فارما انڈسٹری میں خودانحصاری کی جانب اہم قدم، مقامی پیداوار بڑھانے کا فیصلہ
اشاعت کی تاریخ: 10th, July 2025 GMT
پاکستان میں صحت کے شعبے کو مستحکم بنانے اور مقامی سطح پر ادویات کی تیاری میں خود انحصاری کے لیے حکومت نے اہم اقدامات کا آغاز کر دیا ہے۔
وفاقی وزیر سائنس و ٹیکنالوجی خالد حسین مگسی نے مقامی فارما انڈسٹری کے اسٹیک ہولڈرز سے ملاقات میں مقامی پیداوار، تحقیق اور بایوٹیکنالوجی کے فروغ کے لیے نئے فیصلوں سے آگاہ کیا۔
وفاقی وزیر سائنس و ٹیکنالوجی خالد حسین مگسی نے مقامی فارما انڈسٹری کے نمائندوں سے اہم ملاقات کی جس میں وزیراعظم کی جانب سے مقامی فارما کمپنیوں کے ساتھ اشتراک بڑھانے کی ہدایت سے آگاہ کیا گیا۔
خالد حسین مگسی نے بتایا کہ وزیراعظم کی ہدایت پر مقامی فارما انڈسٹری کو مضبوط بنانے کے لیے اداروں کو تعاون کرنے کی ہدایت جاری کی گئی ہے تاکہ ملک میں صحت کے شعبے میں خود کفالت حاصل کی جا سکے۔
ملاقات کے دوران مقامی سطح پر کمپیوٹر کنٹرولڈ فرمنٹرز کی تیاری اور پیداوار کی صلاحیت بڑھانے کا فیصلہ کیا گیا ہے جبکہ بایو کیمیکلز، بایو فارماسیوٹیکلز اور بایو پروٹینز کی تیاری کے لیے تحقیق و ترقی کے نظام کو جدید خطوط پر استوار کرنے کا منصوبہ بنایا گیا ہے۔
خالد حسین مگسی کے مطابق حکومت کا ہدف ہے کہ ادویات کی پیداوار کے لیے امپورٹ پر انحصار کم کرتے ہوئے بایوٹیکنالوجی پر مبنی معیشت کو فروغ دیا جائے۔
فارما انڈسٹری کی فوری ضروریات پوری کرنے کے لیے APIs کی مقامی سطح پر تیاری کا پلان بھی مرتب کرلیا گیا ہے تاکہ بروقت اور معیاری ادویات کی فراہمی یقینی بنائی جاسکے۔
وفاقی وزیر نے مزید بتایا کہ پاکستان کونسل آف سائنٹیفک اینڈ انڈسٹریل ریسرچ (PCSIR) کو ہدایت کی گئی ہے کہ وہ مقامی فارما کمپنیوں سے براہِ راست رابطہ کرے اور وزیر سائنس و ٹیکنالوجی کے ساتھ ملاقات کے لیے شیڈول ترتیب دے تاکہ تمام عملی مسائل اور ضروریات پر جلد پیش رفت ہو سکے۔
حکومت کے ان اقدامات کا مقصد صحت کے شعبے میں درپیش چیلنجز کا حل تلاش کرتے ہوئے مقامی ادویات سازی کی صنعت کو فعال اور مضبوط بنانا ہے تاکہ عوام کو معیاری اور سستی ادویات مقامی سطح پر دستیاب ہو سکیں۔
.ذریعہ: Express News
کلیدی لفظ: خالد حسین مگسی فارما انڈسٹری مقامی فارما کے لیے
پڑھیں:
ترکیہ کے سیکریٹری دفاعی صنعت کی بنگلہ دیش کے آرمی چیف جنرل وقار الزماں سے ملاقات
ترکیہ کے دفاعی صنعت کے سیکریٹری پروفیسر ہالوک گورگن نے منگل کو بنگلہ دیش کے دارالحکومت ڈھاکہ میں آرمی ہیڈ کوارٹر میں بنگلہ دیش کے چیف آف آرمی اسٹاف جنرل وقار الزماں سے ملاقات کی۔
یہ بھی پڑھیں: بنگلہ دیش: سابق وزیرِاعظم شیخ حسینہ کے خلاف جنگی جرائم کے مقدمے پر فیصلہ 10 جولائی کو متوقع
ملاقات کے دوران فریقین نے تہنیتی پیغامات کا تبادلہ کیا اور دوطرفہ دفاعی تعاون کو بڑھانے کے طریقوں پر تبادلہ خیال کیا۔
پروفیسر ہالوک گورگن نے بنگلہ دیش کی دفاعی صنعت کی ترقی میں تعاون اور حمایت بڑھانے کے لیے ترکیہ کے عزم کا اظہار کیا۔
آرمی چیف نے ترکیہ کے ساتھ مل کر جدید فوجی سازوسامان کی تیاری اور دفاعی ٹیکنالوجی کو آگے بڑھانے میں بنگلہ دیش کی دلچسپی سے آگاہ کیا۔
مزید پڑھیے: وزیر خارجہ اسحاق ڈار کا پاکستان اور بنگلہ دیش کے مابین عوامی رابطوں کو بڑھانے پر زور
ملاقات میں دونوں ممالک کے درمیان دفاعی اور فوجی جدید کاری کے شعبے میں بڑھتی ہوئی تزویراتی شراکت داری کی عکاسی کی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش بنگلہ دیش کے چیف آف آرمی اسٹاف جنرل وقار الزماں پروفیسر ہالوک گورگن ترکیہ
پاکستان نے ایشین یوتھ گرلز نیٹ بال چیمپئن شپ کا پلیٹ ڈویژن کپ جیت لیا