پی ٹی آئی کی خفیہ میٹنگز کی مکمل معلومات، ان کو احتجاج کی اجازت نہیں دیں گے، رانا ثنااللہ
اشاعت کی تاریخ: 8th, July 2025 GMT
وزیراعظم پاکستان کے مشیر برائے سیاسی امور رانا ثنااللہ نے کہا ہے کہ پی ٹی آئی کی خفیہ میٹنگز کی ساری معلومات ہمارے پاس ہیں، ان کو احتجاج کی بالکل اجازت نہیں دی جائےگی۔
نجی ٹی وی سے گفتگو کرتے ہوئے انہوں نے کہاکہ پی ٹی آئی کی خفیہ میٹنگز میں کیا باتیں ہوتی ہیں اور ان کی کیا پلاننگ ہے یہ سب معلومات ہمارے پاس ہیں۔
یہ بھی پڑھیں: ’اب مذاکرات نہیں ہوں گے‘، عمران خان نے حکومت مخالف تحریک کے لیے تاریخ کا اعلان کردیا
رانا ثنااللہ نے کہاکہ تحریک انصاف جمہوری رویہ اختیار کرنے پر تیار نہیں، پُرامن مظاہرے اور جلسے جمہوری رویے میں ہوتے ہیں۔
انہوں نے کہاکہ تحریک انصاف احتجاج کے نام پر جلاؤ گھیراؤ کرنے کا منصوبہ رکھتی ہے، لیکن ان کے جو لوگ باہر نکلیں گے ان کے لیے مشکلات ہوں گی۔
مشیر وزیراعظم نے کہاکہ تحریک انصاف کے پچھلے احتجاج میں 30 سے 35 ہزار لوگ باہر نکلے تھے، اب بھی جو لوگ باہر نکلیں گے انہیں دھر لیا جائےگا۔
ایک سوال کے جواب میں انہوں نے کہاکہ پی ٹی آئی نے خفیہ میٹنگز میں کیا باتیں کیں مستقبل میں سنوائی جا سکتی ہیں۔
انہوں نے کہاکہ عمران خان کے بیٹے برطانوی شہریت رکھتے ہیں، ان کو یہاں لاکر لاقانونیت کا حصہ بنانے کا کیا مقصد ہو سکتا ہے۔ کیا اس کے پیچھے یہ مقصد ہے کہ وہ یہاں آئیں اور بعد میں برطانوی سفارتخانہ ان کو بازیاب کرائے؟
ان کا مزید کہنا تھا کہ ہم مکمل معلومات رکھتے ہیں کہ پی ٹی آئی کی احتجاج کے لیے کتنی تیاری ہے اور یہ کیا حاصل کرلیں گے۔
واضح رہے کہ عمران خان نے حکومت کے خلاف احتجاجی تحریک کے لیے 5 اگست کی کال دے دی ہے، اور کہا ہے کہ اس روز احتجاجی تحریک زوروں پر ہونی چاہیے۔
یہ بھی پڑھیں: عمران خان کی رہائی کب تک ممکن ہے؟ ٹرمپ کے سابق مشیر نے بڑا دعویٰ کردیا
آج علیمہ خان نے اڈیالہ جیل کے باہر میڈیا سے گفتگو کرتے ہوئے کہاکہ عمران خان نے واضح کردیا ہے کہ اب حکومت سے بات چیت نہیں ہوگی، بلکہ ہم تحریک چلائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews احتجاجی تحریک اڈیالہ جیل پی ٹی آئی احتجاج رانا ثنااللہ علیمہ خان عمران خان رہائی مسلم لیگ ن مشیر وزیراعظم وی نیوز.
ذریعہ
ذریعہ: WE News
کلیدی لفظ: احتجاجی تحریک اڈیالہ جیل پی ٹی ا ئی احتجاج رانا ثنااللہ علیمہ خان عمران خان رہائی مسلم لیگ ن وی نیوز انہوں نے کہاکہ رانا ثنااللہ کہ پی ٹی ا ئی پی ٹی ا ئی کی خفیہ میٹنگز کے لیے
پڑھیں:
حیسکو میں ایک ارب 6 کروڑ سے زائد کی کرپشن کا انکشاف
حیدرآباد الیکٹرک سپلائی کمپنی (حیسکو) میں تنخواہوں اور الاؤنسز کی مد میں ایک ارب 6 کروڑ سے زائد کرپشن کا انکشاف ہوا ہے۔
قومی اسمبلی کی پبلک اکاؤنٹس کمیٹی کے اجلاس میں آڈٹ حکام نے انکشاف کیا کہ حیسکو میں گھوسٹ ملازمین، ڈبل تنخواہوں کے ذریعے قومی خزانے کو نقصان پہنچایا گیا اور وفاقی تحقیقاتی ادارہ (ایف آئی اے)99 کروڑ 62 لاکھ کی مبینہ کرپشن کی تحقیقات کر رہا ہے۔
آڈٹ حکام نے مزید انکشاف کیا کہ حیسکو کی اندرونی انکوائری میں مزید 6 کروڑ 78 لاکھ روپے کی مشتبہ ادائیگیاں ہوئی ہیں۔
چیئرمین کمیٹی شاہدہ اختر کی زیرصدارت اجلاس میں ایف آئی اے حکام نے بتایا کہ اس معاملے میں ایف آئی آرز کی تعداد 5 ہوگئی تھی، 151 ملزمان تھے جن میں سے 14 کو گرفتار کیا گیا جبکہ دیگر ضمانت پر ہیں، ایک ارب روپے میں سے 13 کروڑ روپے کی ریکوری ہوئی ہے۔
رکن کمیٹی قاسم نون نے کہا کہ 13 کروڑ روپے کچھ بھی نہیں ہیں، سخت ایکشن لیا جائے، سید امین الحق نے کہا کہ گھوسٹ ملازمین کی تصدیق بھی کی گئی کہ وہ موجود ہیں۔
سینیٹر افنان اللہ خان نے کہا کہ وزارت کو چاہیے کہ وہ مداخلت کرے اور ذمہ داران کا تعین کرے۔
چیئرمین کمیٹی شاہد اختر نے کہا کہ یہ تو آڈٹ نے نشان دہی کر دی ہے، لگتا ہے کہ پاور ڈویژن کا کوئی چیک اینڈ بیلنس نہیں ہے، جس پر سی ای او حیسکو نے بتایا کہ 756 ملین روپے کی ذمہ داری بھی فکس ہو چکی ہے۔
شاہدہ اختر نے کہا کہ عدالت کے حکم تک یہ آڈٹ پیرا زیر التوا رہے گا، رکن کمیٹی سید حسین طارق نے سوال کیا کہ حیسکو میں بائیو میٹرک سسٹم کیوں نہیں ہے۔
پاکستان پیپلزپارٹی (پی پی پی) کی رکن شازیہ مری نے کہا کہ ہم ڈسکوز کو یہاں کمنٹس کے لیے نہیں احتساب کے لیے بلاتے ہیں، یہ لوگوں کو چور کہتے ہیں اور اپنی پرفارمنس کے گیت گاتے نہیں تھکتے۔
پبلک اکاؤنٹس کمیٹی نے ہدایت کی کہ 13 کروڑ روپے کی ریکوری کی آڈٹ سے تصدیق کرائی جائے، جو ریکوری رہ گئی ہے وہ معاملہ زیر التوا رہے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار