مدرسے میں استاد کے تشدد سے بچے کے جاں بحق ہونے پر شہزاد رائے بھی بول اٹھے
اشاعت کی تاریخ: 27th, July 2025 GMT
سوات کے مدرسے میں استاد کے تشدد سے جاں بحق ہونے والے 14 سالہ فرحان کو انصاف دلانے کےلیے سماجی کارکن اور زندگی ٹرسٹ کے بانی شہزاد رائے بھی آواز اٹھاتے ہوئے میدان میں آگئے ہیں۔
ایکس پر اپنے ویڈیو پیغام میں انہوں نے کہا کہ جسمانی سزا کو جواز فراہم کرنے والا قانون سیکشن 89 اب ماضی کا حصہ ہے۔ اس لیے بچوں پر تشدد کرنے والے اساتذہ کو کسی صورت معاف نہیں کیا جاسکتا۔
شہزاد رائے نے والدین اور طلبا سے اپیل کی کہ وہ ظلم کے خلاف خاموشی توڑیں اور ایسے واقعات رپورٹ کریں تاکہ فرحان جیسے معصوم بچوں کو بچایا جاسکے۔
Farhan lost his life, but we can save many children.
سماجی کارکن، گلوکار اور زندگی ٹرسٹ کے بانی شہزاد رائے نے سماجی رابطے کی ویب سائٹ پر اپنے ویڈیو بیان میں کہا کہ سوات کے علاقی خوازہ خیلہ میں 14 سالہ فرحان نامی بچہ مدرسے میں پڑھتا تھا۔ مدرسے کے استاد نے بچے پر اتنا تشدد کیا کہ وہ جاں بحق ہوگیا۔
انہوں نے مزید کہا کہ فرحان کے قاتل نہیں بچیں گے۔ میرا ویڈیو بنانے کا مقصد فرحان جیسے بچوں کو ان جیسے واقعات سے بچانا ہے۔
شہزاد رائے نے کہا کہ ملک میں ایک قانون سیکشن 89 تھا۔ اس قانون کے مطابق استاد بچوں کو بھلائی میں مار سکتا تھا۔ زندگی ٹرسٹ نے اس قانون کے خلاف اسلام آباد ہائی کورٹ میں ایک آئینی درخواست دائر کی۔ چیف جسٹس اسلام آباد ہائی کورٹ نے آئین سے متصادم قراد دیا۔ انہوں نے کہا کہ برسوں سے یہ ہوتا رہا ہے کہ استاد اس قانون کا غلط استعمال کرتے تھے۔ جب تشدد پر ان کو پکڑا جائے تو کہتے ہیں بچوں کی بھلائی کے لیے مارا ہے۔
ملک میں سیکشن 89 کا قانون ختم ہوچکا ہے۔ اب کوئی استاد طالب علم پر تشدد نہیں کرسکتا۔ شہزاد رائے نے کہا کہ اگر کوئی طالب علم چاہے مدرسے کا ہو یا اسکول کا، اگر استاد بچے پر تشدد کرتا ہے تو یہ قانوناً جرم ہے۔ میں بچوں سے اپیل کرتا ہوں کہ اگر ان کا استاد تشدد کرتا ہے تو اپنے والدین کو بتائیں اور والدین ان واقعات کی رپورٹ ضرور کریں۔
شہزاد رائے نے کہا کہ ان واقعات کی روک تھام کےلیے ہم سب کو اپنا کردار ادا کرنا ہوگا۔ انھوں نے ملزمان کی گرفتاری پر خیبرپختونخوا کے آئی جی پولیس کا شکریہ بھی ادا کیا۔
ذریعہ: Express News
کلیدی لفظ: نے کہا کہ
پڑھیں:
امریکی سینیٹر کوری بُکر بھی غزہ میں انسانی بحران پر چیخ اٹھے
امریکی ڈیموکریٹ سینیٹر کوری بُکر نے غزہ میں جاری انسانی بحران پر شدید تشویش ظاہر کرتے ہوئے امریکی و اسرائیلی حمایت یافتہ ادارے ’غزہ ہیومینٹیرین فاؤنڈیشن (GHF)‘کی حکمت عملی کو ناکام قرار دے دیا۔ انہوں نے مطالبہ کیا ہے کہ غزہ کے لیے امداد میں فوری اور بھرپور اضافہ کیا جائے۔
سینیٹر کوری بُکر نے اپنے سوشل میڈیا پلیٹ فارم ’ایکس‘ (سابقہ ٹوئٹر) پر ایک پوسٹ میں لکھا:
غزہ میں عام شہریوں خصوصاً بچوں، خواتین، بیماروں اور بزرگوں کی تباہ کن بھوک اور تکلیف کا مشاہدہ دل دہلا دینے والا ہے۔
یہ بھی پڑھیے اسرائیلی فوج غزہ میں حاملہ خواتین کے ٹکڑے، بچوں کے سروں پر گولی ماررہی ہے، اقوام متحدہ میں امریکی سرجن کا انکشاف
انہوں نے کہا کہ غزہ کے بحران سے نمٹنے کے لیے ضروری ہے کہ اشد ضروری خوراک، پانی اور ادویات فوری فراہم کی جائیں۔ شدید غذائی قلت کے شکار افراد کے لیے خصوصی غذائیں مہیا کی جائیں۔ انسانی امداد بلا تاخیر اُن لوگوں تک پہنچائی جائے جنہیں اس کی فوری ضرورت ہے۔
Witnessing the catastrophic hunger and suffering of civilians, especially children, women, the sick and elderly, in Gaza has been heartbreaking. The crisis in Gaza must be met with an immediate and drastic surge in life-saving resources, such as desperately needed food, water,…
— Sen. Cory Booker (@SenBooker) July 26, 2025
سینیٹر نے زور دیا کہ یہ ہماری اجتماعی اخلاقی ذمہ داری ہے کہ ہم اس ہنگامی صورت حال میں انسانی ہمدردی کی بنیاد پر امدادی کوششوں کو تیز کریں۔
جی ایچ ایف پر تنقید اور حقائق کی روشنیکوری بُکر نے غزہ ہیومینٹیرین فاؤنڈیشن (GHF) کی کارکردگی پر سوال اٹھاتے ہوئے کہا کہ جی ایچ ایف کی حکمتِ عملی کارگر ثابت نہیں ہوئی۔
مزید برآں، انہوں نے نیویارک ٹائمز کی ایک تازہ رپورٹ کا حوالہ دیتے ہوئے کہا کہ اسرائیلی فوج کے پاس اس بات کا کوئی ثبوت موجود نہیں کہ حماس نے انسانی امداد کو ہتھیایا ہو۔
یہ بھی پڑھیے غزہ میں نسل کشی کے خلاف خود کو آگ لگانے والا امریکی ایئرمین دم توڑ گیا
تاخیر کے مہلک نتائجسینیٹر بُکر نے انتباہ کیا کہ تاخیر کا ہر لمحہ انسانی جانوں کے ضیاع کا سبب بن سکتا ہے۔ بچوں، حاملہ خواتین اور دیگر شہریوں کی صحت کو ناقابلِ تلافی نقصان پہنچ سکتا ہے۔ انہوں نے عالمی برادری اور امریکی حکومت سے مطالبہ کیا کہ وہ غزہ میں انسانی بحران سے نمٹنے کے لیے تمام تر ممکنہ وسائل اور اقدامات بروئے کار لائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی سینیٹر کوری بُکر ڈٰیموکریٹ غزہ
چیف جسٹس کی سربراہی میں کمیٹی کا اجلاس، لاپتا افراد کے معاملے پر گہری تشویش