وزیر داخلہ محسن نقوی کا دورہ بحرین، سکیورٹی تعاون بڑھانے پر اہم ملاقاتیں
اشاعت کی تاریخ: 12th, July 2025 GMT
وفاقی وزیر داخلہ محسن نقوی ایک روزہ دورے پر بحرین کے دارالحکومت منامہ پہنچے جہاں ان کا پرتپاک استقبال کیا گیا بحرین انٹرنیشنل ایئرپورٹ پر بحرین کے وزیر داخلہ جنرل شیخ راشد بن عبداللہ الخلفیہ نے محسن نقوی کا شاندار خیرمقدم کیا بعد ازاں وزارت داخلہ ہیڈ کوارٹر منامہ فورٹ آمد پر انہیں گارڈ آف آنر بھی پیش کیا گیا وزیر داخلہ محسن نقوی نے اپنے بحرینی ہم منصب سے اہم ملاقات کی جس میں سکیورٹی تعاون بڑھانے سمیت باہمی دلچسپی کے امور پر تفصیلی تبادلہ خیال کیا گیا ملاقات میں انسداد دہشتگردی انسداد انسانی سمگلنگ اور منشیات کے خلاف مشترکہ حکمت عملی پر بات چیت ہوئی دونوں رہنماؤں نے اس بات پر اتفاق کیا کہ ان چیلنجز سے نمٹنے کے لیے پاکستان اور بحرین کے درمیان مربوط سکیورٹی تعاون ناگزیر ہے ملاقات میں بحرین پاکستان مشترکہ سکیورٹی کمیٹی کے کردار کو مزید موثر بنانے پر بھی غور کیا گیا بحرینی وزیر داخلہ نے دونوں ممالک کے درمیان سکیورٹی سمیت مختلف شعبوں میں بڑھتے ہوئے تعاون کو سراہا اور کہا کہ محسن نقوی کا دورہ دونوں برادر ممالک کے دیرینہ تعلقات کو مزید مستحکم بنانے میں مددگار ثابت ہوگا وزیر داخلہ محسن نقوی نے بحرینی ہم منصب کو پاکستان کے دورے کی دعوت بھی دی اور وزارت داخلہ کی یادگار کتاب میں اپنے تاثرات درج کیے اس موقع پر بحرین کے نائب وزیر داخلہ میجر جنرل عادل بن خلفیہ بن حماد چیف آف پبلک سکیورٹی سینئر عسکری حکام پاکستان کے سفیر ثاقب رؤف اور اعلیٰ سفارتی افسران بھی موجود تھے
.
ذریعہ
ذریعہ: Nawaiwaqt
کلیدی لفظ: وزیر داخلہ محسن نقوی بحرین کے کیا گیا
پڑھیں:
علامہ ساجد علی نقوی سے علامہ جواد نقوی کی ملاقات، شہید امت کانفرنس میں شرکت کی دعوت دی
ملاقات میں امتِ مسلمہ کے اتحاد، موجودہ حالات میں قومی و ملی ذمہ داریوں اور پروگرام کی تیاری و اہداف پر تبادلۂ خیال کیا گیا۔ مزید برآں علامہ سید جواد نقوی نے 13 جون مینارِ پاکستان ’’شہیدِ اُمت کانفرنس‘‘ میں شرکت اور تعاون کی دعوت بھی پیش کی اور اس پروگرام کو ملتِ اسلامیہ کے اتحاد، بیداری اور استقامت کا اہم ذریعہ قرار دیا۔ اسلام ٹائمز۔ تحریک بیداری امت مصطفیٰ کے سربراہ اور اتحاد امت فورم کے رہنما علامہ سید جواد نقوی نے شیعہ علماء کونسل پاکستان کے سربراہ علامہ سید ساجد علی نقوی صاحب سے ملاقات کی اور ان کی اہلیہ کے انتقال پر تعزیت و تسلیت، فاتحہ خوانی اور دعائے مغفرت کی۔ علامہ سید جواد نقوی نے علامہ سید ساجد علی نقوی کیساتھ 13 جون کو مینارِ پاکستان لاہور میں منعقد ہونے والی ’’شہیدِ اُمت کانفرنس‘‘ کے حوالے سے بھی گفتگو کی۔ ملاقات میں امتِ مسلمہ کے اتحاد، موجودہ حالات میں قومی و ملی ذمہ داریوں اور پروگرام کی تیاری و اہداف پر تبادلۂ خیال کیا گیا۔ مزید برآں علامہ سید جواد نقوی نے 13 جون مینارِ پاکستان ’’شہیدِ اُمت کانفرنس‘‘ میں شرکت اور تعاون کی دعوت بھی پیش کی اور اس پروگرام کو ملتِ اسلامیہ کے اتحاد، بیداری اور استقامت کا اہم ذریعہ قرار دیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ