بلوچستان میں گڈ گورننس اور سروس ڈلیوری کی بہتری کے لیے وسیع اصلاحات کا اعلان
اشاعت کی تاریخ: 9th, July 2025 GMT
وزیراعلیٰ بلوچستان میر سرفراز بگٹی کی زیر صدارت تمام محکموں کے انتظامی سیکریٹریز کا اہم اجلاس منعقد ہوا، جس میں صوبے میں گڈ گورننس، شفافیت اور سروس ڈلیوری کے نظام میں وسیع اصلاحات پر تفصیلی تبادلہ خیال کیا گیا۔
اجلاس سے خطاب کرتے ہوئے وزیراعلیٰ نے کہا کہ اصلاحات ناگزیر ہو چکی ہیں، اور اب صرف میرٹ پر مبنی فیصلے ہی بلوچستان کو آگے لے جا سکتے ہیں۔ انہوں نے افسران پر زور دیا کہ اصلاحاتی ایجنڈے کو سنجیدگی اور ذمہ داری سے اپنائیں تاکہ نظام کی بحالی ممکن ہو سکے۔
وزیراعلیٰ نے کہا کہ ترقیاتی منصوبوں کی مکمل نگرانی متعلقہ محکموں کے سیکریٹریز کی ذمہ داری ہے۔ اب وفاقی اور غیر ملکی فنڈڈ اسکیموں سمیت ہر منصوبے کی مسلسل مانیٹرنگ ہوگی تاکہ فنڈز کا بروقت اور شفاف استعمال یقینی بنایا جا سکے۔
انہوں نے گزشتہ مالی سال میں ترقیاتی وسائل کے بھرپور استعمال کو صوبائی حکومت کا ایک تاریخی سنگ میل قرار دیا اور کہا کہ نئے مالی سال کے پہلے دن سے ہی ترقیاتی کاموں کا آغاز حکومت کے عزم کی عکاسی کرتا ہے۔
مزید پڑھیں: موسم گرما میں بجلی کی بے جا لوڈ شیڈنگ سے گریز کیا جائے، وزیراعلیٰ بلوچستان کی کیسکو کو ہدایت
وزیراعلیٰ نے زور دیا کہ اہل افراد کی درست جگہ پر تعیناتی سے کارکردگی میں بہتری آئے گی، اور عوامی مسائل کا جلد حل ممکن ہوگا۔ انہوں نے چیف منسٹر یوتھ اسکلز ڈویلپمنٹ پروگرام کو نوجوانوں کے لیے امید کی کرن قرار دیتے ہوئے کہا کہ اس کی کامیابی تمام متعلقہ اداروں کی مشترکہ ذمے داری ہے۔
انہوں نے ڈسٹرکٹ ڈویلپمنٹ کمیٹیوں کی فعالیت کو مقامی سطح پر فوری مسائل کے حل کی کلید قرار دیا اور فیلڈ افسران کی حاضری کو ضروری قرار دیا تاکہ عوامی شکایات کا براہ راست حل ممکن بنایا جا سکے۔
وزیراعلیٰ نے واضح کیا کہ ہماری ہر پالیسی اور ہر اقدام کا محور عام آدمی ہے، اور بلوچستان کی ترقی کے لیے ہم سب کو ایک ٹیم کی طرح کام کرنا ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
گڈ گورننس، شفافیت میر سرفراز بگٹی وزیراعلیٰ بلوچستان.ذریعہ: WE News
کلیدی لفظ: میر سرفراز بگٹی وزیراعلی بلوچستان انہوں نے کے لیے کہا کہ
پڑھیں:
سویڈن کا پاکستانیوں کے لیے ویزا سروس بحال کرنے کا اعلان
پاکستان اور سویڈن کی وزارت خارجہ کے درمیان 2 جولائی 2025 کو اسٹاک ہوم میں ہونے والی دو طرفہ سیاسی مشاورت کے بعد سویڈن کی حکومت نے اسلام آباد میں ویزا خدمات کی بحالی کا اعلان کردیا۔
یہ بھی پڑھیں: شینگن ویزا مسترد ہونے میں پاکستانی کس نمبر پر ہیں؟
یہ اقدام ان پاکستانیوں کے لیے سہولت فراہم کرے گا جو وزٹ ویزا پر سویڈن کا مختصر مدت کے لیے دورہ کرنا چاہتے ہیں۔
پاکستانی شہری پاکستان سے سویڈن کے لیے 90 دن تک کے قیام کے لیے شینجن ویزے کی درخواست 7 جولائی 2025 سے دے سکیں گے۔
مزید پڑھیے: پاکستانیوں کے لیے جرمنی جانا آسان، مگر کیسے؟
وزارت خارجہ کا کہنا ہے کہ پاکستان اس مثبت پیش رفت کا خیر مقدم کرتا ہے جو دونوں ممالک کے درمیان دو طرفہ تعلقات کے فروغ کی عکاسی کرتی ہے۔
اسٹاک ہوم میں ہونے والی دو طرفہ مشاورت میں پاکستانی وفد کی قیادت ایڈیشنل فارن سیکریٹری (یورپ) نے کی جبکہ سویڈن کی نمائندگی وزارت خارجہ کے ڈائریکٹر جنرل برائے عالمی امور نے کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانیوں کے لیے سویڈن کا ویزا سویڈن ویزا سروس شینگن ویزا
پشاور ہائیکورٹ:سانحہ سوات پر چیئرمین انکوائری کمیٹی کا مختلف محکموں کی کوتاہیاں کا اعتراف