کویت نے پرائیویٹ ڈرائیونگ لائسنس کی میعاد میں توسیع کردی
اشاعت کی تاریخ: 30th, July 2025 GMT
کویت سٹی ( اُردو پوائنٹ اخبارتازہ ترین۔ 30 جولائی 2025ء ) خلیجی ملک کویت کی جانب سے پرائیویٹ ڈرائیونگ لائسنس کی میعاد میں توسیع کردی گئی۔ گلف نیوز کے مطابق کویت نے پرائیویٹ ڈرائیونگ لائسنس کی میعاد کویت اور جی سی سی کے شہریوں کے لیے 15 سال اور غیر ملکی باشندوں کے لیے 5 سال تک بڑھا دی ہے، اس حوالے سے ملک کے پہلے نائب وزیر اعظم اور وزیر داخلہ شیخ فہد یوسف الصباح نے ایک وزارتی فیصلہ جاری کیا۔
بتایا جارہا ہے کہ نئے وزارتی فیصلے کے تحت کویتی باشندوں، جی سی سی کے شہریوں اور غیر ملکی رہائشیوں کے لیے ڈرائیونگ لائسنس کی میعاد میں توسیع کی گئی ہے، جس کو خلیجی ملک کے لائسنسنگ قوانین میں ایک اہم تبدیلی قرار دیا گیا ہے، نئے ضوابط کے تحت غیر ملکیوں کے لیے لائسنس کی میعاد 3 سے بڑھا کر 5 سال کر دی گئی ہے، کویتی اور خلیجی شہریوں کے لیے لائسنس اب 10 کی بجائے 15 سال کے لیے کارآمد ہوں گے، بے وطن باشندوں کے لیے لائسنس کی مدت ان کی شناختی دستاویزات کی درستگی سے منسلک رہے گی۔(جاری ہے)
معلوم ہوا ہے کہ کویتی باشندوں کے لیے لائسنس کی مدت روایتی طور پر 10 سال تھی جب کہ تارکین وطن کے لیے اسے ایک وقت میں کم کر کے ایک سال کر دیا گیا تھا جب کہ کئی ماہ قبل شیخ فہد الصباح نے غیر ملکی لائسنس کی میعاد تین سال تک بڑھا دی تھی اور اب ان کے نئے اعلان نے اسے فوری طور پر 5 سال تک بڑھا دیا ہے تاہم کویت ڈرائیونگ لائسنس کے اجراء کے معاملے میں تارکین وطن کے لیے سخت شرائط رکھتا ہے، جس میں یونیورسٹی ڈگری کی شرط بھی شامل ہے، نئے آنے والے دو سال تک ملک میں قانونی طور پر رہنے کے بعد ہی ڈرائیونگ لائسنس کے لیے درخواست دینے کے اہل ہیں۔ .ذریعہ: UrduPoint
کلیدی لفظ: تلاش کیجئے ڈرائیونگ لائسنس کی میعاد کے لیے لائسنس سال تک
پڑھیں:
پنجاب بھر میں دفعہ 144 کے نفاذ میں توسیع
لاہور:محکمہ داخلہ پنجاب نے صوبہ بھر میں دفعہ 144 کے نفاذ میں 7 یوم کی توسیع کردی۔
پنجاب میں ہر قسم کے احتجاج، جلسے، جلوس، ریلیوں، دھرنوں، اجتماع اور ایسی تمام سرگرمیوں پر پابندی برقرار رہے گی، دفعہ 144 کے تحت چار یا زائد افراد کے عوامی مقامات پر جمع ہونے اور ہر قسم کے اسلحہ کی نمائش پر مکمل پابندی عائد کی گئی ہے۔
دفعہ 144 کے تحت لاؤڈ اسپیکر کے استعمال، اشتعال انگیز، نفرت آمیز یا فرقہ وارانہ مواد کی اشاعت و تقسیم پر مکمل پابندی ہے۔
دفعہ 144 کے نفاذ میں توسیع کا فیصلہ امن و امان کے قیام، انسانی جانوں اور املاک کے تحفظ کیلئے کیا گیا، حکومت پنجاب نے دہشت گردی اور امن عامہ کے خدشات کے پیش نظر احکامات جاری کیے، پابندی کا اطلاق شادی کی تقریبات، جنازہ اور تدفین پر نہیں ہوگا، سرکاری فرائض کی انجام دہی پر موجود افسران و اہلکار اور عدالتیں پابندی سے مستثنیٰ ہیں۔
لاؤڈ سپیکر صرف اذان اور جمعہ کے خطبہ کیلئے استعمال کیے جا سکتے ہیں۔ سکیورٹی خطرات کے پیش نظر عوامی جلوس و دھرنا دہشت گردوں کیلئے سافٹ ٹارگٹ ہو سکتا ہے، شرپسند عناصر عوامی احتجاج کا فائدہ اٹھا کر اپنے مذموم عزائم کی تکمیل کیلئے ریاست مخالف سرگرمیاں کر سکتے ہیں۔
محکمہ داخلہ نے ہفتہ 8 نومبر تک دفعہ 144 کے نفاذ میں توسیع کا نوٹیفکیشن جاری کردیا۔
سولجر بازار میں ریسٹورنٹ کے باہر فائرنگ سے تاجر جاں بحق