کے یوجے دستور کا سالانہ اہتمام حلیم‘ صحافیوں سمیت معروف شخصیات کی شرکت
اشاعت کی تاریخ: 9th, July 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر)کراچی یونین آف جرنلسٹس (دستور)کی جانب سے سالانہ اہتمام حلیم کا انعقاد مقامی بینکوئٹ میں کیا گیا۔صحافیوں کے اعزاز میں منعقدہ اہتمام حلیم میں شہر کی معروف سیاسی ،مذہبی ،سماجی اور صحافتی شخصیات نے بڑی تعداد میں شرکت کی ہے۔ معزز مہمانوں کو کراچی یونین آف جرنلسٹس (دستور) کے صدر نصر اللہ چوہدری،سیکرٹری محمد ریحان خان چشتی،اہتمام حلیم انتظامی کمیٹی کے انچارج و خزانچی زین علی اور دیگر اراکین نے خوش آمدید کہا۔ اس موقعے پرکے یوجے کے منتخب اراکین جس میں محمد فاروق سمیع، منصور احمد، عبدالرحمن، اطہر فاروقی، اظفر وقاص عباسی، خدیجہ راٹھور، شفقت عزیز بھٹی، عارف حبیب، عبدالقادر منگریو ،جنید شاہ اورعطاالرحمن بھی مو جود تھے۔مہمانوں میں متحدہ قومی موومنٹ پاکستان کے سینئر مرکزی رہنما اور قومی اسمبلی کی قائمہ کمیٹی برائے انفارمیشن ٹیکنالوجی کے چیئرمین سید امین الحق، جماعت اسلامی کراچی کے امیر منعم ظفر خان، جماعت اسلامی کے ممبر صوبائی اسمبلی محمد فاروق فرحان سابق رکن قومی اسمبلی محمد ریحان ہاشمی، پاکستان مسلم لیگ نون کے سید نہال ہاشمی، ٹی ایم سی ماڈل ٹاون کے چیئرمین ظفر احمد خان، صدر آرٹس کونسل آف پاکستان محمد احمد شاہ ودیگر نے شرکت کی ۔کراچی یونین آف جرنلسٹس (دستور) کے صدر نصراللہ چودھری اور سیکرٹری محمد ریحان خان چشتی نے اہتمام حلیم میں شریک معزز مہمانوں اورصحافیوں سے اظہار خیال کرتے ہوئے کہا کہ کے یو جے (دستور)نے ہمیشہ سے اپنی روایات کو برقرار رکھا ہے۔ہر سال 10 محرم الحرام کو آج کے دن فیلڈ میں کام کرنے والے صحافیوں کے اعزاز میں اہتمام حلیم کے نام سے تقریب منعقد کی جاتی ہے۔اہتمام حلیم کے اختتام پر صدر کے یو جے دستور نصراللہ چوہدری، سیکرٹری محمد ریحان خان چشتی اور اراکین مجلس عاملہ نے شرکت کرنے والے مہمانوں ،اہتمام حلیم کے انعقاد کے لیے تعاون کرنے پر میئر کراچی، ٹاون میونسپل کارپوریشن کے چیئرمینوں، ڈائریکٹر پبلک ریلیشن اور دیگر اداروں کا شکریہ ادا کیا، جبکہ معروف صحافی کالم نگار خلیل نینی تال والے کو خراج تحسین پیش کیا جن کے تعاون سے صحافیوں کی روایتی اہتمام حلیم کاانعقاد ممکن ہوسکا ہے۔
.
ذریعہ: Jasarat News
کلیدی لفظ: اہتمام حلیم
پڑھیں:
میٹرک بورڈ کراچی: جماعت دہم جنرل گروپ اور خصوصی طلبہ کے سالانہ نتائج کا اعلان
data-id="863a0a8" data-element_type="widget" data-widget_type="theme-post-content.default">
کراچی: ثانوی تعلیمی بورڈ کراچی کے چیئرمین غلام حسین سوہو کی خصوصی ہدایات پر ناظم امتحانات ظہیر الدین بھٹو نے جماعت دہم جنرل گروپ ریگولر و پرائیویٹ اور سماعت و گویائی سے محروم طلباء و طالبات کے سالانہ امتحانات برائے 2025ء کے نتائج کا اعلان کردیا ہے۔
چیئرمین غلام حسین سوہو نے اساتذہ کرام اور بورڈ ملازمین کی محنت کو سراہتے ہوئے کہا کہ نتائج کی شفافیت اولین ترجیح ہے۔ انہوں نے نمایاں پوزیشن حاصل کرنے والے طلباء و طالبات کو مبارکباد دیتے ہوئے ان کے روشن مستقبل کے لیے نیک خواہشات کا اظہار کیا۔
نتائج بورڈ کی ویب سائٹ www.bsek.edu.pk اور آفیشل واٹس ایپ چینل https://whatsapp.com/channel/0029Vaag87eKAwEkUgfe4z0W پر دستیاب ہیں۔
ناظم امتحانات کے مطابق جنرل گروپ ریگولر و پرائیویٹ میں مجموعی طور پر 15497 امیدوار رجسٹرڈ ہوئے، جن میں سے 14795 نے امتحانات میں شرکت کی جبکہ 702 غیر حاضر رہے۔ ریگولر امیدواروں کی تعداد 10222 تھی، جن میں 2804 طلباء اور 7418 طالبات شامل تھیں۔ ان میں سے 108 نے اے ون، 971 نے اے، 2157 نے بی، 2471 نے سی، 863 نے ڈی اور 29 نے ای گریڈ حاصل کیا۔
پرائیویٹ امیدواروں کی تعداد 4573 رہی، جن میں 2935 طلباء اور 1638 طالبات شامل تھے۔ کامیاب امیدواروں میں 13 نے اے ون، 294 نے اے، 1020 نے بی، 1181 نے سی، 445 نے ڈی اور 18 نے ای گریڈ حاصل کیا۔ مجموعی طور پر ریگولر و پرائیویٹ جنرل گروپ میں کامیابی کا تناسب 65.76 فیصد رہا۔
نمایاں پوزیشنز حاصل کرنے والوں میں البدر گرلز ہائر سیکنڈری اسکول عامل کالونی جمشید روڈ کی ثناء بنت محمد ادریس (رول نمبر 551643) نے 89.27 فیصد نمبر حاصل کر کے پہلی پوزیشن حاصل کی۔ ماما انڈیگو اسکول سسٹم نواب اسماعیل خان روڈ گرومندر کی بشریٰ بنت محمد عمران (رول نمبر 552443) نے 87.73 فیصد نمبر کے ساتھ دوسری، جبکہ اسی اسکول کی ہانیہ بنت محمد یوسف (رول نمبر 552446) نے 87.36 فیصد نمبر لے کر تیسری پوزیشن حاصل کی۔
خصوصی طلباء و طالبات (سماعت و گویائی سے محروم) کے امتحانات میں 124 امیدوار شریک ہوئے، جن میں سے 114 کامیاب قرار پائے، اور کامیابی کا تناسب 91.94 فیصد رہا۔ ان میں تمام پوزیشنز ابساء اسکول فار دی ڈیف کورنگی کے حصے میں آئیں۔ سید سیف علی شاہ ولد گل شیر شاہ نے 89.64 فیصد نمبر حاصل کر کے پہلی، حمیدہ حسن انصاری بنت عطاء الحسن نے 88.45 فیصد نمبر کے ساتھ دوسری، جبکہ ضیاء الرحمن ولد فضل الرحمن نے 86.18 فیصد نمبر حاصل کر کے تیسری پوزیشن حاصل کی۔
چیئرمین بورڈ نے خصوصی طلبہ کی نمایاں کارکردگی کو سراہتے ہوئے ادارے اور اساتذہ کو بھی خراج تحسین پیش کیا۔
ایئرچیف کا تاریخی دورۂ امریکا، ٹیکنالوجی اور متشترکہ تربیت پر اتفاق