پی ٹی اے نے شہریوں کو خبردار کر دیا
اشاعت کی تاریخ: 28th, October 2025 GMT
ویب ڈیسک: پاکستان ٹیلی کمیونی کیشن اتھارٹی (پی ٹی اے) نے شہریوں کو خبردار کیا ہے کہ ملک میں ایک خطرناک فراڈ تیزی سے پھیل رہا ہے، جس میں جعلساز مفت سم کارڈ یا جعلی مالی امدادی اسکیموں کا جھانسہ دے کر شہریوں کے فنگر پرنٹس اور بائیومیٹرک ڈیٹا چرا رہے ہیں۔
پی ٹی اے کے مطابق یہ گروہ خاص طور پر خواتین کو نشانہ بنا رہے ہیں، جن سے مفت سم یا امدادی پیکیج کے بہانے حساس معلومات حاصل کی جاتی ہیں۔ اس ڈیٹا سے جعلی سمیں جاری کر کے مالی دھوکہ دہی، شناخت کی چوری اور دیگر جرائم کیے جا رہے ہیں۔
عام انتخابات کیلئے تاریخ کا اعلان
اتھارٹی نے شہریوں کو ہدایت کی ہے کہ کسی غیر مصدقہ شخص یا ادارے کے ساتھ اپنی بائیومیٹرک معلومات یا شناختی ڈیٹا ہرگز شیئر نہ کریں، کیونکہ اپنے نام پر جاری سم کسی دوسرے کو دینا قابلِ سزا جرم ہے۔
پی ٹی اے نے میٹا اور تعلیمی اداروں کے اشتراک سے ایک آگاہی مہم بھی شروع کی ہے تاکہ عوام کو آن لائن فراڈ، جعلی اشتہارات اور ڈیجیٹل دھوکہ دہی سے بچنے کے طریقوں سے آگاہ کیا جا سکے۔
چیئرمین پی ٹی اے میجر جنرل (ر) حفیظ الرحمٰن نے کہا کہ عوامی شعور میں اضافہ ہی آن لائن جرائم سے بچاؤ کا مؤثر ذریعہ ہے، جبکہ میٹا پاکستان کی ہیڈ آف پبلک پالیسی دانیا مختار کے مطابق جعلی اکاؤنٹس اور فراڈرز کے خلاف کارروائیاں جاری ہیں، تاہم عوامی آگاہی ہی سب سے مؤثر ہتھیار ہے۔
آٹے کی سرکاری اور ریٹیل قیمتوں میں بڑا فرق، عوام پریشان
.
ذریعہ
ذریعہ: City 42
کلیدی لفظ: پی ٹی اے
پڑھیں:
پشاور سمیت مختلف اضلاع میں بجلی کا طویل بریک ڈاؤن، شہریوں کو مشکلات کا سامنا
پشاور:خیبرپختونخوا کے دارالحکومت پشاور سمیت صوبے کے متعدد اضلاع میں بجلی کا طویل اور غیر معمولی بریک ڈاؤن شہریوں کے لیے عذاب بن گیا۔
شدید آندھی اور طوفان کے بعد شام تقریباً 6 بجے اچانک بجلی کی فراہمی معطل ہوئی جو کئی گھنٹے گزرنے کے باوجود مکمل طور پر بحال نہ ہو سکی۔
بجلی کی بندش کے باعث پشاور، مردان، چارسدہ، نوشہرہ اور دیگر متاثرہ علاقوں میں شہری شدید مشکلات کا شکار ہیں۔
گرمی اور حبس کے باعث گھروں میں موجود بچوں، بزرگوں اور مریضوں کو سخت پریشانی کا سامنا کرنا پڑا جبکہ کاروباری سرگرمیاں بھی متاثر ہوئیں۔
مزید پڑھیںپشاور سے کراچی تک نئی عوام ایکپریس ٹرین سروس شروع
شہریوں کا کہنا ہے کہ آندھی شروع ہوتے ہی بجلی غائب ہوگئی تاہم طوفان کے خاتمے کے کئی گھنٹے بعد بھی بجلی بحال نہ ہونا متعلقہ اداروں کی کارکردگی پر سوالیہ نشان ہے۔ متعدد علاقوں میں لوگ رات گئے تک بجلی کی واپسی کے منتظر رہے۔
دوسری جانب پیسکو حکام کے مطابق طوفانی موسم کے باعث بجلی کے ترسیلی نظام میں فنی خرابی پیدا ہوئی ہے جس کے باعث مختلف فیڈرز متاثر ہوئے۔
حکام کا کہنا ہے کہ تکنیکی ٹیمیں بحالی کے لیے کام کر رہی ہیں اور مرحلہ وار بجلی کی فراہمی بحال کی جا رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ