شہری نے ڈاکوؤں کو بھاگنے پر مجبور کردیا
اشاعت کی تاریخ: 11th, July 2025 GMT
کراچی کے علاقے گلستان جوہر میں شہری نے ڈاکووں کو بھاگنے پر مجبور کردیا۔ شہری کی ڈاکووں پر فائرنگ اور ان کے فرار کی فوٹیج منظر عام پر آگئی۔ فوٹیج میں ڈاکووں کی شہری کو لوٹنے کی کوشش اور فائرنگ کرتے دیکھا جاسکتا ہے۔
کراچی کے علاقے گلستان جوہر میں شہری نے ڈکیتی کی کوشش ناکام بنادی۔ ڈاکوؤں نے انہیں لوٹنے کی کوشش کی تاہم شہری کی طرف سے فائرنگ کے بعد ڈاکو فرار ہونے پر مجبور ہوگئے۔ واقعے کی سی سی ٹی وی فوٹیجز سامنے آگئیں۔
فوٹیج میں دیکھا جاسکتا ہے کہ جیسے ہی شہری بینک سے رقم نکلواکر گھر پہنچنے پر گاڑی روکتا ہے تو موٹرسائیکل سوار ملزمان بھی پہنچ جاتے ہیں۔ سر پر ٹوپی اور رومال ڈالے ملزم کو دیکھتے ہی شہری اپنی گاڑی کے پیچھے بھاگتا ہے۔
شہری اسلحہ نکال کر ڈاکو پر فائرنگ کردیتا ہے۔ ڈاکو بھی شہری پرجوابی فائرنگ کرتا ہے۔ فائرنگ سے شہری اور ڈاکو محفوظ رہتے ہیں۔ ڈاکو فائرنگ کرتا اپنے ساتھی کے ہمراہ فرار ہوجاتا ہے۔
ذریعہ: Daily Mumtaz
پڑھیں:
شادی کی تقریب میں ہوائی فائرنگ کرنے والے تین ملزمان گرفتار، پولیس دلہا کی گاڑی کو بھی بند کردیا
کراچی کے ضلع وسطی کی حدود میں قائم تھانے شاہراہ نور جہاں پولیس نے شادی کی تقریب میں ہوائی فائرنگ کرنے والے تین ملزمان کو گرفتار کرکے دلہا سمیت تین گاڑیاں قبضے میں لے لی، فائرنگ سے ایک شخص زخمی ہوا تھا۔
ایکسپریس نیوز کے مطابق شاہراہِ نور جہاں کی حدود میں بارات میں ہوائی فائرنگ کرنے والے 3 ملزمان کو گرفتار کر کے اسلحہ اور گاڑی قبضہ میں لے لی۔
پولیس کے مطابق نارتھ ناظم آباد کے علاقے شاہراہ نورجہاں روڈ بلاک ٹی میں بارات میں شریک افراد کی ہوائی فائرنگ سے قاسم نامی شخص ٹانگ پر گولی لگنے سے زخمی ہوا۔
واقعے کی اطلاع ملتے ہی ایس ایچ او شاہراہِ نور جہاں کی سربراہی میں پولیس کی نفری وقوعہ پر پہنچی تو معلوم ہوا کہ تقریب میں شریک چند افراد بارات کے دوران ہوائی فائرنگ کر رہے تھے۔
پولیس نے فوری کارروائی کرتے ہوئے بارات کا تعاقب کیا اور تین ملزمان کو گرفتار کرلیا۔ جن کی شناخت عاقب خلیل، مزمل اور رازی منڈ کے ناموں سے ہوئی۔
پولیس نے ملزمان کے قبضے سے دو عدد پستول بمعہ ایمونیشن برآمد کیے جبکہ بارات میں استعمال ہونے والی تین گاڑیاں بھی تحویل میں لے لی۔
پولیس نے ملزمان کی گرفتاری کے بعد واقعے کا مقدمہ درج کرلیا۔ ایس ایس پی سینٹرل ذیشان صدیقی نے بروقت کارروائی اور ملزمان کی گرفتاری پر پولیس ٹیم کو شاباش دی۔
انہوں نے کہا کہ شہری علاقوں میں ہوائی فائرنگ جیسے خطرناک عمل کو ہرگز برداشت نہیں کیا جائے گا، اور قانون کی خلاف ورزی کرنے والوں کے خلاف سخت کارروائی عمل میں لائی جائے گی۔
پیپلز پارٹی کی وزیراعظم آزاد کشمیر کو استعفیٰ دینے کی مہلت