٹر جنرل ایف آئی اے ساؤتھ مجاہد اکبر خان، ڈائریکٹر ایف آئی اے کراچی زون نعمان صدیق، ڈپٹی ڈائریکٹر اینٹی منی لانڈرنگ، ڈپٹی ڈائریکٹر امیگریشن، ڈپٹی ڈائریکٹر اینٹی کرپشن ، تمام اسسٹنٹ ڈائریکٹرز اور ایف آئی اے ساوتھ کے حکام اجلاس میں شریک تھے۔
بلدیاتی انتخابات کیس؛سیکرٹری لوکل گورنمنٹ نے جواب جمع کرانے کیلئے مہلت مانگ لی
مزید :.ذریعہ: Daily Pakistan
پڑھیں:
وزیر داخلہ کا حوالہ ہنڈی میں ملوث بااثر افراد کے خلاف کارروائی کا حکم
data-id="863a0a8" data-element_type="widget" data-widget_type="theme-post-content.default">
اسلام آباد میں وفاقی وزیر داخلہ محسن نقوی نے حوالہ ہنڈی، ایجنٹ اور بھکاری مافیا کے خلاف مؤثر کارروائی کا حکم دے دیا ہے۔
ایف آئی اے کراچی زون میں اجلاس کی صدارت کرتے ہوئے انہوں نے کہا کہ حوالہ ہنڈی میں ملوث بڑے بڑے لوگوں پر بھی ہاتھ ڈالا جائے اور کسی کا دباؤ قبول کیے بغیر بلا امتیاز کارروائی کی جائے۔
محسن نقوی نے بھکاریوں کو بیرون ملک بھجوانے والے ایجنٹ مافیا کو پاکستان کے امیج کے لیے نقصان دہ قرار دیتے ہوئے ان کے خلاف فوری اور واضح ایکشن لینے کی ہدایت کی۔ ان کا کہنا تھا کہ مفرور ایجنٹس کو دیگر صوبوں کے تعاون سے گرفتار کیا جائے اور بیرون ملک سے ڈی پورٹ ہو کر واپس آنے والے بھکاریوں کی بھی گرفتاری یقینی بنائی جائے۔
انہوں نے جعلی ادویات کے کاروبار کو ناقابل برداشت قرار دیا اور ہدایت کی کہ اس مکروہ دھندے میں ملوث عناصر کو آہنی ہاتھوں سے نمٹا جائے کیونکہ ان کی اصل جگہ جیل ہے۔
وزیر داخلہ نے نان کسٹم مصنوعات کے خلاف بھی بھرپور کارروائی کی ہدایت دی اور ساتھ ہی ان مسافروں کے خلاف بھی سخت قانونی اقدام کا حکم دیا جو بیرون ملک 5 ہزار ڈالر سے زائد رقم لے کر جاتے ہیں۔ ان کا کہنا تھا کہ قانون کی خلاف ورزی پر کسی کو رعایت نہ دی جائے۔
سمندر کنارے لنچ، احد رضا میر اور دنانیر مبین کی ڈیٹنگ کی افواہیں زور پکڑ گئیں