کراچی میں ہلاک دہشتگردوں سے ملنے والی ڈائری میں کیا درج تھا؟
اشاعت کی تاریخ: 28th, July 2025 GMT
کراچی کے علاقے منگھوپیر میں مبینہ پولیس مقابلے کے بعد 3 دہشتگردوں کو ہلاک کردیا گیا، سی ٹی ڈی نے اطلاع ملنے پر ایک مکان پر چھاپہ مارا جس کے بعد پولیس اور دہشتگردوں میں فائرنگ کا تبادلہ، چھاپہ فتنہ الخوارج دہشتگردوں کی موجودگی کی اطلاع پرمارا گیا۔
سی ٹی ڈی حکام کے مطابق بم ڈسپوزل عملے نے مکان کی سرچنگ مکمل کرلی، مکان سے دھماکا خیز مواد، دستی بم، ایس ایم جی رائفل اور دیگر سامان برآمد ہوا، لاشیں شناخت اور قانونی کارروائی کے لیے سول اسپتال منتقل کی گئی ہیں۔
مزید پڑھیں: فتنہ الہندوستان کے دہشتگردوں کا انجام عبرتناک موت ہے، وزیر داخلہ محسن نقوی
ڈی ایس پی سی ٹی ڈی راجا عمر خطاب نے سول اسپتال کے باہر میڈیا سے گفتگو میں کہا ہے کہ 2 ہلاک ملزمان کی شناخت زعفران اور قدرت اللہ کےنام سے ہوئی، زعفران پر حکومت نے 2 کروڑ روپے انعام رکھا ہوا تھا۔ ہلاک دہشتگردوں میں ایک خودکش حملہ آور بھی تھا، ہلاک تیسرے دہشتگرد سے متعلق معلومات حاصل کر رہے ہیں۔
راجا عمر خطاب کا کہنا تھا کہ ہلاک دہشتگرد نےگزشتہ سال چائینیز پر حملہ کیا تھا، دہشتگردوں سےگرینیڈ، خودکش جیکٹس برآمد ہوئی ہیں اور ایک ڈائری ملی ہے جس میں ٹارگٹ لکھے ہوئے تھے۔ گھر میں موجود تمام دہشتگرد ہلاک ہو چکے ہیں ملزمان جس گھر میں چھپے ہوئے تھے اس کے مالک کے بارے میں تفصیلات لی جا رہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
دہشتگرد کراچی منگھوپیر.ذریعہ: WE News
کلیدی لفظ: دہشتگرد کراچی منگھوپیر
پڑھیں:
خضدار، سکیورٹی فورسز کی کارروائی، پانچ دہشتگرد ہلاک
آئی ایس پی آر کے مطابق خفیہ اطلاع پر آپریشن کے دوران 5 دہشتگردوں کو ہلاک کر دیا گیا ہے۔ جو مختلف واقعات میں ملوث تھے۔ اسلام ٹائمز۔ سکیورٹی فورسز نے بلوچستان کے ضلع خضدار میں کارروائی کرتے ہوئے پانچ مبیبہ دہشت گردوں کو ہلاک کر دیا ہے۔ پاک فوج کے شعبہ تعلقات عامہ (آئی ایس پی آر) کے مطابق خضدار میں دہشت گردوں کے خلاف کارروائی 14 اور 15 ستمبر کی درمیانی شب کو کی گئی۔ آئی ایس پی آر کا کہنا ہے کہ خضدار میں کارروائی خفیہ اطلاع پر کی گئی۔ جس میں دہشت گردوں سے اسلحہ اور گولہ بارود برآمد ہوا۔ بیان کے مطابق "فتنہ الہندوستان" کے دہشت گرد مختلف کارروائیوں میں ملوث تھے۔ آئی ایس پی آر کے مطابق علاقے میں مزید دہشتگردوں کی موجودگی کی اطلاعات پر سرچ آپریشن جاری ہے۔ ترجمان پاک فوج کا کہنا ہے کہ دہشت گردوں کو انصاف کے کٹہرے میں لانے تک کارروائیاں جاری رہیں گی۔
لاہور سے جدہ جانے والی 2 پروازوں کی ہنگامی لینڈنگ؛ طیارے گراؤنڈ کردیے گئے