ٹریننگ کیمپ کے دوران عمیمہ سہیل کی سالگرہ، ساتھیوں کے ہمراہ کیک کاٹا
اشاعت کی تاریخ: 12th, July 2025 GMT
کراچی:
پاکستان ویمنز کرکٹ ٹیم کی آل راؤنڈر عمیمہ سہیل 28 برس کی ہوگئیں۔
مقامی ہوٹل میں قومی ویمن ٹیم کی جانب سے عمیمہ سہیل کی سالگرہ کا کیک کاٹا گیا، ساتھی کھلاڑیوں اور مینجمنٹ اسٹاف نے عمیمہ سہیل کو سالگرہ کی مبارک باد دی۔ کراچی میں جاری اسکلز اینڈ فٹنس کیمپ میں شریک کھلاڑیوں نے عمیمہ سہیل کے لیے نیک خواہشات کا اظہار کیا۔
ٹیم مینجر حنا منور، ہیڈ کوچ محمد وسیم، بولنگ کوچز جیند خان اور طاہر خان نے عمیمہ سہیل کو سالگرہ کی مبارک باد دی۔ عمیمہ سہیل 40 ون ڈے انٹرنیشنل اور 55 ٹی ٹوئنٹی میچز میں پاکستان کی نمائندگی کرچکی ہیں۔
قومی ویمن کرکٹر نے سالگرہ پر عزیز و اقارب اور ساتھی کھلاڑیوں کا شکریہ ادا کرتے ہوئے کہا کہ ٹریننگ کیمپ کے دوران ساتھی کھلاڑیوں کے ساتھ سالگرہ کا اپنا ہی لطف ہے، امید ہے کہ ورلڈ کپ سے قبل آئرلینڈ کے خلاف ٹی ٹوئنٹی سیریز جیت کر قوم کو خوشیاں دیں گے۔
.
ذریعہ: Express News
کلیدی لفظ: عمیمہ سہیل
پڑھیں:
شاہ رخ خان کی 60ویں سالگرہ، بالی ووڈ کنگ نے اپنی کامیابی کا سہرا خواتین کے سر باندھ دیا
بالی وڈ کے بادشاہ شاہ رخ خان، جو آج اپنی 60ویں سالگرہ منا رہے ہیں، نے اپنی کامیابی اور شہرت کا کریڈٹ خود کو نہیں بلکہ اپنی زندگی کی خواتین اور اپنی فلموں کی ہیروئنز کو دیا ہے۔
شاہ رخ خان، جنہوں نے کئی بلاک بسٹر فلموں کے ذریعے فلمی دنیا میں اپنی منفرد پہچان بنائی، کا کہنا ہے کہ ان کی کامیابی میں ان کے ساتھ کام کرنے والی اداکاراؤں کا سب سے بڑا کردار ہے۔
یہ بھی پڑھیے: میں حیران رہ گئی کہ وہ میرا نام کیسے جانتے تھے، دیویا دتہ کی شاہ رخ خان سے پہلی ملاقات کا دلچسپ قصہ
ایک گفتگو میں دی گارڈین سے بات کرتے ہوئے شاہ رخ خان نے کہا کہ میں نے اپنے والد اور والدہ کو بہت جلد کھو دیا، لیکن میری زندگی کی خواتین خاص طور پر اداکاراؤں نے میرا بہت ساتھ دیا۔ جو کچھ میں آج ہوں، وہ انہی کی بدولت ہوں۔ وہ محنت کرتی ہیں، اور آخر میں کریڈٹ مجھے ملتا ہے کیونکہ میں شاہ رخ خان ہوں۔
انہوں نے خواہش ظاہر کی کہ خواتین بھی وہی مقام حاصل کریں جو انہیں ملا، کیونکہ یہ ان کا حق ہے۔
شاہ رخ خان نے مثال دیتے ہوئے کہا، مدھوری دکشٹ نے میرے ساتھ رقص کے مناظر میں میرا ہاتھ تھاما، مگر دراصل وہی مجھے لیڈ کر رہی تھیں۔ جوہی چاولہ نے مجھے کامیڈی ٹائمنگ سکھائی، کاجول نے مجھے رونا سکھایا۔ وہ سب بے پناہ محنت کرتی ہیں، مگر فلم کے آخر میں نام میرا لیا جاتا ہے۔ میں جانتا ہوں کہ یہ حقیقت ہے اور میں اسے کبھی نہیں بھول سکتا کہ میں آج جہاں ہوں، وہ عورتوں کی وجہ سے ہوں۔
یہ بھی پڑھیے: مکیش امبانی یا شاہ رخ خان، امیر ترین بھارتی کون؟ نئی فہرست جاری
اداکار نے مزید کہا کہ وہ اپنے انداز اور رویے کے ذریعے ان اداکاراؤں کا شکریہ ادا کرتے ہیں۔ ان کے بقول ‘میری ساری شرافت، اچھا برتاؤ اور تمیز صرف اس بات کا اظہار ہے کہ میں ان خواتین کا شکریہ ادا کرنا چاہتا ہوں۔ وہ ہر فلم میں شاندار کام کرتی ہیں، اور میں ان کا ہمیشہ احسان مند رہوں گا۔’
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اداکار بالی ووڈ شاہ رخ خان
کیا پاکستان نے سلمان خان کو دہشت گرد قرار دیا ہے؟ حقیقت سامنے آگئی