ایتھوپیا کے سفیر کی چیئرمین سی ڈی اے محمد علی رندھاوا سے ملاقات،شجرکاری مہم سمیت دوطرفہ تعاون کو مضبوط بنانے پر تبادلہ خیال
اشاعت کی تاریخ: 29th, July 2025 GMT
ایتھوپیا کے سفیر کی چیئرمین سی ڈی اے محمد علی رندھاوا سے ملاقات،شجرکاری مہم سمیت دوطرفہ تعاون کو مضبوط بنانے پر تبادلہ خیال WhatsAppFacebookTwitter 0 29 July, 2025 سب نیوز
اسلام آباد (سب نیوز) ریپبلک آف اتھوپیا کے پاکستان میں سفیر جمل بیکر عبداللہ نے آج سی ڈی اے ہیڈکوارٹرز میں چیئرمین سی ڈی اے و چیف کمشنر اسلام آباد محمد علی رندھاوا سے ملاقات کی۔ ملاقات انتہائی دوستانہ ماحول میں ہوئی جس میں باہمی دلچسپی کے امور خاص طور پر شہری ترقی، ماحول دوست شجرکاری مہم اور پائیدار اربن پلاننگ کے شعبوں میں دوطرفہ تعاون کو مضبوط بنانے پر تبادلہ خیال کیا گیا۔ چیئرمین سی ڈی اے نے جمل بیکر عبداللہ کو سی ڈی اے کی کارکردگی سے آگاہ کیا بالخصوص اسلام آباد میں مکمل ہونے والے اہم ترقیاتی منصوبوں اور جاری کاموں کے بارے میں تفصیلات بتائیں۔
انہوں نے دارالحکومت اسلام آباد کو ایک جدید اور ماحول دوست شہر بنانے کیلئے سی ڈی اے کے اسٹریٹجیک وژن پر روشنی ڈالی۔ چیئرمین سی ڈی اے نے ایتھوپیا کے سفیر کو اسلام آباد کی آبی گزر گاہوں کی بہتری اور ماحول دوست گرین بیلٹس کیلئے خصوصی اقدامات سے بھی آگاہ کیا۔ ملاقات میں ایتھوپیا کے سفیر جمل بیکر عبداللہ نے اسلام آباد میں بڑے پیمانے پر شجر کاری مہم میں ایتھوپیا کی شرکت کی تجویز پیش کی جو ایتھوپیا کے دارالحکومت ادیس ابابا میں گرین کوریڈور پروجیکٹ سے متاثر ہے۔ چیئرمین سی ڈی اے نے اس تجویز کا خیر مقدم کیا اور کہا کہ اسلام آباد میں “ایتھوپیا-پاکستان پارٹنر شپ پارک” قائم کرنے کیلئے قانون کے مطابق زمین مختص کی جائے گی جو ایتھوپیا کی گرین لیگیسی انیشیٹو کا حصہ ہوگا۔ چیئرمین سی ڈی اے نے اسلام آباد اور ادیس ابابا کے درمیان سسٹر سٹی تعلقات قائم کرنے کے خیال کو بھی خوش آمدید کہا، جس کا مقصد عوامی رابطوں، ثقافتی تبادلے، بلدیاتی انتظام، آبی گذرگاہ کی بحالی اور گرین سٹی حل جیسے شعبوں میں تعاون کو فروغ دینا ہے۔
انہوں نے کہا کہ ایتھوپیا کا شہری پائیداری کا تجربہ اسلام آباد کی مستقبل کی ترقیاتی منصوبہ بندی کیلئے بہت فائدہ مند ثابت ہو سکتا ہے۔ ایتھیوپین سفیر جمل بیکر عبداللہ نے چیئرمین سی ڈی اے محمد علی رندھاوا کی قیادت میں سی ڈی اے کی شاندار کارکردگی کو سراہا جس نے اسلام آباد کو ایک خوبصورت دارالحکومت بنانے میں اہم کردار ادا کیا ہے۔ انہوں نے دارالحکومت اسلام آباد کے پائیدار انفراسٹرکچر اور ماحول دوست شہری ترقی کے شعبوں میں دوطرفہ تعاون کو بڑھانے میں ایتھوپیا کی گہری دلچسپی کا اظہار کیا۔ ایتھوپیا کے سفیر نے پاکستان کے دارالحکومت کی ترقی کے انتظام کے تجربے سے سیکھنے میں بھی دلچسپی ظاہر کی۔ ملاقات میں اسمارٹ سٹی، گرین سٹی اور ادارائی روابط کے ساتھ تیکنیکی و ثقافتی تبادلوں کے ذریعے تعاون کے نئے راستوں کو تلاش کرنے پر اتفاق کیا۔ ملاقات مثبت نتائج پر اختتام پذیر ہوئی، جس میں دونوں ممالک کے درمیان عملی تعاون کو فروغ دینے کا عزم ظاہر کیا گیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرذوالفقار بھٹو جونیئر کا بہن فاطمہ بھٹو کے ہمراہ سیاسی پارٹی بنانے کا اعلان ذوالفقار بھٹو جونیئر کا بہن فاطمہ بھٹو کے ہمراہ سیاسی پارٹی بنانے کا اعلان نومئی مقدمات میں انصاف کا خون ہو رہا ہے،اپوزیشن لیڈر عمر ایوب کا چیف جسٹس پاکستان کو خط امریکا کے ساتھ تعلقات استوار کر رہے ہیں، وزیرِ اعظم شہباز شریف چینی بحران، پبلک اکاونٹس کمیٹی کے ایف بی آر اور وزارت صنعت سے سخت سوالات، شوگر ملز مالکان کے نام طلب لاپتا افراد کی لسٹ میں شامل افراد دہشتگردی میں ملوث، شواہد سامنے آگئے ہمارے پاس ثبوت ہے دہشتگردوں کے پاس پاکستانی چاکلیٹ ملی ہے،بھارتی وزیرداخلہ کی عجیب منطقCopyright © 2025, All Rights Reserved
رابطہ کریں ہمارے بارے ہماری ٹیم.
ذریعہ
ذریعہ: Daily Sub News
کلیدی لفظ: ایتھوپیا کے سفیر محمد علی رندھاوا چیئرمین سی ڈی اے دوطرفہ تعاون کو
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار