جگن کاظم نے علیزے شاہ سے معافی مانگ لی، غیر مناسب رویے کا اعتراف
اشاعت کی تاریخ: 26th, July 2025 GMT
معروف میزبان و اداکارہ جگن کاظم نے ساتھی فنکارہ علیزے شاہ سے باضابطہ معافی مانگ لی ہے۔ سوشل میڈیا پر جاری ویڈیو بیان میں جگن کاظم نے اعتراف کیا کہ انہوں نے بطور سینئر غیر مناسب رویہ اپنایا، جس پر انہیں افسوس ہے۔ ان کا کہنا تھا کہ ان کا مقصد دل آزاری نہیں تھا، تاہم وہ علیزے شاہ کے جذبات مجروح ہونے پر شرمندہ ہیں۔ یہ معذرت اس وقت سامنے آئی جب علیزے شاہ نے ایک تقریب کے دوران گلوکارہ شازیہ منظور پر دھکا دینے اور جان بوجھ کر گرانے کا الزام عائد کیا، اور اس واقعے پر جگن کاظم کے طنزیہ رویے سے دلبرداشتہ ہوئیں۔ علیزے نے شازیہ منظور پر واقعے کو بار بار میڈیا میں اچھالنے اور کلاؤٹ حاصل کرنے کی کوشش کا الزام بھی لگایا۔ انہوں نے کہا کہ جگن کو ہمیشہ سنجیدہ شخصیت سمجھا تھا، مگر اس رویے نے ان کی رائے بدل دی۔ جگن کاظم نے وائرل میمز اور غیر سنجیدہ تبصروں پر بھی افسوس کا اظہار کرتے ہوئے کہا کہ حساس معاملات کو سنجیدگی سے لینا چاہیے۔ انہوں نے عوام اور میڈیا سے دوسروں کی عزتِ نفس کا خیال رکھنے کی اپیل کی۔
.ذریعہ: Nawaiwaqt
کلیدی لفظ: جگن کاظم نے علیزے شاہ
پڑھیں:
سندھ میں پہلے ای چالان پر معافی کا اعلان
آئی جی سندھ نے کہا کہ پہلا ای چالان ہونے پر 10 یوم میں رابطہ کرکے معافی کے ساتھ فیس معاف ہو سکتی ہے۔ اسلام ٹائمز۔ وزیراعلیٰ سندھ سید مراد علی شاہ نے پہلے ای چالان پر معافی کا اعلان کر دیا۔ آئی جی سندھ غلام نبی میمن کے ساتھ ملاقات میں وزیراعلیٰ سندھ نے کہا کہ دوبارہ ٹریفک قوانین کی خلاف ورزی پر چالان ادا کرنا ہوگا، سندھ پولیس کا جدید ای ٹکٹنگ سسٹم مؤثر ثابت ہو رہا ہے۔ آئی جی سندھ نے ٹریفک قوانین کی خلاف ورزی پر رپورٹ پیش کی۔ غلام نبی میمن نے کہا کہ پہلا ای چالان ہونے پر 10 یوم میں رابطہ کرکے معافی کے ساتھ فیس معاف ہو سکتی ہے۔
موجودہ وقت ظالمانہ نظام کیخلاف صالح لوگوں کے متحد ہونے کا ہے، روبینہ فرید