پاکستان شاہینز کا انگلینڈ کا دورہ، 18 رکنی اسکواڈ کا اعلان، سعود شکیل کپتان مقرر
اشاعت کی تاریخ: 12th, July 2025 GMT
پاکستان کرکٹ بورڈ نے انگلینڈ کے دورے کے لیے پاکستان شاہینز کا 18 رکنی اسکواڈ جاری کر دیا ہے۔ نوجوانوں پر مشتمل یہ ٹیم 17 جولائی سے 6 اگست تک انگلینڈ کا دورہ کرے گی، جہاں وہ میزبان ٹیم کے خلاف دو تین روزہ اور تین ایک روزہ میچز کھیلے گی۔ پاکستان شاہینز کی قیادت مڈل آرڈر بلے باز سعود شکیل کے سپرد کی گئی ہے، جب کہ اسکواڈ میں 25 سال سے کم عمر کے 11 کھلاڑی شامل کیے گئے ہیں، جنہیں بین الاقوامی سطح پر اپنی صلاحیتوں کے اظہار کا بھرپور موقع دیا جائے گا۔ اسکواڈ میں شامل کھلاڑیوں میں علی زریاب، اذان اویس، فیصل اکرم، حیدر علی، معاذ صداقت، مہران ممتاز، میر حمزہ، محمد سلمان، مبصر خان، موسیٰ خان، مشتاق احمد، عمیر بن یوسف، وکٹ کیپر روحیل نذیر، ساجد خان، شاہد عزیز، شامل حسین اور عبید شاہ شامل ہیں۔ اس نوجوان ٹیم کی کوچنگ کی ذمہ داری سابق ٹیسٹ کرکٹر عمران فرحت کو سونپی گئی ہے، جو اس دورے میں کھلاڑیوں کی رہنمائی اور تربیت کا کردار ادا کریں گے۔ پاکستان کرکٹ بورڈ کے مطابق اس اسکواڈ کا انتخاب مستقبل کے لیے ٹیلنٹ کی تیاری اور صلاحیتوں کو نکھارنے کی حکمت عملی کے تحت کیا گیا ہے۔ انگلینڈ کے خلاف یہ سیریز نہ صرف نوجوان کھلاڑیوں کے لیے ایک بڑا امتحان ہوگی بلکہ یہ پاکستانی کرکٹ کے روشن مستقبل کی بنیاد بھی بن سکتی ہے۔
.
ذریعہ
ذریعہ: Nawaiwaqt
پڑھیں:
شانگلہ: مکان کی چھت گرگئی، 6بچے جاں بحق
( ملک رحمان)صوبہ خیبر پختونخوا کے پہاڑی ضلع شانگلہ میں ایک نہایت افسوس ناک واقعہ پیش آیا ہے جس میں ایک مکان کی چھت گرنے سے 6 بچے جاں بحق ہو گئے ہیں۔
یہ واقعہ ضلع شانگلہ کی تحصیل الپورئی میں پیش آیا، جس میں گزشتہ رات مکان کی چھت اچانک ڈھہ گئی اور گھر میں موجود بچے ملبے تلے دب گئے، واقعے میں ایک بچہ زخمی بھی ہو گیا ہے، جسے طبی امداد دی جا رہی ہے۔
مقامی پولیس کا کہنا ہے کہ لوگوں نے اپنی مدد آپ کے تحت ملبے سے تمام لاشیں اور زخمی بچی کو نکال لیا ہے، جاں بحق بچوں میں ناظرہ، سمیرا، رضوان، نایاب، حیا نور اور عمیرہ بی بی شامل ہیں، جن کی عمریں 5 سے 14 سال کے درمیان ہیں۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
پولیس کا کہنا ہے کہ جاں بحق ہونے والے بچوں کے والد جہان بشر کا کچھ ہی عرصہ قبل انتقال ہوا تھا، اور ان کا مکان کچا تھا۔ مرنے والوں میں پانچ لڑکیاں اور ایک لڑکا شامل ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ