نادرا نے شناختی کارڈ کے حصول کا نیا طریقہ کار متعارف کرا دیا
اشاعت کی تاریخ: 13th, July 2025 GMT
لاہور(ویب ڈیسک) نیشنل ڈیٹابیس اینڈ رجسٹریشن اتھارٹی (نادرا) نے قومی شناختی کارڈ کے حصول کیلئے نیا اور منظم طریقہ کار متعارف کروا دیا ہے، جس کے تحت شہریوں کو مرحلہ وار پراسیس سے گزرنا ہوگا۔
نادرا حکام کے مطابق یہ نیا نظام ان افراد کیلئے خاص طور پر مفید ثابت ہوگا جو پہلی بار شناختی کارڈ حاصل کرنا چاہتے ہیں۔
نئے طریقہ کار کے تحت درخواست گزار کو 6 مراحل سے گزرنا ہوگا جن میں بائیو میٹرک تصدیق، ذاتی کوائف کی درستی، قانونی سرپرستی کی تصدیق، دستاویزی شواہد کی فراہمی، فیس کی ادائیگی اور حتمی منظوری شامل ہے۔
علاوہ ازیں شناخت کی تصدیق کیلئے والدین یا بہن بھائیوں کے شناختی کارڈز، قانونی سرپرست کی صورت میں گواہی اور حلف نامہ، جبکہ ب فارم یا کمپیوٹرائزڈ برتھ سرٹیفکیٹ بھی لازمی قرار دیا گیا ہے۔
نادرا کی جانب تین اقسام کی فیس کا اعلان کیا گیا ہے:
نارمل (750 روپے، 30 دن میں فراہمی)، ارجنٹ (1500 روپے، 15 دن میں فراہمی) اور ایگزیکٹو (2500 روپے، 7 دن میں فراہمی)۔
نادرا نے عوام سے اپیل کی ہے کہ وہ درخواست کے وقت تمام کوائف درست اور مکمل فراہم کریں تاکہ کسی قسم کی تاخیر یا اعتراض سے بچا جا سکے۔
خیال رہے کہ یہ اقدام عوامی سہولت اور شفافیت کو مدنظر رکھتے ہوئے متعارف کرایا گیا ہے۔
Post Views: 2.
ذریعہ
ذریعہ: Daily Mumtaz
پڑھیں:
آزاد کشمیر کے ترقیاتی منصوبوں کیلئے 54 ارب روپے سے زائد فنڈز تجویز
اسلام آباد: پی ایس ڈی پی 2026-27 کے تحت وفاقی حکومت نے آزاد جموں و کشمیر میں ترقیاتی، تعلیمی، صحت، توانائی، مواصلات اور بنیادی ڈھانچے کے مختلف منصوبوں کے لیے 54 ارب 17 کروڑ 37 لاکھ روپے سے زائد فنڈز مختص کرنے کی تجویز پیش کر دی ہے۔
بجٹ دستاویزات کے مطابق جاری ترقیاتی منصوبوں کے لیے 43 ارب 10 کروڑ 54 لاکھ روپے جبکہ نئے منصوبوں کے لیے 3 ارب 94 کروڑ 45 لاکھ روپے سے زائد فنڈز رکھنے کی سفارش کی گئی ہے۔ اس کے علاوہ آزاد کشمیر بلاک ایلوکیشن کے لیے 33 ارب روپے اور وزیراعظم کے خصوصی ترقیاتی پیکج کے لیے 5 ارب روپے مختص کرنے کی تجویز دی گئی ہے۔
پی ایس ڈی پی 2026-27 میں تعلیمی شعبے کو خصوصی اہمیت دی گئی ہے۔ آزاد کشمیر کے چار اضلاع میں دانش سکولوں کے قیام اور توسیع کے منصوبوں کے لیے 6 ارب 27 کروڑ روپے سے زائد فنڈز تجویز کیے گئے ہیں۔ ضلع باغ کے ہاڑی گہل میں دانش سکول کے لیے 2 ارب 14 کروڑ روپے، بھمبر میں 60 کروڑ روپے، وادی نیلم کے شاردا میں ایک ارب 55 کروڑ روپے جبکہ حویلی کہوٹہ میں دانش سکول کے قیام کے لیے 2 ارب 9 کروڑ روپے مختص کرنے کی سفارش کی گئی ہے۔
توانائی کے شعبے میں جگراں-II ہائیڈرو پاور منصوبے کے لیے ایک ارب 14 کروڑ 94 لاکھ روپے، شاردا-II منصوبے کے لیے 10 کروڑ روپے اور نگدر ہائیڈرو پاور منصوبے کے لیے 30 کروڑ روپے تجویز کیے گئے ہیں۔ دواریاں ہائیڈرو پاور منصوبہ بھی ترقیاتی پروگرام میں شامل ہے۔
بنیادی ڈھانچے کی بہتری کے لیے آزاد کشمیر قانون ساز اسمبلی کمپلیکس، رٹھوعہ ہریام پل اور نوسیری لیسوا بائی پاس روڈ سمیت متعدد منصوبوں کے لیے فنڈز رکھنے کی سفارش کی گئی ہے۔
صحت کے شعبے میں میرپور، مظفرآباد اور راولاکوٹ کے میڈیکل کالجوں کے انفراسٹرکچر اور سہولیات کی بہتری کے لیے کروڑوں روپے مختص کرنے کی تجویز دی گئی ہے۔ اس کے علاوہ میرپور واٹر سپلائی و سیوریج اسکیم، سالڈ ویسٹ مینجمنٹ اور ایل او سی متاثرین کی بحالی کے منصوبوں کو بھی شامل کیا گیا ہے۔
دستاویزات کے مطابق آزاد کشمیر میں لینڈ ریکارڈ کمپیوٹرائزیشن، آسان خدمت مرکز مظفرآباد، کاؤنٹر ٹیررازم ڈیپارٹمنٹ کی استعداد کار میں اضافے اور گورنمنٹ کالجز آف ٹیکنالوجی کے قیام کے منصوبوں کے لیے بھی فنڈز تجویز کیے گئے ہیں۔
حکومت نے آئندہ مالی سال کے ترقیاتی پروگرام میں تعلیم، صحت، توانائی، سڑکوں کے انفراسٹرکچر اور شہری سہولیات کے منصوبوں کو خصوصی ترجیح دی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ