یوم عاشور کو اغوا کی گئی بچی بازیاب، 3 خواتین گرفتار
اشاعت کی تاریخ: 8th, July 2025 GMT
کراچی:
سولجر بازار پولیس نے یوم عاشور کے موقع پر بریٹو روڈ سے اغوا کی گئی بچی کو بحفاظت بازیاب کیا گیا اور 3 خواتین کو گرفتار کرلیا گیا ہے۔
کراچی کے علاقے سولجر بازار پولیس نے بریٹو سے یوم عاشور کے موقع پر اغوا کی جانے والی بچی کو بحفاظت بازیاب کرالیا اور سولجر بازار پولیس نے بچی کے اغوا کا مقدمہ اس کے والد سید کامل حسین کی مدعیت میں درج کیا تھا۔
پولیس کو مدعی نے بیان دیا تھا کہ وہ حسین ہزارہ گوٹھ کا رہائشی اور رکشا چلاتا ہے، 10 محرم الحرام کو دن 2 بجے کے قریب محرم کے جلوس میں شرکت کے لیے امام بارگاہ بتول زہرہ شاہ خراساں پہنچا اور اپنے 6 بچوں کو اہلیہ کے سپرد کیا جنھیں لے کر وہ خواتین کے لیے بنائی گئی جگہ پر چلی گئیں۔
مدعی نے کہا کہ میں مردوں میں مجلس کے اندر چلا گیا ، رات 10 بجے کے قریب میرے بھائی سعید شاہ نے مجھے فون کر کے بتایا کہ آپ کی بیٹی 5 سالہ ستارہ بی بی لاپتا ہوگئی ہے اور اس کی تلاش کے لیے اعلانات بھی کرائے جبکہ اپنے طور پر اسے بہت تلاش کیا مگر اس کا کچھ پتا نہیں چل سکا۔
درخواست گزار نے کہا کہ اب میں رپورٹ کرانے آیا ہوں کہ میرا قوی شبہ ہے کہ میری بیٹی کو کوئی نامعلوم شخص یا اشخاص نامعلوم وجوہات کی بنا پر اغوا کر کے لے گئے ہیں، جس پر سولجر بازار پولیس نے دفعہ 364 اے 3 پریوینشن آف ٹریفکنگ ان پرسنز ایکٹ 2018 کے تحت درج کر کے مزید تفتیش کے لیے انویسٹی گیشن پولیس کے حوالے کر دیا۔
ایس ایچ او سولجر بازار وقار عظیم نے اس حوالے سے بتایا کہ بچی کے لاپتا ہونے کے بعد پولیس نے مختلف مقامات کی سی سی ٹی وی فوٹیجز حاصل کر کے بچی کو لے جانے والی خواتین کی شناخت کرلی۔
ان کا کہنا تھا کہ بعدازاں خفیہ ذرائع سے ملنے والی اطلاع پر بریگیڈ کے علاقے میں چھاپہ مار کر مغوی بچی کو بحفاظت بازیاب کر کے 3 خواتین کو گرفتار کرلیا جو کہ سی سی ٹی وی میں بھی دکھائی دے رہی تھیں۔
انہوں نے مزید بتایا کہ گرفتار خواتین کا گروہ بچوں کو اغوا کر کے فروخت کرتا ہے اور پولیس اس حوالے سے گروہ میں شامل دیگر افراد کی گرفتاری اور اب تک کی جانے والی وارداتوں کے حوالے سے گرفتار خواتین سے مزید تحقیقات کر رہی ہے۔
.
ذریعہ
ذریعہ: Express News
کلیدی لفظ: سولجر بازار پولیس نے بچی کو کے لیے
پڑھیں:
کرایہ داری ایکٹ کی خلاف ورزی پر کریک ڈاؤن تیز، 5600 سے زائد ملزمان گرفتار
عرفان ملک:لاہور پولیس نے کرایہ داری ایکٹ کی خلاف ورزی کرنے والوں کے خلاف کریک ڈاؤن میں مزید تیزی لاتے ہوئے رواں سال اب تک 5600 سے زائد ملزمان کو گرفتار کر لیا ہے.
ترجمان لاہور پولیس کے مطابق اقبال ٹاؤن ڈویژن میں کرایہ داری ایکٹ کی خلاف ورزی پر سب سے زیادہ 2132 ملزمان گرفتار کیے گئے، جبکہ صدر ڈویژن میں 1555 اور سٹی ڈویژن میں 1040 افراد کو حراست میں لیا گیا, شہر کے مختلف تھانوں میں 651 مقدمات کا اندراج بھی یقینی بنایا گیا ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
سی سی پی او لاہور بلال صدیق کمیانہ نے کہا ہے کہ کرایہ داری ایکٹ پر سختی سے عملدرآمد یقینی بنایا جا رہا ہے کیونکہ جرائم پیشہ عناصر کی شناخت اور ان کی نقل و حرکت پر نظر رکھنے کے لیے کرایہ داری رجسٹریشن انتہائی ضروری ہے۔
انہوں نے کہا کہ غیر رجسٹرڈ کرایہ داروں کی آڑ میں جرائم پیشہ افراد پناہ لے سکتے ہیں، اس لیے قانون کی خلاف ورزی کرنے والوں کے خلاف بلاامتیاز کارروائی جاری رہے گی اور غیر قانونی یا مشکوک افراد کو کرائے پر جگہ فراہم کرنے والے مالکان کے خلاف بھی قانونی کارروائی عمل میں لائی جائے گی۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
بلال صدیق کمیانہ نے مکان مالکان، کرایہ داروں اور پراپرٹی ڈیلرز کو ہدایت کی کہ وہ فوری طور پر کرایہ داری ایکٹ پر عملدرآمد یقینی بنائیں اور تمام ضروری کوائف متعلقہ پولیس ریکارڈ میں درج کروائیں تاکہ شہر میں امن و امان کی صورتحال کو مزید بہتر بنایا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ